محه‌مه‌د حه‌جی مه‌حموود داخوازەکێ ژ ئالییێن کوردی دکە

سه‌رۆکێ پارتییا سۆسیالیست یا ده‌مۆکراتیک یا کوردستانێ گۆت کو ئیراقێ گه‌له‌ک بنپێکرنێن ده‌ستووری و یاسایی ل دژی هه‌رێما کوردستانێ کرنه‌.
محه‌مه‌د حه‌جی مه‌حموود، سه‌رۆکێ پارتییا سۆسیالیست یا ده‌مۆکراتیک ئی کوردستانێ، د به‌رنامه‌یه‌که‌ ل سه‌ر کوردستان۲٤ێ ( ۲۸ێ کانوونا پێشین ۲۰۲٥) دا گۆت: “ده‌ستوورا ئیراقێ ب چو ئاوایی نه‌هاتیه‌ جیبجیکرن و هه‌تا خوه‌سته‌ک هه‌یه‌ کو ده‌ستوور بهێتە به‌تالکرن.
وی هه‌رەسا گۆت کو ئیراقێ گه‌له‌ک بنپێکرنێن یاسایی و ده‌ستووری ل دژی هه‌رێما کوردستانێ کرنه‌ و ئەڤ بنپێکرن به‌رده‌وامن‌.
سه‌رۆکێ پارتییا سۆسیالیست یا ده‌مۆکراتیک یا کوردستانێ گۆت کو دڤێ رەوشێ دا دڤێ گه‌لێ کوردستانێ ل هەرێما کوردستانێ ل هەمبەر ئاستەنگییێن هەنە یه‌کگرتی به‌ و یه‌کیتیا پارتییێن سیاسی ژ بۆ ئاڤاکرنا حکومه‌تا نوو یا ئیراقێ گەلەک گرینگه‌.
وی گۆت: “کوردان د ئاڤاکرنا ئیراقا نوو دا ڕۆله‌که‌ گرینگ لیستنه‌ و نها هه‌رێما هه‌ری بهێز ژی هه‌رێمێ هه‌رێما کوردستانێ یه‌. ژ به‌ر ڤێ یه‌کێ، دڤێ کورد د ئاڤاکرنا حکومه‌تا نوو یا ئیراقێ دا گۆتنا خوه‌ ببێژن و و ل سەر ب دەستخستنا مفێن خوە ل گۆر یاسا و دەستووراێ خوەدی هەلوەست بن.
محه‌مه‌د حه‌جی مه‌حموود گۆت کو هه‌رێما کوردستانێ پەیوەندییێن گەلەک باش دگەل وەلاتێن هەرێمی و جیهانی هەنە و ژ به‌ر ڤێ یه‌کێ دڤێ کورد ڕێزێ ل ڤان پەیوەندییان بگرن و خوه‌ کێم نه‌بینن.