سالا 2018ێ ژبۆ نێچیرڤان بارزانی سالەكە تژی تەڤگەرا دپلۆماتیك بوو

ده‌ستپێکا سالا 2018ێ  سه‌رۆکوه‌زیرێ کوردستانێ نێچیرڤان بارزانی ده‌ست ب هه‌ولدانێن خوه‌ یێن دپلۆماتیک کر بۆ ئاساییکرنا په‌یوه‌ندیێن هه‌رێما کوردستانێ دگه‌ل وه‌لاتێن جیران و زێده‌تر بهێزکرنا په‌یوه‌ندیان دگه‌ل وه‌لاتێن دن و هه‌مان سالێ سه‌ردانا هه‌ژماره‌ک وه‌لاتان کر.

مه‌ها چله‌ یا سالا 2018 ێ ژ بۆ نێچیرڤان بارزانی مه‌هه‌که‌ ته‌ژی جڤین و ته‌ڤگه‌را دپلۆماتیک بوو، ته‌نێ د وێ مه‌هێ ده‌ دگه‌ل سه‌رۆک، سه‌رۆکوه‌زیر و ڕایه‌دارێن پایه‌بلند ئێن زێده‌یی 20 وه‌لاتان جڤیا.

ڕۆژا 12 ێ چله‌یا 2018 ێ  نێچیرڤان بارزانی دگه‌ل پاپا فرانجس جڤیا، پاپا سپاسیا حکومه‌ت و خه‌لکێ کوردستانێ کر ژ بۆ وێ مێڤانداریا  ل کۆچبه‌ران ب تایبه‌تی ل کۆچبه‌رێن كریستیان کریه‌.

ڕۆژا 21 ێ چله‌یا 2018 ێ یه‌که‌م جار،  پشتی ڕه‌فه‌راندووما سه‌رخوه‌بوونا کوردستانێ و گرتنا سینۆرێن ئیرانێ ل به‌ر هه‌رێما کوردستانێ، سه‌رۆکوه‌زیرێ کوردستانێ گه‌هشته‌ ته‌هرانێ و دگه‌ل سه‌رۆکۆمارێ ئیرانێ و به‌رپرسێن پایه‌بلندێن وی وه‌لاتی جڤیا.

ڕۆژا 23 ێ چله‌یا 2018 ێ نێچیرڤان بارزانی بۆ به‌شداربوونا فۆروما داڤۆسێ گه‌هشته‌ داڤۆسێ و د چارچۆڤه‌یا فۆرومێ ده‌ هه‌ژماره‌ک هه‌ڤدیتن دگه‌ل سه‌رۆک و سه‌رکرده‌یێن وه‌لاتان کرن و دگه‌ل وان سه‌رۆک و به‌رپرسان جڤیا:

شاھ عه‌بدوڵاهێ دویه‌م، شاهێ ئوردنێ

کارهن کاراپێتیان، سه‌رۆکوه‌زیرێ ئه‌رمه‌نستانێ

هه‌یده‌ر عه‌بادی، سه‌رۆکوه‌زیرێ به‌رێ یێ عیراقێ

جێفرى فێلتمان، جیگرێ سه‌کره‌ته‌رێ گشتی یێ نه‌ته‌وه‌یێن یه‌کبوویی

ڕاشد ئه‌ل-خه‌نووشی  سه‌رۆکێ پارتیا نه‌هزه‌ یا تونسی

ئیزابێل لۆڤین، جیگرا سه‌رۆکوه‌زیرێ سوێدێ

ژۆن ئیڤ لۆدریان، وه‌زیرێ ده‌رڤه‌ یێ فرانسایێ

ریكس تیله‌رسن، وه‌زیرێ ده‌رڤه‌ یێ ئامه‌ریکایێ یێ به‌رێ

خێرا بۆرژووا،  سه‌رۆکوه‌زیرێ هه‌رێما فلانده‌رس ئا به‌لچیکایێ

مارك رۆته، سه‌رۆکوه‌زیرێ هۆلاندایێ

ئۆرسۆلا ڤۆن دێرلاین، وه‌زیرا به‌ره‌ڤانیێ یا ئالمانیایێ

کێنتۆرا سۆنوورا، شێورمه‌ندێ سه‌رۆکوه‌زیرێ ژاپۆنیایێ

پشتره‌ 9 ێ گولانا 2018ێ نێچیرڤان بارزانی گه‌هشته‌ مۆسکۆ،  پایته‌ختا ڕووسیایێ و دگه‌ل سه‌رۆکێ ڕووسیایێ ڤلادمر پوتن جڤیا. د جڤینێ ده‌ سه‌رۆکێ ڕووسیایێ پشتیڤانیا وه‌لاتێ خوه‌ د وارێ جڤاکی، ئابۆری و په‌ترۆلێ ده‌ بۆ هه‌رێما کوردستانێ نیشان دا.

ل سه‌ر ڤه‌خوه‌ندنا فه‌رمی یا سه‌رۆکۆمارێ ترکیێ، ڕه‌جه‌پ تەیپ ئه‌ردۆگان، ڕۆژا 09.07.2018 ێ، سه‌رۆکوه‌زیرێ کوردستانێ نێچیرڤان بارزانی گه‌هشته‌ ئه‌نقه‌رێ و دگه‌ل  ئه‌ردۆگان جڤیا و په‌یوه‌ندیێن ناڤبه‌را هه‌رێما کوردستانێ و ترکیێ گۆتووبێژ کرن.

ڕۆژا 10.07.2018 ێ  نێچیرڤان بارزانی سه‌ردانا هۆلاندایێ کر و دگه‌ل سه‌رۆکوه‌زیرێ هۆلاندای،. مارك رۆته،  جڤیا.

هه‌روها هه‌ر سالا 2018 ێ سه‌رۆکوه‌زیرێ کوردستانێ ب ئارمانجا ڕێکخستنا په‌یوه‌ندیێن عیراق و هه‌رێما کوردستانێ و چاره‌سه‌رکرنا پرسگرێکێن ناڤبه‌را وان دا ھەنە،  چه‌ند جاران سه‌ردانا به‌خدایێ کر و دگه‌ل سه‌رۆکوه‌زیرێ عیراقێ، به‌رپرسێن حزبی و حکومی جڤیا.

رووداو

نێرین / شیرۆڤە