پلانا راكێشانا تركیێ بۆ باشوور- پشکا یەکێ

پەکەکێ چاوە سۆپایێ ترکیا ڕاکێشا ناڤ ئاخا باشوورێ کوردستانێ

 جەمیل بایەق دبێژە: “سەرۆکایەتیێ دگۆت: پێشیا ھەر تشتی پێدڤیە زاخۆ بگرن….. ژ ئالیەکی زڤستان بوو، ژ ئالیەکێ دن ژی کۆنگرە ب ڕیڤە بوو، مە نە دخواست کۆنگرەیێ بێخینە بەر مەترسیێ، ژبەر ھندێ ژی گۆتوبێژەکا توند د ناڤبەرا من و ھەڤالان دا چێبوو.  من دزانی ئەگەر ئەم وی کاری ئەنجام بدەین، ترکیا بێ سێ و دو دێ مداخلێ بکە و ئەم ژی نکارن کۆنگرەیێ ساز بکن. واتە گەرەک بوو د ناڤبەرا شەڕ و کۆنگرەیێ دا یەکێ ب ھەلبژێرین، ھەردوو ب ھەڤڕا چێنەدبوون، ژبەر ھندێ ژی من دگۆت: ھەر چەند زووتر کۆنگرە ب داوی بێ و دەست ب ئامادەکاریان بکن1.

 کۆنگرێ ل گۆر ئاخافتنا بایق پەیرەوێ ناڤخوەیی ناڤ (ئارگەكێ) گوھارت و پەیرەوەكێ نوو  ل گۆڕ ڕەوشا وێ دەما دونیایێ، سویالیزمێ و کوردستانێ ئامادەکر.

 دیسان دەما ئۆجەلان دیت کۆ گەریلا نکارن باشوورێ کوردستانێ بخەنە ژێر دەستێ خوە، فەرمان دا کۆنگرەیێ پڵانا ڕاکێشانا سۆپایێ تورکیا بۆ ناڤ ئاخا ھەرێما کوردستانێ دابڕێژن.

 دڤێ دەربارێدا بایەق دبێژە: “مە ل گۆڕ وێ پڵانێ خوە ئامادەکر کو پێشوەخت دوژمن ڕاکێشینە باشوور و دربەکێ مەزن لێبدەین. بێ گومان دوژمن ژی د وێ چەندێ گەھشتبوو، لەوما مە ئەو بەڵاڤۆک ل سەر بێتەلێ خواندبوو تا ھەڤال ل سەربنەمایێ کۆنگرێ بەرھەڤیێن خوە بکن و ل سەر وان پەروەردەببن2.

 د چارچۆڤێ وێ پلانێ دا پەکەکێ پشتی ب داوی ھاتنا کۆنگرا پێنجەم، ھێرش کرە سەر بارەگەیێن تورکمانان ل زاخۆ و ڕاگەھاند کو ئەو میتێن تورکیایێ نە، دئەنجامدا دربەکێ مەزن لێ وەشاند.

 دووڤ ڕا و ب ئارمانجا ڕاکێشانا سۆپایێ تورکیا بۆ ناڤ ئاخا باشوورێ کوردستانێ ژ دوورڤە لەشکەرگەھەک سنووری یا تورکی یا دەستکرد گولەباران کر.

 دڤێ دەربارێ دا جەمیل بایەق دبێژە:

 لەشکەرگەھەک سنووری ھەبوو مە دیت کۆ ھنەک ئامادەکاری ل ور دھاتن کرن، مە دخواست ئەم لێخن ژبۆی کۆ د ھەڵویستێ ترکیایێ ژی بگەھین، ژبۆ کۆ تورکیا بێخینە د کارڤەدانێ دا و ب رک و کین وبێی ئامادەکاری بکەڤە د باشوور دا و دربێن کاریگەر لێبدین. تەڤی ب داویھاتنا کۆنگرا پێنجەم، پەکەکێ چەند گرۆپەک شاندن دەڤەرێن ئەرزروم، دێرسم و دیاربەکر، ژبۆی پشتی ڕاکێشانا دوژمنی بۆ ناڤ ئاخا باشوورێ کوردستانێ، ئەو ژی ل ور ل دوژمن بدەن، لێ ئەو گرۆپ نەگەھشتن جھێن خوە و ل ناڤچا جودی کەتنە بۆسا دۆژمنی و زیانەک مەزن ژی دا3.

1- جەمیل بایەق مێژووی پارتی کرێکارانی کوردستان پەکەکە ڕۆپەل 655

2- ھەمان ژێدەر. ڕۆپەل 657

3- ھەمان ژێدەر، ڕۆپەل 658

ژ فێسبۆكا: حامد گەوھەری

وەرگێران بۆ سەر زاراڤایێ بادینی: ئیدريس ئیسماعيل تروانشى

نێرین / شیرۆڤە