پەكەكە و كوردستان24
![](/wp-content/uploads/2019/09/k24.jpg)
قهدهغهکرنا کەنالا تهلهڤزیۆنا کوردستان 24 ێ ل ڕۆژاڤایێ کوردستانێ ئهنجاما سیاسهتا یهکئالی یا پارتیا كاركەرێن كوردستانێ (پەکەکە)ێ یه. پشتی کو بهرپرسێن ئیدارا پارتیا یەكێتیا دەمۆكرات (پەیەد)ێ ئهڤ بریار گرتن ژ گهلهک ئالی و دهزگههان ڕهخنه هاتن کرن و داخواز هاته کرن كو دڤێت ئیدارا پەیەدێ ڕێزێ ل ئازادیا مهدیایێ بگره.
دڤێ ئهڤ بریار و سهدهمێن ڤێ بریارێ باش بھێن نرخاندن، د سهری دا رێڤەبەریا ك24 پێوسته ب خوه بحهسه و سیاسهتا خوه یا وهشانا ڕۆژاڤا و باکورێ کوردستانێ د بهرچاڤان را دهرباس بکه.
د دهما بوویهرا عهفرینێ دا، ئیدارا پەیەدێ تهنێ ڕێ دا ک24 ل ههرێمێ وهشانێ بکه و نووچهیا بهلاڤ بکه. هندهک کارمهندێن ک24 ێ ئهڤ یهک وهک سهربلندیهک ژ خوە را زانی.
نوھا دهما کو ل وهشانا ک24، ب تایبەتی بهشێ لاتینی باش د بهر چاڤان ره بێ دهرباسکرن، دخوهیێ کو گرانی نووچهیێن پەکەکێ و هێزێن پێڤه گرێدایینه. رۆژانە بەرپرسێن پەکەکێ ل سهر شاشا ک24 ێ نه و ههموو نووچە و چالاکیێن پەکەکێ ب ئاوایهک گهلهک ئهرێنی تێنه دایین.
دهما مرۆڤ بەحسا پەکەکێ دکه، ههموو دام و دهزگههێن کو پەکەکێ ڤه گرێدایی دكە وەكە؛ پەکەکە / پەیەدە/ هەدەپە/کەجەکە/کەنەکە/کەجەدە و گهلهک دهزگەھ و ئالیێن دن کو مرۆڤ نکاره ناڤێن وان بێژه. ب دههان دهزگەھ و پارتی د بن ناڤێن جودا دا سیاسهتا پەکەکێ ڕێڤه دبن.
نوها قهدهغه کرنا ک24 ێ تێ واتهیا کو دهما تو خزمهتا سیاسهتا پەکەکێ نهکی پەکەکە جھ نادە وه و ناھێلە هون وهشانێ ب ئازادی بکن.
ئهگهر ههتا نها سیاسهتا پکک د دهربارێ باشوورێ کوردستانێ ده نههاتبه تێ گهاندن ههر دهمی مرۆڤ د دهربارێ سیاسهتا پککێ ده توژی خهلهتیا دبه. ب تهڤاهی پکک/پید/هدپ ههر دهما پێوستبه ل همبهر باشوور و تایبهتی ل همبهر پدکێ ههلوهستێن نه ئهرێنی دانینه و داتینن هۆلێ.
گهلۆ چهوا مرۆڤ دکاره دۆزا ئازادیا ڕۆژنهمهڤانیێ ژ پەیەدێ بکه؟ ئهو ل دژی ھەموو ئالیێن کو نه وهک وان فكر دكن نه. ژ خوه پێڤهتر کهسهکێ قهبوول ناکن. تشتا کو نه وهک وان به دڤێ ئەو تشت نەمینە.
بێ گومان قهدهغهکرنا کانالا ک24ێ ل ڕۆژاڤایێ کوردستانێ بوویهرهک خرابه و دڤێ بھێتە شهرمهزارکرن. لێ دڤێ دهستهلاتا کوردستان 24 ژی ل خوه ڤهگهره و سیاسهتا وهشانا خوه یا خهلهت ل باکور و ڕۆژاڤایێ کوردستانێ مكور وەرە.
زێدهیی دهھ کەنالێن تهلهڤزیۆنێن گرێدایی پەکەکێ ههنه، کا گهلۆ ڕۆژهکێ کهسهکی دیتیه کو تشتهک، نووچهیهک یان ژی ئاخافتنهک نه ب سیاسهتا پەکەکێ ڕه بگونجه د ڤان کەنالان دا هاتیه وهشاندن؟ گهلۆ کهسهکی دیتیه کو ڕۆژهکێ کهسهک یان ژی ئالیهک ل دژی سیاسهتا پەکەکێ ل سهر شاشهیا وان تهلهڤزیۆنا هاتیه خوویاکرن؟ ئهو تهنێ پرۆپاگاندەیا پەکەکێ دکن.
لێ ههر ڕۆژ بهرپرس و ئالیگرێن پەکەکە/پەیەدە/هەدەپە ل سهر شاشهیێن تهلهڤزیۆنێن کو گرێدایی پارتیا دەمۆكراتا كوردستانێ (پەدەکە)یێ تێنه حهسباندن، دیتن و رامانێن خوە بەر چاڤ دكن.
هندهک ڕاستی ههنه ههتا کو مرۆڤ وان ڕاستیان نهبینه ئهڤ تێ واتهیا کو مرۆڤ خوه ب خوه دخاپینه.
ئهگهر هێشا مرۆڤ هێڤیا ئازادیا ڕۆژنهمهڤانی، جڤاتەك دهمۆکراتیک ژ سیاسهتا پەکەکێ بکه ئهڤ ژ بۆ ئالیێن کو خوه ل سهر خهتا نهتهوی دبینن مالخرابیه.
گهلۆ دێ هەدەپە ڤێ بریارا ئیدارهیا پەیەدێ ل ڕۆژاڤایێ کوردستانێ یا قهدهغهکرنا ک24ێ چهوا ننرخینه؟ تهنێ مرۆڤ مهرەق دکه….
2019.09.03