راستیا رەوشا شنگالێ ئیفلاسا پەکەکێ یە

 گه‌له‌ک جارا ده‌ما  مرۆڤ هه‌ولدده‌ ڕاستیا بوویه‌ره‌کی ئاشکه‌ره‌ بکه‌، ئاسته‌نگێن مه‌زن ده‌ردکه‌ڤن د رێیا ئاشکەراکرنا راستیێ دا و خه‌لکه‌ک ناخوازه‌ راستیا هه‌یی ببینه‌. به‌لکی ئه‌ڤ یه‌ک ب خوه‌ لەنگیەک  مه‌زن یا چڤاکا مە کوردایه‌ ب گشتی و نەساخیەکا یا وان که‌سانە یێن کو ب زانه‌بوون دخوازن بکه‌ڤن د خزمه‌تا داگیرکه‌ران ده‌ یه‌.

گه‌له‌ک جارا ل پرسا شنگالێ کەتیە د رۆژەڤێ دا ب دوور و درێژی رەوشا وێ هاتیه‌ نرخاندن و هه‌ولدان هاتنه‌ کرن کو، خه‌لکێ مه‌ راستیا رەوشا شنگالێ تێ بگەهه‌. لێ مخابن زانیاریێن شاش یێن مه‌دیایا پەکەکێ و هه‌لوه‌ستا گوروپێن گرێدایی پەکەکێ ب هەمی شیانێن خوە خەبتین و دخەبتن داکو نه‌هێلن راستیا هه‌یی، راستیا رەوشا شنگالی ژ رایا گشتیا کوردی را بێ زانین و وان ده‌ره‌وێن خوه‌ وه‌ک راستیه‌کی ددان پێشییا خه‌لکێ کوردستانێ.  گه‌له‌ک مخابن پرانیا جاران وان زانیاری و نووچەیێن شاش جهێ راستیێ دگرت.

وه‌ک تێ زانین شنگال که‌ته‌ د  بن ده‌ستێ داعیشێ دا و فه‌رمانا کوردێن  ئێزدی رابوو. وان تەرۆریستان ل دژی خەلکێ سڤیلێ شنگال و دەردوورێ وێ کۆمکوژیه‌ک کر و ب ده‌هان هه‌زاران کۆچبه‌ر بوون  و توفانه‌ک مه‌زن هاته‌ سه‌رێ کوردێن ئێزدی. پشتی شه‌ره‌ک دژوار و داویا سالا ۲۰۱٤ێ پێشمه‌گه‌ یێن کوردستانێ شه‌گال ئازاد کر. 

 پشتی ره‌فه‌راندوما سه‌رخوه‌بوونا کوردستانێ ئارتێشا ئیراقێ، حه‌شدا شه‌عبی، ملیسێن ئیرانێ و چه‌کدارێن پەکەکێ شه‌رێ پێشمه‌رگه‌یان کرن و که‌تن ناڤا شنگالێ دا. چه‌کدارێن پەکەکێ بوون هێزه‌ک گرێدایی حه‌شدا شه‌عبی و معاشێن خوه‌ ژ ئارتێشا ئیراقێ وه‌ردگرتن.

هه‌رجارا پێشمه‌رگه‌یان هه‌ولددان بکه‌ڤن ناڤا شنگالێ دا چه‌کدارێن پەکەکێ شه‌رێ وان دکر. ده‌ما پێشمه‌رگه‌ یێن کوردستانێ هه‌ولددان بکه‌ڤن ناڤا شه‌نگالێ دا چه‌کدارێن پەکەکێ ژن و زارۆک رێدکرن دا کو پێشیا کاروانێن پێشمه‌رگه‌یان بگرن. لێ هه‌ری داوی حوکومه‌تا هه‌رێما کوردستانێ و حوکومه‌تا ئیراقێ د ده‌ربارێ شنگالێ دا رێکەفتنەک ئیمزا کرن، ل گۆرا ڤێ رێکەفتنێ دڤیابوو هێزێن بیانی ژ ده‌ڤه‌را شنگالێ دەرکەڤن. پەکەکێ د بن باندۆرا حه‌شدا شه‌عبی دا ل دژی ڤێ بریارێ ده‌رکه‌ت و د مه‌دیایایێ دا ده‌ست ب شه‌رێ پەدەکێ و په‌شمه‌رگه‌یان کر و د ڤێ ده‌ربارێ دا نووچه‌یێن ده‌ره‌و به‌لاڤ کرن.

لێ ئیرۆ معاشخورێن حه‌شدا شه‌عبی و قاشۆ فه‌رماندارێن پەکەکێ ل خوه‌ مکور تێن و به‌حسا سیخووریا خوه‌ یا ئارتێشا ئیراقێ دکن. به‌حس دکن کو ڕێ نادن پێشمه‌رگه‌ بکه‌ڤن ناڤا شنگالێ و هه‌روه‌ها ناخوازن شه‌نگال بکه‌ڤه‌ سه‌ر هه‌رێما کوردستانێ.

نێرین / شیرۆڤە