ڕۆژا شهمیێ ٦\١٢\٢٠٢٥ێ، ئهنداما مهکتهبا سیاسی یا پارتییا دهمۆکراتا کوردستانێ (پدک) ئامینا زکری ل کۆنفهرانسا ناڤدهولهتی یا ئاشتی و جڤاکا دهمۆکراتیک ل ستهنبۆلێ، پهیاما سهرۆک بارزانی یا دهربارێ پرۆسهیا نوو یا ئاشتیێ ل ترکیێ و باکورێ کوردستانێ خواند.
سەرۆک بارزانی د پهیاما خوه دا دبێژە: ھەر دەم دیالۆگ و لھەڤکرن ژ شەر و ئالۆزیان چێترە و د گۆتووبێژ و ئاشتیێ دا مرۆڤاھی سوودمەند دبە.
دەربارێ رەوشا هەرێمی ژی، سەرپک بارزانی د پەیاما خوە دا دبژە: ههرێم د قۆناخهکا ههستیار را دهرباس دبه و دڤێ ههر کهس ژ شاشییێن بهرێ دهرسان وهربگره.
سهرۆک بارزانی ب ههموو ئاوایی پشتهڤانیا خوه ژ بۆ پرۆسهیا ئاشتیێ ل ترکیێ نیشان دا و گۆت: “ئهز پیرۆزباهیێ ل حکومهتا ترکیێ، برێز ئهردۆگان و برێز ئۆجالان دکم کو دهرفهت ژ بۆ پرۆسهیا ئاشتیێ و دانووستاندنان دابین کرنه.
سهرۆک بارزانی د پەیاما خوە دا تهکهز ل سهر وێ یهکێ کر کو ئهو پشتهڤانیا ههر ههولهکێ بۆ خزمهتکرنا پرۆسهیا ئاشتیێ و بهێزکرنا براتی و پێکڤهژیانا گهلێن ناڤچهیێ دکە.
کۆنفهرانسا ناڤدهولهتی یا ئاشتیی و جڤاکا دهمۆکراتیک ژ ئالیێ دەم پارتییێ ڤه هاتیە ئۆرگانیزهکرن و ههتا ڕۆژا یهکشهمێ ۷ێ ڤێ مەهێ٢٠٢٥ێ بهردهوام دبە.
پەیاما سەرۆک بارزانی
رێزداران ھەڤسەرۆکێن دەم پارتییێ
رێزداران ئەندامێن کۆنفەرانسا ئاشتی و جڤاکا دەمۆکراتیکا یا ڤنەتەوەیی،ئ
امادەبوویێن ھێژا
رۆژباش و سلاڤەکە گەرم ل وە ھەموویان بە.
د دەستپێکێ دا دخوازم سپاس و دەستخوەشیا خوە ئاراستەیی رێکخەرێن ڤێ کۆنفەرانسێ بکم. ئەز ھێڤیدارم کو ئەنجام و راسپاردەیێن کۆنفەرانسا ئاشتی و جڤاکا دەمۆکراتیکا ناڤنەتەوەیی، خزمەتا پێڤاژۆیا ئاشتی و چارەسەرکرنا پرسگرێکان و پێدڤیێن سەردەم و قۆناغا نوو بکە
رێزداران..
دەڤەرا مە و ھەموو جیھان د قۆناغەکا ھەستیار را دەرباس دبە. ھەموو نیشانە دیار دکن کو دەستپێکەکا نوو ھەیە، کو دکارە تژی ئاستەنگی بە، ئان ژی دکارە تژی دەرفەتێن نوو بە ژ بۆ ئارامی، ئەولەھی و ژیانەکا سەربلند و بروومەت و ئاشتیانە ژ بۆ گەلێن دەڤەرێ.
پێویستە ھەموو ئالی دەرسێ ژ شاشیێن سەردەمێن بۆری وەربگرن و ب بێھنەک نوو و نێرینەکا زەلال و تژی باوەری و ھێڤی ڤە، تەڤگەرێ لگەل ھەموو ئاستەنگی و پێشھاتێن نوو بکن.
ھەر دەم دیالۆگ و لھەڤکرن ژ شەر و ئالۆزیان چێترە و د گۆتووبێژ و ئاشتیێ دا مرۆڤاھی سوودمەند دبە.
رێزداران
ئەز ب دل و جان دەستخوەشیێ ل حکومەتا ترکیێ، برێز ئەردۆگان و برێز ئۆجالان و ھەموو وان رێزداران دکم کو دەرفەت ژ بۆ پرۆسەیا ئاشتی، چارەسەری و دانوستاندنان رەخساندن.
ژ ئالیێ خوە ڤە، ئەز پشتگریا ھەر ھەولدانەکێ دکم کو خزمەتا پرۆسەیا ئاشتیێ و بھێزبوونا برایەتی و پێکڤەژیانا گەلێن دەڤەرا مە بکە.
ھێڤیا سەرکەفتنێ ژ بۆ وە ھەموویان دخوازم، د خوەشی و خێرێ دا بمینن.
