مرۆڤ دکارە چ ناڤ ل ڤێ سیاسەتێ بکە

گه‌له‌ک جارا ده‌ما به‌حسا سیاسەت و ئارمانجێن پەکەکێ ل رۆژاڤایێ کوردستانێ تێ کرن، گه‌له‌ک که‌س ناخوازن ڤێ یه‌کێ ببینن و تێبگەهن. پەکەکێ لێدخەبتە کو رۆژاڤایێ کوردستانێ ل گۆر گۆتار و ستراته‌ژیا سه‌رۆکێ پەکەکێ ئۆجەلان ژ هۆلێ راکه‌ و هه‌ولدانێن وان هه‌موو ئه‌ڤن. به‌رێ خوه‌ بدەنێ، ئۆجەلان بەری چەندەها سالان گۆتبوو” ل سوریێ کوردستان نینە و کوردێن ل سوریێ هه‌موو ژ ترکیێ کۆچبەری سوریی بوونە و ئه‌و ده‌ڤه‌ر نه‌ کوردستانه‌”.

ئێدی زەلال و ئاسکەرایە کو رژێما سوریێ، ب پلانەکا هەڤبەش دگه‌ل ئیرانێ، روژاڤایێ کوردستانێ تەسلیمی چەکدارێن پەکەکێ کر، چەکدارێن ۆەکەکێ ژی ب هاریکاریا ئیستیخباراتا سوریێ رێڤەبەریێن خوەسەر ل چەند دەڤەرێن رۆژاڤایێ کوردستانێ ئاڤا کرن. پێنگاڤا یەکەم یا رێڤەبەریا خوە سەر یا سەر ب پەکەکێ ڤە ئەو بوو کو ناڤێ رۆژاڤایێ کوردستانێ گوهەرتن و کرن باکۆرێ-رۆژهلاتێ سوریێ. ده‌ستهلاتا پەکەکی یا ب ناڤێ رێڤه‌به‌ریا خوه‌سه‌ر، ب ته‌نێ ئالایێن پارتیا خوه‌ بلند کرن و ئالایا کوردستانێ قه‌ده‌خه‌ کرن. لێ ده‌ما که‌سه‌ک نەخوازه‌ ڤێ یه‌کێ، ڤێ سیاسەتا قرێزژ و گەمار، ببیبە تشتێ کو بهێنه‌ گۆتن ژی نامینه‌.

گه‌له‌ک جارا پەکەکە ب خوه‌ ژی ڤێ یه‌کێ ب زمانه‌ک فه‌رمی دبێژه‌، به‌ره‌ خوه‌ بدن ڤێ نووچه‌یێ:

“ ئه‌نداما کۆمیته‌یا ناڤه‌ندی یا پەکەکێ، هێلین ئومید، ئاشکه‌ره‌ کر کو وان رێ ل پلانه‌کا ئرمریکایێ گرتیه‌، کو ئەمریکایێ دخوه‌ست هه‌رێمه‌ک وه‌که‌ هه‌رێما کوردستانێ ل رۆژاڤایێ کوردستانێ دامه‌زرینه‌.”

هێلین ئومید به‌شداری به‌رنامه‌یا تایبه‌ت ئا کەنالێ بناڤێ، مه‌دیا خەبه‌ر، یا سه‌ر ب پەکەکێ ڤە راگەهاند: “ئه‌گه‌ر پەکەکە نه‌بوویا، ئەمریکایێ دێ سوود ژ ره‌وشا رۆژاڤایێ کوردستانێ وه‌رگرتبا و هه‌رێمه‌کا وه‌که‌ هه‌رێما کوردستانێ ئاڤاکربایە.”

هه‌روها وێ د بەردەوامیا اخاڤتنا خوە دا ئاشکه‌ره‌ کر و گۆت” ل گۆر پلانا ئەمریکایێ، ئه‌و هه‌رێما ل رۆژاڤایێ کوردستانێ دهاته‌ پێکانین ژی، دێ ب هه‌رێما کوردستانێ ڤه‌ بهاتا گرێدان، لێ وان وه‌ک پەکەکێ رێ ل وێ پلانا ئەمه‌ریکایێ گرتیه‌”.

مرۆڤ دکارە ڤێ یەکێ ب گۆتنێن بەرپرسا پەکەکی یا شنگالێ ڤە گرێ بدە وێ ژی گۆتبوو کو چەکدارێن پەکەکێ شنگال ژ بن دەستێ پارتیا دەمۆکراتا کوردستان و حکومەتا هەرێم کوردستانێ رزگار کر، “ئەگەر نە ئەو بوونا لەشکەرێ عیراقێ نەدکاری بکەڤە شنگالێ و ئالایا عیراقێ ل شنگالێ بلند بکە. ئەگەر نە ئەم بوونا دێ شنگال بکەتا سەر ب هەرێما کوردستنێ ڤە”.

پەکەکێ ل ژێر ناڤێ یه‌کینه‌یێن پاراستنا گه‌ل (یەپەگە) و چه‌ند گرووپ و رێخستنێن دن ل ڕرۆژاڤایێ کوردستانێ ده‌ستهلاتا وێ هه‌یه‌ و هێزه‌که‌ سه‌د هه‌زار که‌سی ل ژێر ناڤێ هێزێن سووریا ده‌مۆکراتیک (هەسەدە) پێک ئانیه‌.

ئەمریکا و هه‌ڤپه‌یمانیا ناڤده‌وله‌تی یا ل دژی داعشێ، وه‌ک ئالیێ سه‌ره‌که‌ یێ ل سوریێ ژ بۆ رووبرووبوونا داعشێ ئالیکاریا وێ هێزا کوردی دکن، ئه‌ڤ د ده‌مه‌کێ دایه‌ کو ئه‌و هێز، هەسەدە، داخوازا دانووستاندنێ ژ شامێ دکه‌ و دخوازه‌ ڤه‌گه‌ره‌ سه‌ر شامێ و بانگا پاراستنا سینۆرێن سوریێ و به‌ره‌ڤانیکرنا یه‌کپارچه‌ییا ئاخا سوریێ دکه‌.

گه‌لۆ هێدی جهێ گۆتنێ دمینه‌؟ پەکەکە ل رۆژاڤایێ کوردستانێ خیانه‌تێ ل مله‌تێ کورد دکه‌ و خزمه‌تا پرۆژه‌یێن داگیرکه‌ران ل سه‌ر کوردستانا رۆژاڤا دکه‌. هه‌تا کورد دڤێ ده‌ربارێ دا ب خوه‌ بحه‌سن و راستیێ ببینن، هێژمارا کوردا ل رۆژاڤایێ کوردستانێ ژ یا عه‌ره‌بان کێمتر دبه‌ و هێدی ناڤێ کوردستانێ ژی ل سه‌ر ڤێ ئاخێ دبه‌ خه‌یال و ئارمانجا پەکەکێ و ئۆجەلان سەردکەڤە.

نێرین / شیرۆڤە