دانووستاندنێن د ناڤبهرا شام و هەسەدێ دا، ب چاڤدهریا ئامهریکایێ، ژ نوو ڤه دهست پێ کرن. ژ بهر کو دەمێ پهیمانا ۱۰ێ ئادارێ د داویا سالێ ب داوی دبە ، هوورگلیێن بهندێن ئهنتهگراسیۆنێ یێن کو ژ هێلا ڕێڤهبهریا شامێ ڤه ژ هەسەدێ را هاتنه پێشکێش کرن دهردکهڤن هۆلێ.
پرۆژهیا ئهنتهگراسیۆنێ ژ چەند بەندان پێکتێ وهکی: “ئهنتهگراسیۆنا هەسەدێ د ناڤ ئارتێشا سووریهیێ دا ب شکلێ سێ فرقهیان، تهڤلیکرنا ئاساییش و یەپەژێ (ئارتێشا ژنان) د بن وهزارهتا کارێن هوندر دا، مافێن ههموهلاتیبوونێ یێن تهڤاهی ژ بۆ کوردان، وهکههڤیا قانوونی، دایینا ستاتویا زمانێ نهتهوهیی ژ بۆ کوردی، و ڤهگهرا نفووسێن کۆچبهران”.
جارلهس لستهر، ڕێڤهبرێ بهرنامهیا سووریهیێ ل ئهنستیتویا ڕۆژهلاتا ناڤین یا ل واشنگتۆنێ، خالێن پهیمانێ ل سهر ماسهیێ نڤیساندن. ئاگاهیێن ژێرین ئێن دهربارێ جڤینان و خالێن پێشنیارکری ژ بۆ هەسەدێ ژ ئالیێ لستهر ڤه هاتن پارڤهکرن:
“هوورگولیێن پهیمانا پێشنیارکری هێشتا نههاتنه ئاشکهرهکرن. لێبهلێ، ل گۆری چاڤکانیێن نێزیکی دانووستاندنان، پاکێت خالێن ژێرین دحهوینه:
- ئهنتهگراسیۆنا سێ فرقهیان د ناڤ ئارتێشا سوریێ دا
- تهڤلیکرنا ئاساییش و یەپەژێ (ئارتێشا ژنان یا هەسەدێ) د ناڤ وهزارهتا کارێن ناڤخوەیی دا
- وهکههڤیا ههموهلاتیبوونێ یا تهڤاهی و مافێن سڤیل ژ بۆ کوردان
- بدهستخستنا ستاتویا زمانێ نهتهوهیی ژ بۆ کوردی
- ڤهگهرا کهسێن کۆچبهر
- رێڤهبرنا ڤهبهرهێنانا ڕاستهراست ئا بیانی و داهاتێن گشتی ل گۆری نفووسێ بهر ب ههرێمێن کوردی ڤه
- نوونهرتیا کوردان د وهزارهت و مهقامێن دهولهتێ یێن ئاستا بلند دا، د ناڤ دا پاراستن و کارێن ناڤخوەیی”
“ل سهر ئهردی پێشکهتن نینە، پلانا ب ل سهر ماسهیێ یه”
نرخاندنێن دهربارێ پێڤاژۆیێ دا ژ ئالیێ لستهر ڤه هاتن کرن. ئانالیست جارلهس لستهر دیار کر کو تهڤی چهند مههان ژ دانووستاندنێن ب ناڤبهینکاریا ئامهریکایێ و جڤینێن کۆمێن خهباتێ یێن گرتی ل شامێ، هەسەدێ ل سهر ئهردی چو گاڤێن بهربچاڤ نهئاڤێتنه. ل گۆری لستهر، ڤێ خەمسارییا هەسەدێ هێدی هێدی نەرەحەتی ل سهر ئهردی زێده کریه و ڤهبژارکا “پلانا ب” دیسا ئانیه پێش.
لستهر تهکهز کر کو ههفتهیێن پێش دا ژ بۆ دهستنیشانکرنا کا پابهندبوونا هەسەدێ یا ژ بۆ ئهنتهگراسیۆنێ دێ ب ڕاستی وهره بجیهانین ئان نا گرینگن. ل گۆری ئانالیست، تهڤی پێشنیارێن دابهشێن لهشکهری، مافێن تهڤاهی یێن کوردان، پۆستێن وهزیران و پۆستێن فهرمانداریێ د وهزارهتێن پاراستن و کارێن ناڤخوەیی دا، هێشتا ژی چو پێشڤهچوون چێنهبوویه.
