سه‌رۆکێ هه‌رێما کوردستانێ نێچیرڤان بارزان، د ۷۹ئه‌مین سالڤه‌گه‌را دامه‌زراندنا پارتییا ده‌مۆکراتا کوردستانێ دا په‌یامه‌ک وه‌شاند. “پەدەکە دێ خه‌ونێن گه‌لێ کورد پێک بینه.”
جیگرێ سه‌رۆکێ پەدەکێ، نێچیرڤان بارزانی، پیرۆزباهی ل مالباتێن شه‌هیدان، ته‌ڤاهیا گه‌لێ کوردستانێ، سه‌رۆک مه‌سعود بارزانی، سەرکردایەتی، ئۆرگان، ئه‌ندام، ئالیگر، جەماوەر و دۆستێن پەدەکێ کر و گۆت: “ئه‌م سۆز ددن کو ئه‌م دێ ژ بۆ ئارمانجێن بلند یێن پەدەکێ و پێکانینا مافێن گه‌لێ کوردستانێ خه‌باتا خوه بدۆمینن.”
د به‌شه‌ک دن یا په‌یاما خوه دا، نێچیرڤان بارزانی گۆت، “پەدەکە ۷۹ سال به‌رێ د ڕه‌وشه‌ک دژوار یا وێ ده‌مێ دا وه‌کی پێدڤیه‌ک ژیانێ هاته دامه‌زراندن، دا کو گه‌لێ کوردستانێ ب سه‌رفرازی به‌ر ب ئازادیێ ڤه ببه. “پەدەکە به‌رپرسیاریا هه‌ری مه‌زن دگره سه‌ر خوه کو گه‌لێ کوردستانێ بینه قراخا ئاشتیێ.”
په‌یاما پیرۆزباهیێ یا نێچیرڤان بارزانی :
د ۷۹ئه‌مین سالڤه‌گه‌را دامه‌زراندنا پارتییا مه، پارتییا ده‌مۆکراتا کوردستانێ دا، ئه‌م بارزانی یێ نه‌مر دامه‌زرینه‌رێ پارتییێ و ڕێبه‌رێ گیانی یێ گه‌لێ کوردستانێ، و هه‌می قه‌هره‌مان، شۆره‌شگه‌ر و پێشمه‌رگه یێن وێره‌ک یێن کو ژیانا خوه ژ بۆ ئازادییا کوردستانێ دانه ب ڕێزداری ب بیر تینن. ئه‌م ڕێز ل گیانێ وان دگرن و سلاڤێن خوه ژ مالباتێن وان را دشینن.
ئه‌ز د ڤێ سالڤه‌گه‌را پیرۆز دا پیرۆزباهیێ ل مالباتێن شه‌هیدان، ته‌ڤاهیا گه‌لێ کوردستانێ، سه‌رۆک مه‌سعود بارزانی، سەرۆکاتی، ئۆرگان، ئه‌ندام، ئالیگر، جەماوە و دۆستێن پەدەکێ دکم. مه سۆزا خوه یا به‌رده‌وامیا خه‌باتا ژ بۆ ئارمانجێن بلند یێن پەدەکێ و پێکانینا مافێن گه‌لێ کوردستانێ ژ نوو ڤه پشتراست کر.
پەدەکە ۷۹ سال به‌رێ د ڕه‌وشه‌ک دژوار یا وێ ده‌مێ دا وه‌کی پێدڤیه‌ک ژیانێ هاته دامه‌زراندن، دا کو گه‌لێ کوردستانێ ب سه‌رکه‌فتی به‌ر ب ئازادیێ ڤه ببه. به‌رپرسیاریا هه‌ری مه‌زن ل سه‌ر ملێ پەدەکێ یه کو گه‌لێ کوردستانێ بگەهینە قراخا ئاشتیێ.
به‌رپرسیاریا دیرۆکی و نه‌ته‌وه‌یی یا پەدەکێ وسا دکه کو پێشه‌نگیا خورتکرنا یه‌کیتی، هه‌ڤگرتن و یەکرێزیێ دا، و لهەڤجڤاندنا ئالیێن سیاسی و هەموو پێکهاتەیێن کوردستانێ و ژ بۆ ده‌رباسکرنا پرسگرێک و ناکۆکیان دەستپێشخەر بە، دا کو ڕێبه‌ریا کوردستانێ بکه د شه‌رێ ل دژی خه‌ته‌ره و دژوارییان دا و ڤه‌گوهه‌راندنا وان بۆ ده‌رفه‌ت و خزمه‌تێن ژ بۆ نها و پاشه‌رۆژا گه‌ل و وه‌لات دا. د ڤی واری دا، پەدەکە دێ وه‌کی هه‌ر جارێ هه‌ر فه‌داکارییه‌کێ بکه.
چاوا کو پەدەکە د هه‌موو بلندبوون و داکه‌تنێن دیرۆکێ دا سه‌رکه‌فتی مایه، ئه‌و دێ ب ئاقلمه‌ندی و ئیراده‌یه‌ک خورت هێڤی و خه‌ونێن گه‌لێ کوردستانێ ب ده‌ست بخه. ژ بۆ ڤێ یه‌کێ دڤێ ئه‌م ب به‌رده‌وامی خوه ب پێشکه‌تن و ڕوحێ ده‌مێ و هه‌وجه‌داریێن وێ نوو بکن و دڤێ پەدەکە هێڤی، گارانتی و دینامۆیا پێشڤه‌چوونا گه‌لێ کوردستانێ به.
سلاڤ ژ بۆ سالڤه‌گه‌را ۱٦ێ ته‌باخێ، سلاڤ ژ بۆ گیانێ شه‌هیدێن کوردستانێ.
نێچیرڤان بارزانی
٢٠٢٥/٨/١٦