تالەبانی: پەکەکێ خوە کریە میر محێ

ئەم دێ د ڤێ نڤیسێ دا گۆتنێن رەحمەتی جەلال تالەبانی کا چەوا بەحسێ پەکەکێ دکە بوەشینن. مەخسەدا مە ژێ ئەوە کو ئەم ل بیرا سەرکردایەتی و ئەندام و ئالیگرێن یەنەکێ بینن کا سەرۆکێ وان یێ رەحمەتی چەوا سیاسەتا دژمانکارانەیا پەکەکێ وەسف کریە. 

پشتی ئێریشین ترکیێ یێن ڤێ داویێ بۆ سەر ئاخا باشوورێ کوردستانێ، مەدیایا یەنەکێ خوە دایە پال مەدیایا پەکەکێ و ب هەڤرا ئێریشی سەر پەدەکێ دکن و د مەدیایا خوە دا ژ رایا گشتی را ددن خویا کرن کو پەدەکە و ترک ب هەڤرا شەرێ پەکەکێ دکن.

تالەبانی دبێژە کو پارتیا کارکەرێن کوردستانێ (پەکەکە) بێی کو پرسیارا خوە ب مە بکە، بێی کو گوهداریا مە بکە و ب مە را بشێورە، ئەو  هاتیە باشوور  حکومی ل مە دکە و رەوشا مە و دەستکەفتیێن مە ل بەر چاڤان ناگرە:

  • پەکەکێ  خوە ل سەر مە کریە حوکمران و چەند دەڤەرێن کوردستانێ بێ پرسکرن ب مە، بێ گوهداری کرن و بی گرنگیپێدان بو وان بوویەر و دەستکەفتان خوە کریە میرمحێ ل وان دەڤەران.

جەلال تالەبانی بەحسا دیرۆکا پەکەکێ دکە و ددە خویا کرکن کە هەر ژ دەسپێکێ پەکەکە ژ بۆنا ژناڤبرنا پارتیێن دن یێن کوردستانێ هاتبوو دمەزراندن و ژ بەر کو د پرۆگرما وێ دە مادەیەک هەبوو و ل گور وێ مادەیێ  دڤێ هەموو پارتیێن کوردستانی نەمینن: 

  • پەکەکە پارتیەک سیاسی یا کوردستنا ترکیێ یە، ڤێ پارتیا سیاسی هەر ژ دامەزراندنا وێ مادەیەک د پەیرەو و پرۆگرامێ وێ دا هەیە ژ بۆ ژهولێراکرنا هەموو پارتیێن کوردستانێ یە د قادا کوردستانێ دا، ئانکۆ دژمناتیکرنا هەموو پارتێن سیاسی، ل کوردستانا ترکیێ، کوردستانا ئیرانێ، کوردستانا ئیراق و کوردێن دن ژی. ئەڤ یەکە ژی بۆ ئەگەرێ کو هەر ژ دەستپێکی شەرێ پارتیێن دن بکە و یەکم شەر ژی دژی پارتیا کۆک بوو، کو چەند کەس د وی شەری دا هاتن کوشتن.  مە کوردێن ئیراقێ کو، وی وەختی ئەم ل ناڤ چیا بون، دگەل پارتیا کۆمۆنیستا ئیراق و کۆمۆنیستا سوریێ نابەینکاری کر و ئەو شەر و ئەو براکوژی سەکناند و ئەو ناکۆکی چارەسەر کرن. لێ پەکەکی هەر ئەو مادەیە ژ پەیرەو و پرۆگراما خوە دەرنەخست.  دەما پەکەکێ  دەست ب شەر کر مە وەک یەنەکە و هەروەسا پەدەکێ ژی د وارێ سیاسی و لەشکەری و دارایی دا ئالیکاری دان پەکەکێ و ئەو  داناسین، لێ مخابن ل جهێ باشی و چاکیا مە، پەکەکێ د نڤیسێن خوە دا ئێریشین گەلەک نەرەوا کرن سەر مە، دگۆت هەموو سەرکردێن کوردستانا ئیراقێ ب خاین و جاسوس نوکەر و جاش و کرێگرتیێن ترکانن……… ل گۆر سەرکرداتیا وێ پارتیا گێژ، پەکەکێ، هەموو پارتیین کوردی ل ترکیێ جاسوس و خاینن زەلامێن میتێ نە، حزبێن کوردێن سوریا ب هەمان ئاوایی.

تالەبانی  د وێ ئاخاڤتنا خوە دا دبێژە کە پەکەکێ هەموو کەس و ئالی و رێخستنێن دەرڤەیی خوە ب ئیستیخبارات و زەلامێن میتێ توانبارا دکرن:

  • لێ یا عەجێب  ئەوە کو وێ بخوە تێکەلی دگەل ئیستیخباراتا ئیران سوری و  ئیراق هەنە و دژاتیا حزب وئالیێن  سیاسی یێن ڤی وەلاتی دکە 
نێرین / شیرۆڤە