پەیامەکا هەژی د دەمەکێ هەستیار دا

موبالغە نینە کو بێژین سەرۆکێ هەرێما کوردستانێ ژ وان کەسایە یێ هەردەم پێشیا بوویەران دکەڤیت و پەیامێن هێژا د دەمێ خوە دا ددەت، ئەڤ تایبەتمەندیە ل جەم هەر کەسی نینە. هەر ژ بەر ڤێ تایبەتمەندیێیە گرێیێن هشک و کێشێن مەزن بۆ چارەسەریێ رێکا جهێ ئەڤ هێژایە لێ دگرن چونکو هەر کەس دزانت ل جەم ڤی کەسێ پایەدار رێز و بها هەیە و دکارت بێ دوودلی پەیاما خوە بگەهینتێ.

رێزدار نێچیرڤان بارازنی ژ ڤان کەسایە لەوا هەردەم بوویە خالا پێکگەهەشتنا هەموو ناکۆکیان و بێی گرژی دکەڤنە بەر باس و لێکتێگەهەشتنێ.

د هەوا هەلبژارتنان دا هەموو پەیامێن وی د بەرژەوەندا گشتی و هێووربوونا کەشێ هەلبژارتنان بوون لەوا مە دیت سەرەڕای وان کێشێن سیاسی یێن نابەینا هێزێن سیایێن کوردستانێ دا هەین، بانگەشا هەلبژارتنان ب ئاوایەک دلخاز برێڤەچوو.

ئەڤرۆ (2021.10.10) کو رۆژا دەنگدانێیە و سەنگا هەر حزبەکێ د ناڤ خەلکێ کوردستانێ دا دێ دیار بیت کانێ “کی بەرخە و کی بەران”، ئەڤ هەڤڕکیا هەی هەموو بۆ وێ ئێکێیە کانێ کی دکاریت ل خوەستەکێن خەلکێ کوردستانێ ببیتە خودان و باوەریا خەلکێ کوردستانێ بدەستڤە بینیت ئانکو هەڤڕکی بۆ باشترلێکرنا رەوشا کوردستانییە ژ هەر ئالیەکیڤە.

هێستا تەنویر و کۆچکێ بانگەشەیا هەلبژارتنان سار نەبووی رێزدا نێچیرڤان بارزانی پەیامەکا کوردانە ئاڕاستەی هەموو لایەنێن پشکدار دهەلبژارتناندا کر بۆ داڕێتنا پرۆگرامەکێ کارکرنێ ل بەغدا بۆ بدەستڤە ئینانا مافێن هەرێما کوردستانێ. ئەڤ پەیامە ژ بلی ئیماژێن ئێکگرتنا کوردان بۆ لایەنێن سیایێن بەغدایێ دهنێریت لێ ل ئاستێ ناڤخوە ئیماژەکا هێش ببهاتر و سەنگینتر ددەت، ئەو ژی ئەوە سەرەڕای هەموو جوداهیێن هزری و چیانەتی لێ بۆ پاراستنا روومەتا کوردان و ئاڤەدانکرن و پاراستنا کوردستانێ ئەم تەڤ هەڤ دگرین و خوەدی ئێک ئارمانجین.

پەیاما سەرۆکێ هەرێما کوردستانێ پەیامەکە بۆ بەغدایێ کو ئەم دێ ب ئێک هەلویست هێین و ب هزرێن حزبایەتیی و دەڤەری و تائیفیێ ئەم ناهێین بەلکو بۆ داکۆکیکرنا مافێن خوە و عێراقەکا دیمۆکراتی دهێین.

محەمەد چەلكی

دھۆك

2021.10.10

نێرین / شیرۆڤە