دانوستاندن باشترین چارەسەریە
بێوار حسێن زێباری -هەولێر
دڤێت ئەم ھەموو ھەول بدن ئارامی و پێکڤەژیانا هەرێمێ بپارێزین كو جارەكا دی رەوش نە زفرینەڤە بۆ سالێن نوتان، وان سالێن نەخوش و دژوار کو گەلەك مەترسی و نەخوەشی هاتنە رێدان ل هەمبەر خەلکێ مە یێ کورد ژ هەر روویەکی و لایەکێ ڤە بیت، لێ گرنگ ئەوە کو تنێ پاشڤەبرن و زیانگەهاندنا مە نەزێدەترە، لەوما دڤێت ئەم د خەم و کوڤانێن وان دایک و خێزانێن شەهید و برینداران دا بین یێن هاتیە دان ل سەر ڤێ ئاخا وەلاتی یا چەندین سالە کو گیانی خوە کریە قوربان.
ل ھەمبەر ڤان روودان و پێشهاتێن ڤێ داویێ ھاتینە پێش دڤێت سەرکردێن کوردان ئێک هەڵوێست هەبە و دانوستاندن ژی باشترین چارەسەریە بەرامبەر کو وان گوتن و کریارێن دهێن گوتن، لێ خالا گرنکتر ژی ئەوە ئەو هێز و چەکدارێن ئەڤرۆکە بەرگریێ دکەن و زێرەڤانن ژ سنورێ هەرێما کوردستانی کو ئەو ژی ل سەر خوە بن و دوور بن ژ هەر پێشهاتەکێ دا.
ل ڤێرە دڤیێت خەلک و دەزگەهێن راگەهاندنێ ژی راستگۆ بن و هاریکار بن ژ بۆ باشکرنا رەوش و ژین و ژیارا خەلکی ل جەم هەر لایەنکی ڤە بیت، بێ جوداهی، داكو ئەڤ رەوش دەرباز بیت و ئەو قۆناغا بەری 20 سالان دووبارە نەبیتە ڤە.
ئەڤ قۆناغا نها بەحس هێتە کرن ژلایێ هندەکا ڤە کو دبێژن و بەحس شەری دکەن ئەڤە نابیتە ج گاڤ و پێنگاڤێن باش و ژ زێدەتر زەرو زیانین ماددی و گیانی ل سەر خەلکی مە، لەوما دڤێت ئەم هەموو پێکڤە دگەل ئارامیا دەڤەرێ بین دوور هەر روودانەکا نە دروست.
