نوونه‌رێ تایبه‌ت یێ ئەمریکایێ ژ بۆ کاەووبارێن سووریه‌یێ تۆم باڕاک ڕاگەاند کو، هه‌ڤدیتن د ناڤبه‌را فه‌رماندارێ هێزێن سووریا ده‌مۆکراتیک (هسد) مەزلوم ئەبدی و وه‌زیرێ ده‌رڤه یێ ترکیه‌یێ هاکان فیدان دا به‌رده‌وام دکن.
نوونه‌رێ تایبه‌ت یێ ئەمریکایێ ژ بۆ کارووبارێن سووریه‌یێ تۆم باڕاک ڕاگەاند کو هه‌ڤدیتن د ناڤبه‌را فه‌رماندارێ گشتی یێ هێزێن سووریا ده‌مۆکراتیک (هسد) مازلوم ئەبدی، وه‌زیرێ ده‌رڤه یێ ترکیه‌یێ هاکان فیدان و به‌رپرسێن دن ئێن پایه‌بلند ئێن ترکیه‌یێ دا به‌رده‌وام دکن. باڕاک دیار کر کو سه‌رۆککۆمار ڕه‌جه‌پ تەییپ ئه‌ردۆگان ژی پشتگریێ دده ڤێ پێڤاژۆیا دیالۆگێ.
تۆم باڕاک د جڤینه‌ک چاپه‌مه‌نیێ یا د ۲۹ێ ته‌باخا ۲۰۲٥ئان دا ئاخڤی و گۆت، “د ناڤبه‌را ترکیه‌یێ و هەسەدێ دا تێکلیێن ڕاسته‌راست و نه‌راسته‌راست هه‌نه. دڤێ ده‌ریێن دیالۆگێ ڤه‌کری بمینن. ته‌ڤی ناکۆکیێن کوور ئێن د ناڤبه‌را ئالیان دا، ئه‌ڤ تێکلی گرینگنن.”
“ترکیه هه‌ڤکارێ سه‌ره‌که یێ ناتۆیێ یه”
باڕاک گۆت: “هه‌ر چه‌ند ترکیه‌یێ جارنان ب ئەمریکا و ناتۆیێ را ناکۆکیێن خوه هه‌بوون ژی، ئه‌و هه‌ر گاڤ به‌شه‌ک گرینگ و نه‌چاری یا هه‌ڤپه‌یمانیێ بوویه.” وی هه‌ر وها دیار کر کو ئه‌ردۆگان “هه‌ول دده کو باوه‌ریێ ل سه‌رانسه‌رێ هه‌می سینۆرێن دیرۆکی ژ نوو ڤه ئاڤا بکه.”
په‌یام ژ بۆ سووریه‌یێ: ده‌ما چاکسازییێ، یه‌کیتییێ و ئاشتییێ یه
ده‌ربارێ ڕه‌وشا هه‌یی یا ل سووریه‌یێ، تۆم باڕاک گۆت،: “دڤێ سووریه‌یه‌که نوو ل سه‌ر بنگه‌ها چاکسازییێ، تێکەلبوون و هه‌ڤکاریێ وه‌ره ئاڤاکرن. گه‌ل ژ شه‌رێن مه‌زهه‌بی وه‌ستیایه. ئاشتی، لهه‌ڤهاتن و ئارامی پێویسته.”
