محەمەد حاجی مەحموود داخوازا چالاککرنا پەرلەمانێ کوردستانێ دکە و هۆشداریێ ژ تەهلوكەیێن دەڤەرێ ددە
سکرتێرێ گشتی یێ پارتییا سۆسیالیست دیمۆکرات یا کوردستانێ (پەدەکەسە)، محەمەدحاجی مەحموود، رەخنەیێن توند ئاراستەی ڕاوەستاندنا دو سالان یا پەرلەمانێ کوردستانێ کرن و تەكەز کر كو ژ بۆ پاراستنا قەوارەیا هەرێما کوردستانێ و بەرژەوەندیێن خەلکی، پێدڤیە پەرلەمان د زووترین دەم دا بهێتە چالاککرن.
ڕۆژا ٢٤ێ چرییا ئێکێ ٢٠٢٦ێ، محەمەد حاجی مەحموود د چارچووڤەیێ چارەمین دیدارا گوللەخانەیێ دا، گۆتارەک پێشکێش کر و ڕاوەستاندنا کارێ پەرلەمانێ کوردستانێ وەکو زیانەکا مەزن ب ناڤ کر.
سکرتێرێ پەدەکەسەیێ دیار کر كو دو سال و چەند ڕۆژ ن دەرگەهێ پەرلەمانی گرتتیە و گۆت: “د ڤان هەر دو سالان دا، پەرلەمانێ کوردستانێ دكاری ب دەهان قانوونان د بەرژەوەندیا خەلکێ کوردستانێ دا پەسەند بکە و قانوونێن بەغدایێ یێن ل دژی کوردان هاتینە دەرکەرن بەتال بکە و ب دەهان قانوونێن دی ژی هەمواربکە؛ لێ مخابن ئەڤرۆ هۆلێن پەرلەمانی ڤالا ماينە.”
ل سەر ڕەوشا ئالۆز یا ڕۆژهەڵاتا ناڤین و مەترسیێن ل سەر دەڤەرێ، سکرتێرێ پەدەکەسەیێ هۆشداری دا و ڕاگەهاند: “ئەز هێڤیدارمحوکمەتا هەرێما کوردستانێ وهەموو ئالیێن سیاسی ب هەڤڕا کار لسەر ڤان پرسان بکەن؛ ژ بەر كو ل دەڤەرێ هەر کەس خوە ژ بۆ شەڕیئامادە دکە و کەس نێزیکی ئاشتیێنابە.”
هەروەسا تەكەز کر کو کوردان هەتا نۆکە ب زانەبوون و هەستیارییەکا مەزن خوە ژ قەیران و شەڕێن نەخوازتی یێن هەرێمێ پاراستیە و گۆت: “شەڕەک کو نە یێ مە بە، دڤێ ئەم ب هەموو ڕەنگی خوە ژێبپارێزین.”
د دووماهییا ئاخڤتنا خوە دا، محەمەد حاجی مەحموود بانگەوازیا ئێکرێزی و هەڤدەنگییا نەتەوەیی کر و دەستنیشان کر كو د ناڤ خەلکێ کوردستانێ دا دەربارەی پێدڤییا دەستپێکرنا کارێ پەرلەمانی هەڤدەنگییەک هەیە؛ لۆما پێدڤیە هەموو ئالی ژ بۆ چارەسەرکرنا پێشهاتان پەدەکەسە
