لۆزان و پەکەکە مەزنترین بەلایێن دیرۆکی بۆ کوردان!
پەکەکە مینا رێکەفتنا لوزان بوو ل ـسەر رێککەفتنا سیڤەر ل دژی کوردان، کو لۆزانێ تەڤ مادە یێن سیڤەر بێ وەعد و بێ ناڤەروک کرن، کو د قازانجا کوردان دا ھاتبوون نڤیسان، ب تایبەتی مافێ چارەنڤیسێ کوردان ب تمامی قەدەغەکر کو ولاتەکێ سەربەخۆ بۆ کوردان ھەبیت.
پەکەکێ ژی ب درێژییا دیرۆکێ دژایەتیا ھەر بزاڤەکا کوردی کریە ل تەڤ پارچە یێن کوردستانێ، ب تایبەتی ب ھەڤکاریا نەیارێن بزاڤا کوردی دژایەتیا وان پارتیان کریە کو بزاڤا کوردی گەھاندییە گۆپیتکێ. ھەڤدەم بۆ شەرعیەتدان ب سیاسەتا خوە پەکەکێ درۆشمێ کوردستانا مەزن گوھری بۆ دروشمێ برایەتیا گەلان! کو د بنەرەت دا ئەڤ دروشمە ژ ئالیێ نەیارێن کوردان ھاتیە دارشتن بۆ بێمافکرنا کوردان.
ل داوییا سالێن حەفتێیێ ل چەرخێ بیستێ، کو دبیتە دەسپێکا دامەزراندنا پەکەکێ ل ولاتێ سوریایێ، دەسھەلاتا سوریایێ رێک ب چ پارتیێن کوردی نەدا کو ھەبن ب توندی دژایەتیان تەڤ پارتیێن کوردی دکر و ژناڤبرن، لێ زەمینە خۆشکر کۆ تەڤ کوردێن رۆژئاڤا بچنە بن چەترا پەکەکێ، ھەر کوردێ چەک بۆ پەکەکێ ھەڵگرتبوو دەسھەلاتا سوریایێ ژ خزمەتا سەربازیێ عەفو دكر، ھەڤدەم بارەگەهێێ مەشق و راھێنان بۆ پەکەکێ ڤەکرن بچەکی و ماددی ھاریکایا وان دکر، گەر ولاتێ سوریایێ نەبوویا پەکەکە تەمەن نەدکر ھەر ل دەسپێکا دامەزراندنا خوە دا ژناڤچن، لێ پەکەکە تمامی کەفتە بن باندورا حکومەتا سوریایێ و خزمەتا ئەجێندایا دەسھەلاتا سۆریایێ کر کو نەیارترین دەسھەلاتبوو ب درێژاییا دیرۆکێ ھەمبەری کوردان ل رۆژئاڤایێ کوردستانێ.
دەما ل ناڤەراستا سالێن ھەشتێ یێ پەکەکە ھاتیە باشورێ کوردستانێ، پەیوەندیێن پەکەکێ ھەرە باشبوون ل گەل حکومەتا عیراقێ، کول گەلەک جھان بارەگەهێن پەکەکێ ل جەم بارەگەهێن سۆپایێ عیراقێ بوون. کو بتمامی پەکەکە کەفتە بن باندورا حکومەتا عیراقێ حزمەتەکا ھەرە باش بۆ عێراقێ کر، ل وی دەمی بەعسا عیراقێ نەیارێ تەڤ پاریتێن کوردی بوو لێ بتنێ پەکەکە حەسکریا بەعسیا سەدام بوو، کو پەکەکە ل باشۆرێ کوردستانێ چەند جاران شەر دگەل ھەمی پارتیێن کوردی کر ب راستەوخو و ناراستەخو خزمەتا سیاسەتا شۆڤێنیا بەعس دکر دژی کوردان!
ھەڤدەم دەسھەلاتا کۆمارا ئیرانێ رێککەفتنا ئەمنی کر دگەل عیراقێ کو ھەمی پارتیێن کوردی یێن رۆژھەلاتێ ل سەر سنوری چەک بکەن جھێ ڤەحواندنا وان ل وێرێ ڤەگوھێزن گەرنە دێ شەرێ خور ئینە سەر سنۆران، لێ وان سنوران چو پارتیێن کوردی ب قاسی پەکەکێ نێزیکی سنوورێ ئیرانێ نینە لێ ئیرانێ نە بەحس چەککرنا پەکەکێ کر نە د بەرنامێ وان دایە کو چەک بکەن بەلکو ھەردەم پر چەک دکەن، نھا ژی ھەر ل سنورانە، کو دەسھەلاتا ئیرانێ مینا پاسەوانێن سنووری بخوە بکاردئینیت دژی ھەر بزاڤەکا کوردی و نەیارەکێ خوە، کو بدرێژاییا وان سنوور و دەڤەرێ پەکەکە بۆویە لەشکەرێ ئیسلامی یێ ئیرانێ بێی ئەلف و بێیەکێ ل ئیسلامێ بزانیت!
پەکەکە ھەردەم کو دروشمێ کوردستانا مەزن ھەلگرتبوو لێ ب درێژاییا تەمەنێ خوە پەیوەندیێن وان یێن فەرمی نە بەلکو یێن نھێنی و نەشەرعی باش بوینە دگەل وان ولاتێن کوردستان ل سەر ھاتیە دابەشکرن، کیژان نەیارێ مەزنێ کوردان بوویە حەسکریێ سیاسەتا پەکەکێ بویە و پەکەکێ چەک بۆ ھەڵگرتیە شەر بۆ ئارمانجێن وان کریە. رێککەفتنا لۆزانێ زێدەتر چەرخەیەکێ یە شەرعیەتێ بنەیارێن کوردان ددەت، پەکەکەژی تمامکەرا لۆزانێ یە نێزیکی نیڤ چەرخی یە زێدەر ب نااستەوخۆ شەرعیەتێ ب نەیار و داگیرکارێن کوردستانێ ددەت و خزمەتا ئەجێندایا وان دکەت!؟!؟!.
هۆگر نێروەیی
