هلبژارتن ل گەلێ کوردستانێ پیرۆز بە

ل کوردستانا باشوور هلبژارتنێن پارله‌مه‌نتۆیا کوردستانێ ب داوی هات. ڕێژه‌یا ته‌ڤلیبوونا ده‌نگدانێ ل گۆرا مه‌رجێن کوردستانێ کێم بوو. ژ % ۵۹ بوو. بێ گومان سه‌ده‌مێن ڤێ یه‌کێ هه‌نه‌ ، به‌شه‌ک ژ ڤان سه‌ده‌مان ته‌کنیکی بوون، ب گه‌له‌ک ده‌ڤه‌ران ب هه‌زاران که‌س چوون سه‌ر سه‌ندۆقان و ژ بۆ کێماسیا هنده‌ک به‌لگه‌یان نه‌کارین ده‌نگێ خوه‌ بدن و شوونڤه‌ ڤه‌گه‌ریان. ڤی یه‌کێ ڕێژه‌یا ته‌ڤلیبوونا ده‌نگدانێ کێم کر.وه‌ک دن دبه‌ کو ژئالیێ سیاسی ڤە‌ ژی بێ هێڤیه‌ک ژ خه‌لکێ کوردستانێ ڕه‌ پەیدا ببه‌ . ژ به‌ر کو د ڕاستیا خوه‌ ده‌ ژ هلبژارتنێن به‌ری نها هه‌تتا وه‌ک ئیرۆ کوردستان پێڤاژۆیێن گه‌له‌ک دژوار ڕه‌ ده‌رباس بوویە. ژ شه‌رێ دژێ داعیشێ ، ڕه‌فه‌راندوما سه‌رخوه‌بوونێ، ئێریشێن ئارتێشا عیراقێ و حه‌شدا شه‌عبی، دۆرپێچا ل سه‌ر کوردستانێ ، خیانه‌تا 16ێ ئۆکتۆبه‌رێ و کریزا دارایی. ئه‌ڤقاس بوویه‌ر د پێژۆیه‌کی ده‌ هاتن ژیاندن و کوردستانێ جاردن کاری خوه‌ بگهینێ هلبژارتنێن ۳۰ ئیلۆنێ.ژ ئالیه‌ک دن یەكێتیا نشتمانیا كوردستانێ (ینک) ێ ل ده‌ڤه‌رێن د بن ده‌ستهلاتداریا خوه‌ ده‌ گه‌له‌ک ڤه‌کری سه‌خته‌کاریێن مه‌زن کرن، لێ ل گه‌ل هه‌موو له‌یزتک و سه‌خته‌کاریان جاردن گاڤه‌ک پێشڤه‌ نه‌چوو و ته‌نێ به‌ره‌ڤاژیا هلبژارتنێن به‌ری نها ڕێزا سێیه‌م بوو ڕێزا دویه‌م. یان ب ئاوایه‌ک دن سه‌رکه‌تنا ینک ێ ل همبه‌ر گۆرانه‌.خاله‌ک دن هه‌ری گرینگ ئه‌وه‌ کو، پارتیا دەمۆكراتا كوردستان (پدك)ێ ل سلێمانی و هه‌له‌بچه‌ و هه‌نه‌ک ده‌ڤه‌رێن دن گرێدایی سلێمانیێ، ل هەمبه‌ر هه‌موو جوره‌یێن سه‌خته‌کاریێ ده‌نگێن خوه‌ زێده‌ کرنه‌. ژ خوه‌ ده‌ما پدک ل ڤان هه‌رێمان خه‌باتا پێویست بکه‌ و بکاربه‌ سه‌رده‌ستیا پارتیێن ل هه‌رێمێ ده‌نگا دستینن بشکینه‌ دێ کوردستان به‌ر ب پێڤاژۆیه‌ک ڕاستر یا ده‌مۆکراسیێ ڤه‌ بچە.پدک جاردن د ڤان هلبژارتنان ده‌ باوه‌ریا گه‌لێ کوردستانێ گرت و بوو پارتیا یه‌که‌م. دل دخوه‌ست ڕێژه‌یا ده‌نگێن پدک ێ بلندتر بوویا. پدک سه‌رکه‌فتن ده‌ستڤه‌ ئانی، لێ نه‌ به‌سه‌. ژ به‌ر کو پێوستیا خه‌لکێ کوردستانێ ب پدک ێ و سه‌رۆک بارزان هه‌یه‌.هێڤی ئه‌وه‌ کو پێڤاژۆیا دامه‌زراندنا ـوکومه‌تا کوردستانێ ده‌ پدک قۆناخێن ژ به‌ری نها به‌رچاڤره‌ ده‌رباس بکه‌، سیاسه‌ته‌که‌ نووژه‌ن ل گۆرا مه‌رجێن قۆناخا نوو ڕێڤه‌ ببه‌ و جاردن ببه‌ به‌رسڤا داخوازیا گه‌لێ کوردستانێ.هلبژارتن ل گه‌لێ کوردستانێ پیرۆز به‌.نووچه‌/ ئانالیز

نێرین / شیرۆڤە