كەنەكە و رۆلا ناڤبەینكاریێ
ل باشوورێ کوردستانێ چه‌کدارێن پەکەکێ گەلەك ئالۆزی چێ كرن، ئێریشێ پێشمه‌گه‌یان کر و پێشمه‌رگه شه‌هد و بریندار کرن، بەرپرسێن حكوەمتا باشوور تەرۆر كرن و بۆریا نەفتا كوردستانێ پەقاند دو زیانەك مەز گەھاندە خەلكێ باشوورێ كوردستانێ، ده‌ستهلاتداریا کوردستانێ ل هەمبه‌ر کریارێن پەکەکێ هه‌لوه‌سته‌ک گرت و بالا پەکەکێ کشاند. حكومەتا كوردستانێ چ رێاكسیۆنێن دژوار ل دژی پەكەكێ نیشان نەدان و بەرسڤا كریارێن وێ نەدا.
پشتی ڤان ھەموو تەڤلیھەڤی و ئالۆزییێن پەكەكێ ل دژی حكومەتا كوردستانێ چێكرن، نھا رادبە و شاندەیەكا كۆنگرەیا نەتەویا كوردستانێ (كەنەكە) دشینە باشوور ژ بۆنا دیالۆگ و ئاشتیێ.
پەکەکە د ڤێ قۆناخێ دا دو ئارمانجێن سه‌ره‌که ل پێشییا خوه دانینه .
یه‌کەم: ژ بۆ ل باشوورێ کوردستانێ ته‌ڤگه‌را کورد زه‌عیف بکه و ئاریکاریا حه‌شدا شه‌عبی بکه کو ستاتویا کوردستانێ تێک بچە و کوردستان ستاتویا فه‌ده‌رالی تێک بده و ب ڤی ئاوایی ڕێ ل ڕێبازا ده‌وله‌تبوونێ بێ گرتن و ده‌ستکه‌فتیێن باشوورێ کوردستانێ تێكبچن.
دویه‌م: پەکەکە ژ ڕه‌وشا نها یا ل ڕۆژاڤایێ کوردستانێ نه ڕازیه. پشتی هه‌ڤدیتن د ناڤبه‌را ئه‌نەکەسێ و پەیەدێ دا ده‌ستپێکرین و ئه‌ڤ هه‌ڤدیتن د بن چاڤده‌ریا ئە‌مرکایێ دا و پشتگریا ده‌ستهلاتداریا کوردستانێ به‌ر ب پێشڤه چوون، پەکەکە وەسا ھزر دكە كو ل ڕۆژاڤایێ کوردستانێ ده‌ستهلاتداریا خوه ژدەست ددە. پەکەکە هه‌موو هه‌ولدانا دکه کو، ل ڕۆژاڤایێ کوردستانێ یه‌کرێزیا کوردا چێنەبە و کورد ل ڤێ ده‌ڤه‌رێ نه‌بن خوه‌دییێ ستاتویه‌ک نه‌ته‌وی.
هه‌ر کورده‌ک ڤێ یه‌کێ دزانه. لێ مخابن گه‌له‌ک ئالیێن سیاسی ل گۆر ڕاستیا هه‌یە و دزانن ته‌ڤناگه‌رن و نابن خوه‌دی هه‌لوه‌ست. تایبه‌تی ل باشوورێ کوردستانێ د سه‌ری دا ده‌سته‌یا خیانه‌تا 16ێ جۆتمه‌هێ و هنده‌ک ئالیێن دن ئێن سیاسی پشتگریا کریارێن پەکەکێ دکن. ب سه‌دان که‌سان ب ناڤێ کورده‌یاتیێ داخوویانی ده‌رخستن و پشتگریا کریارێن پەکەکێ کرن.
د ڕاستیا خوه دا پەکەکە نه ته‌نێ ژ چه‌کدارێن ل باشوور و ژ قه‌ندیل پێک تێ. کەنەکە، هەدەپە، پەیەدە،کەجەك، یەپەگە، یەپەشە…. و گه‌له‌ک ده‌زگه‌هێن دن هه‌موو پەکەکه نه. د بنگه‌هێ خوه ده ئه‌ڤ ئالینه کو سیاسه‌تا پەکەکێ خوه‌دی دکن . پەکەکە ب ناڤێ کەجەکێ ئێریشا دکه ،لێ کەنەکە یان ژی هەدەپە به‌هسا دیالۆگ و ئاشتیێ دکه. ئه‌ڤ ته‌کتیکه‌ک که‌ڤنار و ڕزی یا پەکەکێ یه. ئه‌گه‌ر هێژا ئالیێن نه‌خوازن ڤێ ڕاستیێ ببینن، ئه‌و ڤه‌کری پشتگرێن پەکەکێ نه و به‌هسا چ بکن بلا بکن شریکێ تاوانێن پەکەکێ ل دژێ ده‌سته‌که‌فتیێن نه‌ته‌وی یێن کوردستانی نه.
گه‌لۆ که‌سه‌کی دتیه کو ڕۆژه‌ک ژ ڕۆژا کەنەکێ کریاره‌ک یا پەکەکێ شه‌رمه‌زار کربە؟ گه‌لۆ ژ ده‌رڤه‌یی سیاسه‌تا پەکەکێ ڕۆژه‌کی کەنەکێ کاریه ته‌ڤبگه‌ره؟ کەنەکە، پەکەکە ب خوه یه و شریکێ تاوانێن پەکەکێ یه. ئیرۆ بێی کو شه‌رمێ بکن سه‌ردانا باشوورێ کوردستانێ دکن و هه‌ولدانێن وان هه‌موو ژ بۆ بهێزبوونا پەکەکێ یه و هه‌روه‌ها ل باشوور دخوازن د ناڤا هێزێن هه‌ڤالبه‌ندێن خوه دا پشتگریا پەکەکێ خۆرت بکن. هه‌ر ئالیه‌ک سیاسی ل گه‌ل وان بجڤە و داخوویانیا بدە. راستەراسیت هه‌ڤالبه‌ندیا ئێریشێن ل دژی پێشمه‌رگه‌یێن کوردستانێ دکه و ب ئاوایه‌کی شه‌رێ پەدەکێ دکه.
د بنگه‌هێ خوه دا هه‌رکه‌س ڤێ یه‌کێ دزانه ،لێ مخابن بێ ده‌نگن. هه‌تا هنده‌ک ئالی ژی ب زانه‌بوون د ناڤا ڤان له‌یزتکێن دوئالی دا جھ دگرن و دبن خوه‌دی هه‌لوه‌ست. ئه‌وێن ب شه‌رمۆکی سیاسه‌تا پەکەکێ ڕێڤه دبن یێن هه‌ری خه‌ته‌رن و ته‌هدیده‌ک مه‌زن ل سه‌ر سیاسه‌تا کوردستانی یا نه‌ته‌وه‌یینه.
ئه‌و ئالیێن کو ئێریشێن چه‌کدارێن پەکەکێ ل سه‌ر پێشمه‌رگه شه‌رمه‌زار نه‌کرین ، ب چ ئاوایی نه مافێ وانه به‌هسا “ئاشیتی” و “دیالۆگێ” بکن. ژ به‌ر کو ئه‌و ب شه‌رمۆکی پشتگریا پەکەکێ دکن.
د ڤێ قۆناخێ دا خوه‌دیلێده‌رکه‌تنا ڕێبازا نه‌ته‌وه‌یی و کوردستانی فه‌رز دکه کو ل دژێ کریارێن پەکەکێ مرۆڤ ببه خوه‌دی هه‌لوه‌ست.
