ل سهر ڕهوشا ئەبدلا ئۆجەلان و ههلوهستا ئۆجەلان د پێڤاژۆیا ب ناڤێ ” ترکیهیا بێ تهرۆر” دا ڕووددن گهلهک گۆتوبێژێن جودا تێنه کرن. یهک ژ ڤان گۆتوبێژان یا ههری بالکێش ههلوهست و کهسایهتا ئۆجەلان ب خوه یه.
ل گۆرا نووچهیهک، د بلۆکا (سهسلی ههبهرش) دا پارلهمهنتهرهک بهرێ یێ هەدەپێ د داخوویانیهکا خوه دا بهحسا ههلوهستا ئۆجەلان دکه و دبێژه:
“ ئۆجەلان ژ بۆ دهستپێشخهریهک سیاسی یا نوو ئامادهکاریان دکه”
پەرلامهنتهرهکی بهرێ یێ هەدەپێ، کو نهخوهست ناڤێ وی ئاشکهره ببه، ب ڕێیا پهیامهکێ ب (سهسلی ههبهرش) را تێکلی دانی و دیار کر کو ئۆجەلان د دهمهک نێزیک دا ژ بۆ دهستپێشخهریهكا سیاسی یا نوو ئامادهکاریان دکه.
ل گۆری پەرلامهنتهرێ بهرێ، ئۆجەلان پلان دکه کو ڕێخستنا پارتییا دهمێ یا ههیی هلوهشینه و ل شوونا وێ ڕێخستنهک سیاسی یا نوو ئاڤا بکه. گهلهک کهسایهتێن کو ههتا نها وی پاراستنه دێ د ڤێ رێكخستنا نوو دا جهنهگرن؛ ب تایبهتی پارێزڤانێن فێمینیست و لگبت دێ هێن دهرخستن. تێ گۆتن کو پێکهاتهیێن ههیی یێن پارتییا دهمێ دێ نه بهشهک ژ پارتییا نوو بن.
ل گۆری چاڤکانیێ، ڕێخستنا نوو دێ “پارتییهک کو ژ هێلا بنگهها کوردان ڤه ب هێسانی بێ قهبوولکرن، ب کادرۆیهک بچووکتر، هێسانتر تێ کۆنترۆلکرن و ژ هێلا ئیدیۆلۆژیک ڤه ژ نوو ڤه تێ پێناسهکرن” به.
پەرلامهنتهرێ بهرێ دبێژه: “ ئۆجەلان نهچاره ڤێ یهکێ بکه. ژ بهر کو ئیستیخباراتا کو دخوازه وی بینه خالا کو دخوازه ڤێ یهکێ ژ وی دخوازه. گهر گاڤێن جدی نهئاڤێژه و نهگەهە خالا کو ژ هێلا ڤێ ئیستیخباراتا کوور ڤه تێ دهستنیشانکرن، ئهو دێ نکاربه مافێ خوه یێ هێڤیێ ب دهست بخه.”
ل گۆری چاڤکانیێ، ئارمانجا سهرهکه یا ڤێ پێنگاڤێ ئهوه کو ب ئافراندنا قوتبوونهک ژ ڕێخستنا سیاسی یا ههیی، ههم د ڕایا گشتی یا کورد دا و ههم ژی د چاڤێن دهولهتێ دا زهمینهکه سیاسی یا نوو بئافرینه
