پارلامەنتەرێن سوێدی  پشتگریا كوردیێ دكن

ل پارلامه‌نتۆیا سوێدی 21 پارلامەنتەر پشتگری ددن زمانێ کوردی، وه‌کی زمانێ کوردی ببه‌ زمانێ فه‌رمی ل ترکیێ!

ب موناسه‌به‌تا ڕۆژا زمانێ زکماکی یا ناڤنه‌ته‌وه‌یی، فه‌ده‌راسیۆنا کۆمه‌له‌یێن کوردستان ل سوێدێ کامپانیایه‌ک بۆ زمانێ دایکێ ڤه‌کر.  د کامپانیایا خوه‌ دا بال دکشینن سه‌ر ئاسته‌نگییێن ل سه‌ر زمانێ کوردی.  زمانێ کوردی، د ناڤ مالباتێن کورد دا‌، ل بازار و کۆلانان وه‌کی به‌رێ نایێ بکارانین. ب تایبه‌تی ژی د ناڤ نفشێن نوو یێن کوردان دا گه‌له‌ک کێم تێ بکارانین.

ژ بۆ پاراستن و مسۆگه‌ر کرنا هه‌بوونا زمانێ کوردی، دڤێ زمانێ کوردی ژی وه‌ک زمانه‌کی فه‌رمی بێ ناسکرن و کوردی ببه‌ زمانێ په‌روه‌رده‌یێ ل ترکیێ و کوردستانێ. ژ بۆ کو زمانێ کوردی ببه‌ زمانێ په‌روه‌رده‌یێ ل باکورێ کوردستانێ، د ڤان چه‌ند سالێن داوی دا، ژ بۆ ب ده‌ستخستنا مافێ په‌روه‌رده‌ و بکارانینا زمانێ کوردی چه‌ندین پلاتفۆرم هاتنه‌ ئاڤاکرن. فه‌ده‌راسیۆنا کۆمه‌له‌یێن کوردستان ل سوێد، پشتگریا هه‌موو خه‌بات و هه‌ولدانێن بۆ زمانێ کوردی تێن کرن، دکه‌.

کامپانیا به‌رفره‌هه‌. وێ ل کوردستانێ، ل سوێدێ و ل گه‌له‌ک وه‌لاتێن دن یێن ئه‌ورووپایێ هه‌ر به‌رده‌وام به‌. ئه‌م پر پێ سه‌ربلندن کو کامپانیایا مه‌ گەهایه‌ ناڤ پارلامه‌تۆیا سوێدێ ژی، کو زێده‌تری 20 پارلامه‌نته‌رێن سوێدی، پشتگریا خوه‌ بۆ په‌روه‌رده‌یا ب زمانێ کوردی نیشان دانه‌. ئه‌ڤ کامپانیا دێ به‌رده‌وام بکه‌ و نه‌سه‌کنه‌ هه‌یا کو کوردی ل ترکیێ وه‌کی زمانه‌کی فه‌رمی و زمانێ په‌روه‌رده‌هیێ وه‌ره‌ په‌ژراندن.

ئه‌م سپاسیێن خوه‌ یێن گه‌رم ژ هه‌موو پارلامه‌نته‌رێن کو ب ئاڤێتنا ئیمزه‌یێن خوه‌ پشتگریا زمانێ کوردی کرنه‌، پێشکه‌ش دکن.

کۆڤان ئامه‌دی، سه‌رۆکێ فه‌ده‌راسیۆنا کۆمه‌له‌یێن کوردستان ل سوێدێ

ئه‌ندامێن پارلامه‌نتۆیا سوێدێ یێن کو ئه‌ڤ کامپانیایە ئیمزه‌کرنه‌:

Alireza Akhondi (Center) – Gulan Avci (Lîberal) – Mats Berglund (MP-Partiya Jîngeh) – Gudrun Brunegård (KD- DemokratênXiristiyan) – Joar Forsell (Lîberal) – Roza Guclu Hedin (S- Sosyaldemokrat) – Johanna Haraldsson (S- Sosyaldemokrat) – Niklas Karlsson (S Sosyaldemokrat -) – SerkanKöse (S- Sosyaldemokrat) – Fredrik Malm (Lîberal) – Laila Naraghi (S-) Sosyaldemokrat – Leif Nysmeds (S- Sosyaldemokrat ) – Ola Möller (S- Sosyaldemokrat) – LawenRedar (S- Sosyaldemokrat) – Maria Strömkvist (S- Sosyaldemokrat) – Gunilla Svantorp (S- Sosyaldemokrat) – Mattias Vepsä (S Sosyaldemokrat) – Anna Wallentheim (S- Sosyaldemokrat) – Hanna Westerén (S-Sosyaldemokrat) – Carina Ödebrink (S-Sosyaldemokrat) – Anders Österberg (S- Sosyaldemokrat)

نێرین / شیرۆڤە