پەیاما سەرۆكوەزیرێ كەنەدایێ ب كوردی

سه‌رۆکوه‌زیرێ کەنەدایێ ب زمانێ کوردی نه‌ورۆز ل هه‌موو گه‌لێن جیهانێ پیرۆز کر و گۆت: “هه‌موو ڕۆژێن وه‌ نه‌ورۆز و نه‌ورۆزا وه‌ پیرۆز.”

سه‌رۆکوه‌زیرێ کەنەدایێ جاستن ترودو ب په‌یامه‌کا‌ ڤیدیۆیی نه‌ورۆز پیرۆز کر و ڕاگەهاند: “جڤاکێن فارس، ئه‌فگان، کورد، زه‌رده‌شتی، به‌هایی، ناڤه‌راستا ئاسیایێ و ئیسمائیلیان ل کەنەدایێ و جیهانێ ئاهه‌نگا نه‌ورۆزێ و سالا نوو یا فارسی دگێرن. ئه‌ڤ ئه‌و ده‌مه‌ کو هه‌ڤرێ و مالبات ب هه‌ڤ ڕا‌ کۆم دبن.”

سه‌رۆکوه‌زیرێ کەنەدایێ ئاماژه‌ ب وێ یەكێ کر كو نه‌ورۆزا ئیسال جیاواز دبه‌ کو شه‌رێ ل دژی كۆڤید-19 به‌رده‌وامه‌ و گۆت: “دڤێ ئه‌م به‌رده‌وام بن د جیبجیکرنا ڕێکارێن ته‌ندروستی دا‌.”

جاستن ترودو دبێژه‌: ” ژ به‌ر كۆرۆنایێ هدنه‌ک که‌س نه‌ورۆزێ ب ته‌نێ ڕێ دکن و هنده‌ک ژی ژ وان كەنەدیان بێیی هه‌زکریێن خوه‌ ب ڕێ دکن کو د بوویه‌را “تراژه‌دیا فرۆکەیا ئوکراینی” دا‌ هه‌زکریێن خوه‌ ژ ده‌ست دانه‌.

ب ھەلكەفتا هاتنا سه‌رێ سالا نوو یا کوردی و جه‌ژنا نه‌ورۆزێ، تەڤی بەربلاڤبوونا نەخوەشیا كۆرۆنایێ و كۆڤید-19، ئێڤاریا   شه‌میێ (2021.03.20) ل باژار و باژارۆکێن هه‌رێما کوردستانێ ئاگرێ نه‌ورۆزێ ل دەڤەرێن جودا ھات ھلكرن و ب جوشەكا مەزن خەلكێ باشوورێ كوردستانێ جەژنا نەورۆزێ پیرۆز كر.. هه‌ر ل په‌رچه‌یێن دن ئێن کوردستانێ ژی نەورۆزا ئیسال ب ئاوایێن جودا ھات پیرۆز كرن.

نێرین / شیرۆڤە