د سیاسه‌تێ دا ژی، وه‌ک هه‌ر به‌شا ژیانێ، ژ بۆ مرۆڤان هنده‌ک پیڤان هه‌نه. ژ بۆ که‌سایه‌تییا مرۆڤان ژی پیڤانا هه‌ری گرینگ ئه‌خلاقه. لێ مخابن د سیاسه‌تێ دا ئه‌خلاق ژ بۆ هه‌رکه‌سی نه پیڤانه. ئه‌ڤ ژی دبه سه‌ده‌مه‌ک بنگه‌هین کو، خه‌له‌تیێن گه‌له‌ک مه‌زن بهێنە کرن و ده‌ما سیاسه‌تمه‌دار ڤێ یه‌کێ دکن خه‌لک زه‌ره‌را هه‌ری مه‌زن دبینه.
ده‌م پاڕتییێ، ئه‌ڤ که‌سێن کو د وێنەیێ ل ژۆر دا دیارن، ب ده‌هان جاران تێكلییێن ده‌ستهلاتا هه‌رێما کوردستانێ و ترکیێ، تایبه‌تی پەدەكێ و بارزانی دگەل ترکیێ گه‌له‌ک جاران ڕه‌خنه کرنه. هه‌تا پرانیا جارن سنۆرێن ئه‌خلاقی ده‌رباس کرنه، پەدەکە و بارزانی ب “خیانه‌تێ”تاوانبار کرنه. ئه‌ڤ یه‌ک ژ ئالیێ هه‌رکه‌سه‌کی ڤه باش تێ زانین. لێ دهات زانین کو، ڕۆژا ئه‌ردۆگان مه‌رحەبایەکێ بده وان و ده‌ستێ خوه درێژی وان بکه ئه‌و ژ که‌یفا نزانن دێ چبکن.
ڕۆژا ڤه‌کرنا ده‌ستپێکا خۆلا نوو یا پارله‌مه‌نتۆیا ترکیێ ده‌ما سه‌رۆککۆمارێ ترکیێ ئه‌ردۆگان هاته قادا پارله‌مه‌نتۆیێ، جەهەپە، ژ بۆ پێشوازیا ئه‌ردۆگان نه‌کن، د ڕوونشتنا پارله‌مه‌نتۆیێ دا ئاماده‌نه‌بوون. لێ ده‌م پارتی ڤێ جارێ هه‌ڤالبه‌ندیا جەهەپێ نه‌کر. پارله‌مه‌نته‌رێن ده‌م پاڕتییێ ڕابوون سه‌ر خوه و ژ پێرڤە پێشوازیا ئه‌ردۆگان کرن. ئه‌ردۆگان ژی ئه‌ڤ جارا یه‌که‌مه به‌رێ خوه دا وان و یه‌ک ب یه‌ک ده‌ستێ وان گرت و هه‌ژاند. ئه‌ردۆگان د ئاخاڤتنا خوه دا، ژ بۆ کارێن وان یێ ژ بۆ پێڤاژۆیا “ترکیه‌یا بێ ته‌رۆر” سپاسیا وان کر…
د ڤێ ده‌ربارێ دا، تایبه‌تی د ده‌ربارێ هه‌لوه‌ستا ده‌م پاڕتییێ دا گه‌له‌ک تشت هه‌نه کو مرۆڤ به‌حس ژێ بکه و نرخاندنا ل سه‌ر بکه. لێ هه‌رکه‌س سه‌ناریۆیا تێ له‌یزتن دبینه.. چاڤێ وان زیق و دەڤێ وان بەش مایە باوەر ناكن ئەو ئەردۆگانە بەرێ خوە ددە وان ”دەڤێ رووڤی نەگەهشت تری گۆت یێ ترشە
