گه لو ده م هاتي يه

شك تێدا نینە كو نێچیرڤان بارزانی د ئاڤاكرنا كابینەیێن حكومەتێ و پێشخستان وان دا ، ھەروەسا، د ئاڤاكرنا تۆرەكا تێكەلیێن ناڤدەولەتیێن بەرفرەھ دا، رۆلەكا پێشەنگ و ئەرێنی ھەبوو و كەس نكارە ڤێ رۆلا مەزن ئینكار بكە.

ددەما دەمێن بۆری دا كوردستان د رەوشەكە دژوار و گەلەك زەحمەت دا دەرباس دبوو كو پێدڤی ب كەساتیەك بوێر و خوەدی كاریزما ھەبوو كو دەستپێخەریێ بكە و ژبۆنا كوردستانێ دوارێ ئابۆری و ئاڤادانكرنێ دا گاڤێن بوێرانە پاڤێژە، ئەو، نێچیرڤان بارزانی، یەك ژ وان كەساتیان بوو كو دژمن بەری دۆستان شاھدیێ لسەر رۆلا وی یا ئەرێنی و ب باندۆر د ئاساییكرنا رەوشا دژوار و ڤەگەراندنا ھەرێما كوردستانێ ژ بۆ جھێ وێ یێ نۆرمال ددن.

لێ بەلێ دیاردەیا كرێتا خوە بسەر ڤێ دەمێ دە راخستی، دیاردەیا گەندەلیێ یە. .. گەلەك دەرفەتێن باش ھەبوون كو ئەڤ دیاردەیا گەندەلیێ بھێت چارەسەر كرن و رەوشا ئابۆری و ئیداری كو باندۆرەكە خەراب ل سەر میزانیا ھەرێما كوردستانێ، لاوازكرنا كاروانێ ئاڤدانكرن و پێشخستنێ ، ھەتا ڤەرێژا وێ یا خەراب گەھشتە لێدانا ئابۆریا ھەڤوەلاتیێ ئاسایی كو باندۆرێ لسەر معاش و رزقێ وان بكە و ئەڤ ژی بوو ئەگەرا خولقاندنا رەوشەكە تەڤلیھەڤ و پر قیران.

تەڤی كو ئەم نكارن باندۆرا نێگەتیڤ یا بڕینا میزانیا ھەرێما كوردستانێ ژ ئالیێ عیراقێ ڤە و شەرێ دژی داعیشێ بۆ سەر كوردستانێ لەبەرچاڤان نەگرن، لێ خەراب بكارئانینا سامانێ گشتی یێ بەریا وێ دەمێ بۆ ئەگەرا وێ یەكێ كو ئابۆریا كوردستانێ بگەھە ڤێ رەوش و قەیرانێ و گۆرزەك گران ب ھەڤوەلاتیان بكەڤە.

دەما پلان و ئیحتیات ژبۆنا پێشیگرتنا قەیرانێن ئابۆری نەبە، رەوش دكەڤە د ناڤا قەیرانان دا.

وێ رەوشا دژوار یا تژی قەیران وسا كر كو ھەبوونا ھەرێما كوردستانێ بكەڤە دبن گەڤێن نەمانێ دە و كەیفا نەیار و دژمنان پێ بھێ.

نھا ئەم د ناڤا سەروبەندێن ئاڤاكرنا كابینەیا نەھێ یا حكومەتا ھەرێما كوردستانێ دا نە و ھێشتا رەوش وەكە خوە یە و گەندەلییێ ھەموو لاشێ ھەرێما كوردستانێ ڤەگرتیە و گۆرزێن گران ل بڕبڕا پشتا وێ ددە. مخابن، تەدبیرێن موكم ل دژی سەرێن مەزن یێن گەندەلیێ نه هاتينه كرن و چاڤكانیێن وان یێن ئابۆری نه هاتينه ھشك كرن ، و گاڤێن پێدڤێ د ڤی واری دا نەھاتنە ئاڤێتن.

لفيره برسه ك دكه فته به ر جافين مە؛ گەلۆ چما كار ژبۆنا شكاندنا ڤێ ڕۆتین و بیرۆكراتیا ئیداری ناھێت كرن.. ؟ گەلۆ چما گوھەرتن د سەرۆكاتی و كابینەیا وەزارتێ دا ناھێت كرن كو سەرۆكاتی و كابینەیا نوو بئیرادەكا بهيزتر بكاربە گوھەرتن و چاكسازیێن بهرچاف بكە… ؟

ده م هاتييه كاك نيجيرفان، ئه گه ر ژ بۆ ده مه كێ كورت ژي بە، بێهنا خوە ڤه ده ( بھێنڤه دانا پێشمه ر گه كي ) و بچاڤه كێ رخنه گر و دوور ژ پوستێ خوه ل هەموو وان كار و ده ستكه فتيێن ئه نجامداينه بنێرە.

ئه ز دوێ باوه ريێ دا مه دێ مفايه كا باش ژێ وه رگرە ، دێ رێ خوشكه ر بە كو ژبۆ پوستێ گرنگترێ بێت قه نجتر خوە ئاماده بكه،

محمد صدیق ئیمام
01.12.2018

نێرین / شیرۆڤە