بێدەنگیا پارتیێن باكور جەسەراتێ ب پەكەكێ ددە
![](/wp-content/uploads/2020/11/PKK.jpg)
چوار دهولهتێن داگیرکهر ل سهر ناڤێ پەکەکێ دخوازن باشوورێ کوردستانێ تێک ببن. ل سهر ڤی ئاساسی کار و خهباتێن خوه ل سهر ناڤێ پەکەکێ و ب دهستێ وێ دمهشینن.
پێشمەرگه یێن كوردستانێ دپارێزن پەكەكە وان دکوژە، درهڤینە. لێ هێشتا ژی دهنگ ژ پارتی و ڕێخستنێن باکورێ کوردستانێ و یێن ل ئهورۆپایێ نه، دهرناکهڤه.
دڤێ کوردێن باکورێ کوردستانێ ڤێ ڤیروسێ چارهسهر بکن. یان نا وێ چ بێ سهرێ وان پێویسته ھەر ژ نها دا ئەو حهسابا خوه بکن. یا ڕاستی دڤێ ل ههر چار پارچێن کوردستانێ و ل سهران سهرێ ئهورۆپایێ ل دژ ڤان کریار و بوویهرێن پەکەکێ خوهپێشاندانان پێک بینن
لێ ههزار مخابن کو نها پارتیێن باکورێ کوردستانێ ل ههمبهر ئێریشێن پەکەکێ یێن ژ بۆنا نەھێلانا گهلێ کورد، بێ دهنگن. ل گۆر من ب بهلاڤۆکهکێ بوویهرێن وهها ڕوورهشکرن، نایێ واتهیا کو ” ڤایه ئهم نه بێ ههلوهستن”. پێویسته د مهدیایێن خوه دا ل سهر ئارمانجا ڤان کریارێن پەکەکێ موناقهشه بێ کرن دا کو ڕهوش زهلال ببه.
ما گهلۆ تهنێ بێدهنگی یا پارتی و ڕێخستنێن مه نه؟ ههلبهت نا. ب سهدان ههتا ب ههزاران ڕهوشهنبیر، نڤیسکار، ڕۆناکبیر، سیاسهتمهدارێن کورد ل باکورێ کوردستانێ و ل ئهورۆپایێ هێشتا ژی بێ دهنگن. ئهم بێدهنگیا وان فێم دکن. یهک ترسه، یا دن ژی بهرژهوهندی یه…
ئهم باش دزانن کو کلیلا ئازادی و سهرخوهبوونا وهلاتهکی د دهستێ پارتی و ڕێخستنان دا یه و دهما ئهو ژی بێدهنگ بن، بێ ههلوهست بن، نه ل ههڤ بن و ل سهر خهتا نهتهوهیی د بن سیوانهکێ دا خوه ب ڕێخستنی نهکن. ل وی وهلاتی دکاره گهلهک تۆفان وهره سهرێ وان و ههر تشتێن خهراب بقهومه.
نها تهکنۆلۆژیایێ کار و خهبات هێسان کری یه. ژ بهر ڤێ ژی ههر پارتی و سازیێن مه بوونه خوهدیێ خوه و تهلهڤزیۆنا خوه، کۆمهلایا خوه. یانی ژ بۆنا ب ههڤره کار نهکن، چ لازم به وێ دکن.
دهما ڕهوشا پارتیان وهها به، ههلبهت د وهلاتێن وان دا ژی تهڤگهر ل گۆر وان ب ڕێدکهڤه. لۆما ژی ئهو ڕێکهتنا تهڤگهرێ نابه تهڤگهرهکا نهتهوهیی و نابه خوهدی بریاردایینا ل سهر ناڤێ گهل.
ئهم و پارتیێن مه ههر لۆمان ژ پەکەکە دکن و کریارێن وان شهرمهزار دکن. ههلبهت ئهڤ ژی ههقه. لێ نه چارهسهری یه. ژ بۆنا چارهسهرکرنا مهسهلێ دڤێ ههمی پارتی و دهزگههێن ژ خوه ڕا دبێژن؛ ئهم کورد و کوردستانی نه، دڤێ ب ههڤره بن، ل گهل ههڤ بن، داخویانیێن وان یهک به.
پەکەکە ژی ڕهوشا پارتی و ڕێخستنێن مه یێن باکورێ کوردستانێ باش دزانه، لۆما ترسا وێ یا کو ل باکور دێ ھندەك ل دژ وان دهرکهڤن نینە. ژ بهر کو وێرێ سافی كریە. ڕۆژاڤایێ کوردستانێ وێران و بهلاڤ کریه. دهرد و ئێشا وان، ل سهر داخوازا داگیرکهران، تهنها مایه تێکبرنا باشوورێ کوردستانێ.
ژ بهر کو ئهم ژی و ئهو ژی باش دزانن کو ههبوونا باشوورێ کوردستانێ ههبوونا ههمی کوردانه. لهورا پەکەکە دخوازه وێ ههبوونێ ژناڤ ببە، وێرێ ژی تێک ببە دا کو کورد نهبن خوهدیێ خوه و دهولهتهکا سهربخوه یا کوردستانی.
ئهز ب خوه ڤان تهڤلیههڤیێن پەکەکە یێن نها ل باشوورێ کوردستانێ دکە ب دو خالان ڤە گرێ ددم. یهک: ل گۆر من داگیرکهرێن ترک فێم کرنه کو داویا پەکەکێ خویا دبه، لۆما تهڤلیههڤیێ دهردخن دا کو زلامێن خوه یێن سهرۆکاتیا پەکەکێ دکن، د ناڤا ڤێ تهڤلیههڤیێ دا ب ئۆپهراسیۆنهکێ ببن ترکیێ.
یا دن ژی لۆزانا دوێ نێزیک ما یه، ڕهوش وهها دده خویاکرنێ کو د لۆزانا دویێ دا دێ کوردستانهکا سهربخوه دهرکهڤه، ئهڤ ژی نایێ حهسابێ داگیرکهران. لۆما ل گهل ههڤن، کارێن خوه ب دهستێ پەکەکێ ددن مهشاندن دا کو باشوورێ کوردستانێ ئارام نهبه.
ژ بهر ڤێ یه کو ئهز دبێژم؛ د ناڤا ڤێ تهڤلیههڤیێ دا دێ داگیرکهرێن ترک ههمی زلام، پێگرت و نوونهرێن خوه یێن د ناڤا پەکەکێ دا و یێن سهرۆکاتیێ وێ دکن، ببن ترکیێ دا کو وان ژ مرن و کوشتنێ خلاس بکن. وهکه ئهڤدلا ئۆجەلان چاوا برن، دخوازن وان ژی وهها ببن ترکیێ…
دڤێ کورد و ب تایبهتی باشوورێ کوردستانێ شیار بن و ل ههمبهر ههمی پرۆڤاکسیۆنێن پەکەکێ یهک دهنگ و یهک ههلوهست بن.
ل باکورێ کوردستانێ و ل سهران سهرێ ئهورۆپایێ پێویسته، زووترین دهمێ دا ئهو دهزگهھ، پارتی و تهڤگهرێن ژ خوه ڕا دبێژن ئهم کورد و کوردستانی نه، دڤێ تێکلیێن خوه ژ پەکەکێ و ههمی دووڤێکێن ب وێ ڤه گرێدایی نه، ب بهلاڤۆکهک ههڤبهش قوت بکن.
ههتا ل ئهورۆپایێ و ل باکورێ کوردستانێ ئهڤە نهبه، دێ ههر پەکەکە ل سهر ناڤێ وه کو پارتیا کورده تهڤبگهره و دێ کوشتن و مالوێرانیێ بکە. چارهسهریا ژ ڤێ ڤیروسێ خلاس بوون، ل گۆر من نها ئهڤه. سبه دکاره تشتهکی دن ژی به…
2021.06.12
![](/wp-content/uploads/2020/05/BubeEser.jpg)