نێچیرڤان بارزانی گۆت:”ئه‌ڤ سه‌رکه‌فتن سه‌رکه‌فتنا ته‌ڤاهیا کوردستان و ئیراقێ یه و ژ بۆ مه هه‌موویان چاڤکانییا شاهی و سه‌ربلندیێ یه،”
ڕۆژا سێشه‌مێ، ۱۱ێ مژدارا ۲۰۲٥ئان، نێچیرڤان بارزانی، جیگرێ سه‌رۆکێ پارتییا ده‌مۆکراتا کوردستانێ (پەدەکە)، په‌یامه‌ک پیرۆزباهیێ وه‌شاند.
د په‌یاما خوه دا، نێچیرڤان بارزانی گۆت: “ئه‌ز ب گه‌رمی پیرۆزباهیێ ل برێز سه‌رۆک بارزانی، مالباتێن شه‌هیدان، ئه‌ندامان، جەماوەرێ پاتییێ و گه‌لێ دلسۆز یێ کوردستانێ دکم ژ بۆ سه‌رکه‌فتنا مه‌زن و دیرۆکی یا پارتییا مه ل هه‌رێما کوردستانێ. “ئه‌ڤ سه‌رکه‌فتن د هلبژارتنێن پەرلامه‌نتۆیا ئیراقێ دا سه‌رکه‌فتنه‌کە ژ بۆ ته‌ڤاهیا کوردستان و ئیراقێ یه و ژ بۆ مه هه‌موویان چاڤکانیا شاهی و سه‌ربلندییێ یه.”
جیگرێ سه‌رۆکێ پەدەکێ هه‌ر وها سپاسیا “هه‌موو دلسۆزان” کر کو “ب زه‌حمه‌تی و وێره‌کی خه‌بتین دا کو ده‌نگێن پەدەکێ بگەهینن زێده‌تری ملیۆنه‌ک دەنگان و پەدەکێ بکن پارتییا یه‌که‌م.
بارزانی گۆت، “وان پەدەکە خورت کر دا کو ده‌نگێ وێ ل به‌غدایێ وێره‌کتر به و ئه‌و بکاربه ژ بۆ بجیئانینا ده‌ستوورێ و خورتکرنا فه‌ده‌رالیزمێ چێتر بخه‌بته.”
نێچیرڤان بارزانی وها دبێژه:”ئه‌م سۆزا خوه یا ژ بۆ ڕێبه‌رێ خوه یێ مه‌زن، سه‌رۆک بارزانی کو وه‌کی هه‌ر جارێ، د بن ڕێبه‌ری و فه‌رمانێن وی دا، ئه‌م دێ خزمه‌تا گه‌ل و وه‌لاتێ خوه بکن و ببن پارێزڤانێن مافێن هه‌موویان.”
په‌یاما نێچیرڤان بارزانی:
ئه‌ز دخوازم پیرۆزباهیێ ل سه‌رۆک بارزانی، مالباتێن شه‌هیدان، ئه‌ندام و جەماوەرێ پەدەکێ و گه‌لێ دلسۆز یێ کوردستانێ ژ بۆ سه‌رکه‌فتنا مه‌زن و دیرۆکی یا پارتییا مه د هلبژارتنێن ئەنجومەنا نوونه‌رێن ئیراقی دا، بکم. ئه‌ڤ سه‌رکه‌فتن سه‌رکه‌فتنا ته‌ڤاهیا کوردستان و ئیراقێ یه و ژ بۆ مه هه‌موویان چاڤکانیا شاهی و سه‌ربلندیێ یه.
سپاس و ته‌قدیرەک بێداوی ژ بۆ هه‌موو وان دلسۆزێن کو ب زه‌حمه‌ت و وێره‌کی خه‌بتین هه‌تا کو ده‌نگێن پەدەکێ گەهاندن زێده‌تری ملیۆنه‌ک دەنگان و پەدەکە کرن پارتییا یه‌که‌م. ئه‌و د قەبخوازییا مه دا بسه‌ر که‌تن و پەدەکە خورت کرن دا کو ئه‌و بکاربه ل به‌غدایێ ده‌نگه‌ک وێره‌کتر هه‌به و ژ بۆ بجیهانینا ده‌ستوورێ و خورتکرنا فه‌ده‌رالیزمێ باشتر بخه‌بته.
ئه‌م سۆزا خوه ژ برێز سه‌رۆک بارزانی، ڕێبه‌رێ مه یێ مه‌زن را دوباره دکن، کو وه‌کی هه‌ر جارێ، د بن ڕێبه‌ری و فه‌رمانێن وی دا، ئه‌م دێ خزمه‌تا گه‌ل و وه‌لاتێ خوه بکن و ببن پارێزڤانێن مافێن هه‌موو پێکهاتەیێن کوردستان و ئیراقێ. وه‌رن ئه‌م بخه‌بتن دا کو ئیراق ببه وه‌لاته‌ک ژ بۆ هه‌موویان و ب هه‌ڤ را ئه‌م دکارن پاشه‌رۆژه‌ک گه‌شتر ژ بۆ کوردستان و ئیراق ئاڤا بکن.
ب ڤێ بۆنه‌یێ، ئه‌م سه‌رێ خوه ل به‌ر گیانێ شه‌هیدان دته‌وینن. ئه‌م وان ب ڕوومه‌ت و شه‌ره‌ف ب بیر تینن.
نێچیرڤان بارزانی
١١\١١\٢٠٢٥
