پارتی ب گۆتارا خوە بەژداریێ د نەتەوەسازیێ دا دکە

دبە کو بەرپرسێن ھەموو پارتیێن کوردستانێ دز بن. پارتی یا پاكژ ژی ئەو بە یا ب دەست نەکەفتی. لێ! ژ ئالیێ پەروەردەیێ و ئاراستەکرنا جڤاکی ڤە جوداھی د ناڤبەرا پارتییان دا ھەنە. ھەر ئێک خوەدانا گۆتارەکێ  یە.

تو دکاری ئەندامێ بزاڤا گۆرانێ بی و ببێژی “ئالا پارچەپاتەیەکێ بێ بھا یە” و ھەموو بزاڤا گۆرانێ نەبێژیتە تە پیێ تە یێ خوارە.

تو دکاری ئەندامێ مەلبەندێ دھۆکێ یێ ئێکگرتوویا ئیسلامی بی و ژ بۆ سەرکەفتنا ئەردۆگانی سوجدەیێن شوکرێ بۆ خودێ ببی و ب داگیرکرنا عەفرینێ ھندی دنیایەکێ کەیفخوەش ببی و سەرۆکێ مەلبەندی ژی ب ئەنیا تە ڤە ماچی بکە.

 تو دکاری سەرۆکا کۆما پارلەمانتەرێن ئێکەتیێ (ئێكەتیا نشتمانیا كوردستانێ) و ئەنداما سەرۆکاتی یا ئێکەتیێ بی و د بەر مارشا وەتەنی یا ئیراقێ را مەست ببی و ببێژی “ئەم دێ شەری ژ بۆ ئێکپارچەیی یا ئاخا ئیراقێ بکین” و گرەگرێن ئێکەتیێ ژی بەرەڤانیێ ژ تە بکن.

تو دکاری پەکەکە بی و ببێژی “پرۆژەیێ دەولەت-نەتەوە شکەستی یە، گەرەکە ئەم کاری ژ بۆ کۆنفەدرالیزما گەلێن رۆژھەلاتا ناڤین بکین، درستکرنا دەولەتا کوردستانێ دێ دژمناتییان خورتر بکە”.

 تو دکاری خوەبەخشێ نفشێ نوو بی ئیراقی بی، ترک بی، فارس بی چبی ئەو بی، یا گرنگ ببێژی “شاسوار سەرۆکمە” و جڤینان بدی بارزانی.

 تو دکاری کۆمەل (كۆمەلی دادگەری كوردستان)  بی و بخوازی ئەمەریکا ژ ڤێ ئاخێ دەربکەڤت ڤێجا پاشی ئەڤ ئاخە بکەڤە دەستێ تالیبانێ، قاعیدەیێ، ئەنسارێ و فلانێ فیسارێ نەخەمە.

لێ! دگەل پارتی (پارتیا دەمۆكراتا كوردستانێ) نابت، یێ/یا كو پارتی بت، نابت ئێک گۆتن و کریارا ل دژی کوردستانێ و نەتەوە و نیشتیمانی بکت. یێ/یا بکت، ئێکسەر ھەڤدژە دگەل خوە. ئەو ژ بنەمایێن پارتیێ لاددت. پارتی دێ خوە ژ وی/وێ بێ پار بکت. ئەڤە ژ بۆ من گرنگە.

محەمەدێ مەزۆپۆتامی

2021.09.22

نێرین / شیرۆڤە