ئۆجەلان: ئەز دكارم رێیا چارەسەریێ ڤەكەم
ناڤه‌رۆکا هه‌ڤدیتنا ڕێبه‌رێ زیندانیكریێ پارتیا كاركەرێن كوردستانێ (پەکەکە) عەبدوڵا ئۆجەلان و برایێ وی مه‌حمه‌د ئۆجەلان ئاشکه‌را بوو و ئۆجەلان ل سه‌ر په‌یامێن خوه یێن بالكێش د ده‌ربارێ ڕۆژاڤایێ کوردستانێ و پرسا کوردی یا ل ترکیێ به‌رده‌وامه.
ل گۆر ڕاگەهاندنا مه‌حمه‌د ئۆجەلان، ڕێبه‌رێ پەکەکێ د ده‌ربارێ ڕێ و ڕێبازێن چاره‌سه‌رکرنا پرسا کوردی دا ڕه‌خنه ل حکومه‌تا ترکیێ و پەکەکێ گرتیه.
ئۆجەلان دبێژه كو ل ترکیێ پرسا کوردی خه‌تمیه. پێڤاژۆیا کۆ ئەم تێرا ده‌رباس دبن شه‌ر و ژناڤبرنە. لێ شه‌ر و مرن چاره‌سه‌ری نینه و چ ئه‌نجام ب دەست ناكەڤن. پێویستیا وان ب ڕێبازه‌که نوو هه‌یه و دڤێ حکومه‌تا ترکیێ و پەکەکە ڕێبازێن نوو بئافرینن.
ب گوتنەك دن ئۆجەلان داخوازێ ژ پەكەكێ دكە چەك دانە و شەرێ ھەیە براوەستینە، لێ ئەڤە چەند جارە ئۆجەلان ڤێ داخوازێ ژ پارتیا خوە دكە و قەندیل ژی ب یا وی ناكە داخوازێن ئۆجەلان پشتگوھ دخە.
ڕێبه‌رێ پەکەکێ ژ بۆ ده‌ستپێکرنا پێڤاژۆیا چاره‌سه‌ریێ ڕژده و بانگا ئاشتیێ دکه. ئەگه‌ر حكومەتا ترکیێ ده‌رفه‌ت بده وی، ئه‌و دکاره ڕیا چاره‌سه‌ریێ ڤه‌که.
ئۆجەلان د چارچۆڤه‌یا كریزا سوریێ و ڕۆژاڤایێ کوردستانێ دا ژی بانگا ژیانه‌کا هه‌ڤبه‌ش و یه‌کبوونا سوریێ دکه. ل گۆر وی ژ بۆ ئازادیا خه‌لکێ ڕۆژاڤایێ کوردستانێ دڤێ زێده‌تر تێکۆشین وه‌ره کرن. ئه‌ڤ تێکۆشین دڤێ ب هه‌موو خه‌لکێن سوریێ چێبه. ژ بۆ یه‌کیتیا سوریێ، هه‌موو خه‌لکێن وی وه‌لاتی دڤێ ژیانا خوه یا هه‌ڤبه‌ش ب هه‌ڤ ڕا ئاڤا بکن. ئەگه‌ر ژ بۆ ڤێ ئارمانجێ سه‌ربکه‌ڤن چ هێز نکاره ئازادیا وان بداوی بینه.
ڕێبه‌رێ پەکەکێ ل سه‌ر ده‌ستپێکرنا هه‌ڤدیتنێن خوه ژی دیار دکه کۆ، دڤێ ئه‌و چاڤه‌رێ بکن کا گه‌لۆ هه‌ڤدیتنێن وی دێ به‌رده‌وام بن یان نا. ئەگه‌ر ڕێیێن هه‌ڤدیتنێ به‌رده‌وام بن ژ بۆ هه‌رکه‌سی باشه. ئه‌گه‌ر نا دێ ئه‌نجام کاره‌سات به.
مه‌حمه‌د ئۆجەلان و برایێ وی عەبدوڵا ئۆجەلان، د ڕۆژا دویه‌مین یا جه‌ژنا ڕه‌مه‌زانێ دا هه‌ڤوودوو دیتبوون.
