پانۆراما سەردانا نێچیرڤان بارزانی بۆ بەغدایێ-وێنە

سه‌رۆکێ ھەرێما کوردستانێ نێچیرڤان بارزانی سه‌ردانا به‌غدایێ کر. پشتی حکومه‌تا نوو یا عیراقێ هاتی ئاڤاكرن، ئه‌ڤ جارا یه‌که‌مه‌ سه‌رۆکێ ھەرێما کوردستانێ سه‌ردانا بەغدایێ دکه‌. گه‌له‌ک جارا پرۆبله‌م د ناڤبه‌را بەغدایێ و هه‌ولێر دا ڕوو ددن ته‌هدیدا بەغدایێ یا  مه‌زن ئه‌وه‌ کو موچەیێ کارمه‌ندا ژ بۆ کوردستانێ ڕێناکه‌. ده‌ما کارمه‌ند موچەیێ خوه‌ وه‌رناگرن یان ژی چه‌ند مه‌هان جاره‌کی ئه‌و ژی ب ده‌ره‌نگی وه‌ردگرن بڤێ نه‌ڤێ د ناڤا خه‌لکێ دا نه‌خوه‌شییه‌ک په‌یدا دبه‌. هه‌ر وه‌ها هنده‌ک ئالییێن سیاسی ژی هه‌ولددن کو مفای ژ ڤێ یه‌کێ ببینن و ته‌ڤلیهه‌ڤیان د ناڤا جڤاکێ دا‌ چێ دكن و خەلكی ھان ددن ل دژی ھكومەتێ خوەپیشاندانن بكن.

تێ زانین کو ژ به‌ری ده‌مه‌کی ب ڤێ مه‌به‌ستێ هنده‌ک خوه‌پێشاندان ژی چێبوون کو ئارمانجا هێزێن ل پشت وان تێکدانا ڕه‌وشا ئاراما کوردستانێ بوو.

ژ ئالیه‌ک دن ڤە، ھندەك ئالیێن سیاسی دەستێ خوە خستیە ناڤ دەستێ عیراقێ و ب ھەر ئاوایێ ل دژی بەرژەوەندیێن ھەرێما كوردستانێ تەڤدگەرن كو ئەب یەك ژی زێدەتر ئالیێن عیراقێ گەرم دكە كو ل دژی ھەرێما كوردستانێ بلڤن.

.سه‌رۆکێ هه‌رێما کوردستانێ جارەك دن د ده‌مه‌ک گەلەك ھەستیار کو بەغدا به‌رپرسیارین خوه‌ یێن قانوونی ل ھەمبەر كوردستانێ ب جی ناكە، سەردانا بەغدایێ كر. نێچیرڤان بارزانی د گه‌ل هه‌موو به‌رپرسێن عیراقێ جڤیا و هه‌روه‌ها د گه‌ل هنده‌ک پارتیان ژی هه‌ڤدیتن پێکانین.  بێ گومان ب سه‌ردانا سه‌رۆکێ هه‌رێما کوردستانێ بەغدا دێ هنده‌ک گاڤان پاشڤە باڤێژە ‌و دێ هه‌لوه‌ستا ئالیێن کوردستانی یێن پرۆ عیراقی ژی ئالۆز بکه‌.

گه‌له‌ک گرنگه‌ ‌ ئه‌ڤ هه‌ولدانێن نێچیرڤان بارزانی ژ ئالیێ کوردان ڤه‌ باش بێ  تێگەهاندن. نێچیرڤان بارزانی ل كوردستانێ یەكرێزیا ناڤمالا كوردی رێكدخە  و سه‌ردانا به‌غدایێ ژی دکه‌، ڕێیا ئیعترازکرنێ ژ ئالیێن خێرنەخوزان ڤە ناهێله‌. د ڕاستیا خوه‌ دا‌ باره‌ک گه‌له‌ک گران ل سه‌ر ملێ نێچیرڤان بارزانی هه‌یه‌ ،لێ ئه‌و ب زانه‌بوونا خوە، ب سیاسەتا خوە یا نەرم و دپلۆماسیا بلند تەڤدگەرە و  گه‌له‌ک جاران ڤی باری سڤک دکه‌.

نێچیرڤان بارزانی سه‌رۆکێ کوردستانێ ل بەغدایێ چ کر؟

به‌رێ خوه‌ بدن ته‌ڤگه‌را کو ل بەغدایێ کری ‌ دێ باشتر هه‌ولدانێن سه‌رۆکێ کوردستانێ بێن فام کرن. نێچیرڤان بارزانی ژ بۆ کوردستانێ شانسه‌که‌.

سه‌ردانا دیرۆکی:

سه‌رۆک نێچیرڤان بارزانی د گه‌ل هه‌ر سێ سه‌رۆکایه‌تی و سه‌رکرده‌ و ئالیێن عیراقی، کێشه‌ و پرسگرێك بەرچاڤ كرن و به‌رپرسیاریه‌تیێن هه‌ڤبه‌ش ژ بۆ هه‌موو عیراقیان دا زانین و گۆت: “مه‌ هه‌موویان یه‌ک چاره‌نڤیس هه‌یه‌ و کێشه‌یێن عیراقێ و هه‌رێما کوردستانێ کێشه‌یێن هه‌موو عیراقیانه‌.” دووپات ژی کر کو “پشتی ئه‌زموونا ته‌حل یا چه‌ندین سالان گرفت و کێشه‌یێن د ناڤبه‌را هه‌ر دوو ئالیان دا، ئێدی دڤێ نه‌چین سه‌ر دەوسا به‌رێ، ژ به‌ر کوو نها ده‌مێ ھندێیە‌ بگەهینه‌ تێگهشتنه‌کا‌ هه‌ڤبه‌ش و ب ڕێککه‌فتنه‌کا گشتگیر كو جهێ ڕازەمه‌ندیا هه‌ر دوو ئالیان بە کو ئارامی، دادپه‌روه‌ری و پێشکه‌تنا ژ بۆ نها و پاشه‌رۆژا مه‌ یا هه‌ڤبه‌ش دابین بکه‌، کێشه‌یان ب یه‌کجاری چاره‌سه‌ر بکین”.

نێچیرڤان بارزانی گۆت: ئەم دکارین قه‌یرانان بکین ده‌رفه‌ت و ب هه‌ڤکاری و پێکڤه‌کارکرنێ ڕووبروویێ دژواری و قه‌یرانێن نها یێن وه‌لات ببین كو به‌رپرسیاریا هه‌ڤبه‌ش یا مه‌ هه‌مویانه‌ و به‌رده‌وامیا کێشه‌یان د به‌رژه‌وه‌ندیا چ ئالیان دا نینە، ئه‌م هه‌موو پێکڤه‌ ب هه‌ڤکاریێ دکارین بگەهین تێگهشتنه‌کا‌ هه‌ڤبه‌ش و ل سه‌ر ئاوایێ‌ برێڤه‌برنه‌کا‌ باشتر یا وه‌لات هه‌تا باكرین خزمه‌تا هه‌موو وه‌لاتیان بكن.

سه‌رۆک نێچیرڤان بارزانی ته‌که‌ز ژی ل وێ یه‌کێ کر کو هه‌رێما کوردستانێ ئاماده‌یه‌ ته‌ڤاهیا کێشه‌ و دۆسیه‌یێن هه‌لاوه‌ستیێن د گه‌ل حکومه‌تا فه‌ده‌رال ل سه‌ر بنگه‌ها ده‌ستوور و ب به‌رچاڤگرتنا سیسته‌ما فه‌ده‌رالی و ماف و ئه‌رکان و ئه‌وله‌ویه‌تا ڕه‌وشا نها یا ژیان و ده‌بارا وه‌لاتیان چاره‌سه‌ر بکه‌ن. ڕۆلا سه‌رکرده‌ و هێز و ئالیێن سیاسیێن عیراقێ ژی ژ بۆ پشتگیریا ل گوفتووگۆ و چاره‌سه‌ری و گەهیشتنا ڕێککه‌فتنێ ب گرنگ و پێویست و ئه‌رکێ هه‌مویان زانی.

ژ ئالیێ خوه‌ ڤه‌ سه‌رکرده‌ و ئالیێن عیراقی ژ بلی پشتگریکرنا  نێرینێن سه‌رۆک نێچیرڤان بارزانی، سه‌ردانا د ڤێ ده‌م و ڕه‌وشێ دا ب په‌یامه‌کا ئه‌رێنی و پێنگاڤه‌کا‌ دروست یا هه‌رێما کوردستانێ به‌رامبه‌ر به‌غدا و خه‌مخوری و جددیه‌تا ژ بۆ چاره‌سه‌رکرنا کێشه‌یان دانه‌ زانین و خوه‌شهالیا خوه‌ ب ئاماده‌هیا هه‌رێما کوردستانێ یا ژ بۆ گوفتووگۆ و چاره‌سه‌رکرنا ته‌ڤاهیا کێشه‌یان و گەهیشتنا ڕێککه‌فتنه‌کێ د گه‌ل حکومه‌تا فه‌ده‌رال ده‌ربرین.

نێچیرڤان بارزانی سه‌رۆکێ هه‌رێما کوردستانێ ل بەغدایێ ب ئاماده‌بوونا ھەر دو جیگرێن خوە د گه‌ل هه‌ر یه‌ک ژ سه‌رۆکوه‌زیر، سه‌رۆککۆمار، سه‌رۆکێ ئه‌نجومه‌نا نوونه‌ران و نوونه‌را سه‌کره‌ته‌رێ گشتیێ نه‌ته‌وه‌یێن یه‌کگرتی ل عیراقێ، عه‌مار حه‌کیم سه‌رۆکێ ته‌ڤگه‌را حیکمه‌یا نشتمانی، هادی  عامری سه‌رۆکێ لیستا فه‌تح، نووری مالکی سه‌رۆکێ هه‌ڤپه‌یمانیا ده‌وله‌تا یاسا و د ده‌سته‌یا سیاسیا ته‌ڤگه‌را سه‌در جڤیان.

د جڤینان دا په‌یوه‌ندیێن هه‌رێما کوردستانێ و حکومه‌تا فه‌ده‌رال یا عيراقێ و هه‌ول و گوفتووگۆیێن چاره‌سه‌رکرنا کێشه‌یێن د ناڤبه‌را وان دا، ڕه‌وشا نها یا وه‌لات و ده‌ستبکاربوونا حکومه‌تا نوو یا فه‌ده‌رال، قه‌یرانا دارایی و ئه‌نجامێن په‌ژیکا ڤیروسا کۆرۆنایێ، مه‌ترسیێن ته‌رۆرێ و به‌رفره‌هبوونا ته‌ڤگه‌ر و ئێریشێن داعیش ل عیراقێ و ب تایبەتی ل دەڤەرێن كوردسانی یێن دەرڤەی ئیدارەیا ھەرێما كوردستانێ، گرنگیا هه‌ڤکاری و هه‌ڤئاهه‌نگیا پێشمه‌رگه‌ و ئارتێشا عیراقێ و به‌رده‌وامیا پشتگیریا هه‌ڤپه‌یمانیا ناڤده‌وله‌تیا دژی داعیش، ڕۆلا نه‌ته‌وه‌یێن یه‌کگرتی ل عیراقێ، پاراستنا سه‌روه‌ری و تخووبێن وه‌لات و ڕێدانا په‌یوه‌ندیێن د گه‌ل وه‌لاتێن جیران، ناڤچه‌ و جیهانێ ل سه‌ر بنگه‌ها ڕێزگرتن و به‌رژه‌وه‌ندیا هه‌ڤبه‌ش، هاتن گوفتووگۆ کرن.

جڤینا دگەل شاندیا نەتەوەیێن یەكگرتی ل عیراقێ
جڤینا دگەل مستەفا كازمی سەرۆكوەزیرێ عیراقا فەدەرال
جڤینا دگەل بەرھەم سالح سەرۆكۆمارێ عیراقا فەدەرال
جڤینا دگەل محەمەد حەلبوسی سەرۆكێ پارلەمەنتۆیا عیراقا فەدەرال
جڤینا دگەل نوری مالكی سەرۆكێ ھەڤپەیمانیا دەولەتا یاسا
جڤینا دگەل عەمار حەكیم سەرۆكێ رەوتا حیكمە
جڤینا دگەل ھادی عامری
جڤینا دگەل رەوتا سەدر
نێرین / شیرۆڤە