نامه‌یا سوپاسیێ ژ بۆ سه‌رۆک بارزانی

ب ھەلكەفتا دوویەمین سالڤەگەرا رەفەرەندووما سەرخوەبوونا كوردستانێ، فه‌ده‌راسیۆنا کۆمه‌له‌یێن کوردستانێ ل سوێدێ نامەیەكا سوپاسیێ ژ سەرۆك مەسعود بارزانی را دشینە.

ئەڤ ل ژێر ناڤەرۆكا وێ نامەیێ:

نامه‌یا سپاسیێ ژ بۆ جه‌نابێ سه‌رۆک مه‌سعوود بارزانی

د دوویه‌مین سالڤه‌گه‌را ڕه‌فه‌راندووما سه‌رخوه‌بوونا کوردستانێ دا، ئه‌م سپاسی و سلاڤێن خوه‌ یێن گه‌رم دگیهینن جه‌نابێ سه‌رۆک مه‌سعوود بارزانی کو سه‌رپه‌ره‌شتییا وێ بریارا دیرۆکی کر و هه‌روه‌ها جاره‌کا دن بانگ ل کۆمه‌لگه‌ها ناڤنه‌ته‌وی، ڕایا گشتی یا جیهانێ دکن کو ڕێز ل ئیراده‌یا ڕاستته‌قین یا گه‌لێ کوردستانێ بگرن.

پرسا کوردان، پرسه‌کا ناڤنه‌ته‌وی یه‌ و دڤێ کۆمه‌لگه‌هێ ناڤنه‌ته‌وی ژبۆ چاره‌سه‌رییا ڤێ پرسێ به‌رپرسییارییا خوه‌ بینه‌ جھ. مافێ کوردان هه‌یه‌ کو چاره‌نڤیسا خوه‌ تەعین بکه‌ ژ به‌ر کو ده‌وله‌تێن داگیرکه‌ر ب چ ئاوایێ ناخوازن مافێن نه‌ته‌وی یێن کوردان مسۆگه‌ر بکن.

فه‌ده‌راسیۆنا کۆمه‌له‌یێن کوردستانێ ل سوێدێ بریارا مافێ سه‌رخوه‌بوونا کوردستانێ وه‌ک ده‌ستکه‌فتییه‌کا زێرین دبینه‌ و دێ هه‌رده‌م خوه‌دی ل ئیرادا گه‌لێ کوردستانێ ده‌رکه‌ڤه‌.

د گه‌ل سلاڤ و ڕێز

فه‌ده‌راسیۆنا کۆمه‌له‌یێن کوردستانێ ل سوێدێ

2019.09.25

نێرین / شیرۆڤە