د هەڤدیتنەکێ دا دگەل گەنجێن کورد کو ژ بەر بلندکرنا ئالایێ کوردستانێ ژ ئالیێ هێزێن ئەمنی یێن ئیراقێ ڤە هاتبوون گرتن و ئیشکەنجەدان، سەرۆک بارزانی گۆت: هه‌ر کورده‌ک خوه‌دیێ مافێ ده‌ستووری و یاسایی یه کو ڕێز و حورمه‌تێ ژ ئالا و پیرۆزییێن گه‌لێ خوه را بگره. چو که‌س و سازیه‌کێ، ل ژێ ر هەر هێجەتەکێ بە، ماف نینە کو سڤکاتی و بێرێزیێ ل ئالایێ کوردستانێ بکه یان ژی ڕێ ل به‌ر بلندکرنا ئالایێ کوردستانێ بگرە.
سه‌رۆک مه‌سعود بارزانی، ڕۆژا شه‌میێ ۱٥ێ مژدارا ۲۰۲٥ئان، ل پیرمامێ پێشوازیا هه‌ژماره‌ک ژ جوانێن کورد کر. ئه‌ڤ جوان ژ به‌ر بلندکرنا ئالایێ کوردستانێ د ڕۆژا هلبژارتنێن ێنجومەنا نوونەرێن ئیراقێ دا، ۱۱ێ مژدارا ۲۰۲٥ئان، ژ ئالیێ هێزێن ئه‌وله‌هیێ یێن ئیراقێ ڤه ڕاستی ئێریشێ و ئیشکەنجێ هاتبوون.
د هه‌ڤدیتنێ دا، سه‌رۆک بارزانی سپاسی و ته‌قدیرا خوه ژ بۆ وێره‌کیا ڤان جوانان و هه‌ستا وان یا ناسنامه‌یا کوردستانی نیشان دا. سەرۆک مەسعود بارزانی ژ وان جوانان را گۆت کو، ژ بۆ بلندکرنا ئالایێ کوردستانێ گه‌له‌ک خوین و گه‌له‌ک قوربانی هاتنه دایین و ته‌که‌زی ل سەر وێ یەکێ کر کو ئالایێ کوردستانێ ئالایێ هه‌موو کوردانه، هه‌ر کورده‌ک خوه‌دیێ مافێ ده‌ستووری و یاسایی یه کو ڕێز و حورمه‌تێ ژ ئالا و پیرۆزییێن گه‌لێ خوه بگره. چو که‌س یان سازیه‌ک ئە و، ل ژێ ر هەر هێجەتەکێ بە، ماف نینە کو سڤکاتی و بێرێزیێ ل ئالایێ کوردستانێ بکه یان ژی ڕێ ل به‌ر بلندکرنا ئالایێ کوردستانێ بگره.
وەکە تێ زانین رۆژا ١١\١١\٢٠٢٥ێ، دەما برێڤەچوونا دەنگدانێ بۆ ئەنجومەنا نوونەرێن ئیراقێ ل خورماتو، هندەک خورتێن کورد ب بلیندکرنا ئالایێ کوردستانێ خوەستن دەنگێ خوە بدن، لێ هێزێن ئەمنی یێن ئیراقێ ئەو خورت گرتن و ئیشکەنجە دان.
