سەرۆک بارزانی د پەیامەکێ دا ژ بۆ رایا گشتی و ئالی و پارتییێن هەرێما کوردستانێ، مەکانیزما دەستنیشانکرنا سەرۆککۆمار ئاشکەرا دکە.
سەرۆک بارزانی د پەیاما خوە دا دبێژە کو دڤێ ههموو ئالییێن کوردستانی ئهو باوهری ههبه کو پۆستا سەرۆککۆمار پارا کوردانه و دڤێ مهکانیزما هلبژارتنا سهرۆککۆمار ژی گوهارتن تێ دا چێببه و ئێدی چو ئالیهک وێ پۆستێ وهک ملکێ خوه یێ تایبهت نەزانە.
سەرۆک بارزانی مەکانیزما دەستنیشانکرنا سەرۆککۆمار ئاشکەرا دکە کو:
- د پەرلامهنتۆیا کوردستانێ دا کهسهک وهک نوونهرێ کوردان ژ بۆ وهرگرتنا پۆستا سهرۆککۆمار بێ دیاریکرن
- تهڤایا ئالییێن کوردستانی بجڤن و ژ بۆ وێ پۆستێ ل سهر کهسهکی ل ههڤ بکن
- نوونهر و فراکسیۆنێن کوردی یێن د ئهنجوومهنا نوونهرێن ئیراقێ دا، کهسهکی ژ بۆ وهرگرتنا وێ پۆستێ دیار بکن
- ودڤێ سهرۆککۆمار نوونهراتییا راستەقینە یا گهلێ کوردستانێ بکه.
- شهرت ژی نینه ئهو کهسێ کو ژ بۆ وهرگرتنا پۆستا سهرۆککۆمار تێ دیاریکرن پارتی به ئان یهکیتی به، دبه ژ ئالیهک دن به ئان ژی بێئالی به
پهیاما سهرۆک بارزانی
ب ناڤێ خوهدایێ مهزن و دلۆڤان
د دهربارێ پۆستا سهرۆککۆمارێ ئیراقێ دا، دڤێ ههموو ئالییێن کوردستانی ئهو باوهری ههبه کو ئهڤ پۆست پارا کوردانه و ژ بۆ کو سهرۆککۆمار نوونهراتییا ڕاستین یا گهلێ کوردستانێ بکه، دڤێ مهکانیزما هلبژارتنا سهرۆککۆمار ژی گوهارتن تێ دا چێببه و ئێدی چو ئالیهک وێ پۆستێ وهک ملکێ خوه یێ تایبهت نهزانە.
مهکانیزما ژی دڤێ وها به کو: یان د پەرلامهنتۆیا کوردستانێ دا کهسهک وهک نوونهرێ کوردان ژ بۆ وهرگرتنا پۆستا سهرۆککۆمار بێ دیاریکرن، یان ژی تهڤایا ئالییێن کوردستانی بجڤن و ژ بۆ وێ پۆستێ ل سهر کهسهکی ل ههڤ بکن، یان ژی نوونهر و فراکسیۆنێن کوردی یێن د ئهنجوومهنا نوونهرێن ئیراقێ دا، کهسهکی ژ بۆ وهرگرتنا وێ پۆستێ دیار بکن. شهرت ژی نینه ئهو کهسێ کو ژ بۆ وهرگرتنا پۆستا سهرۆککۆمار تێ دیاریکرن پارتی به ئان یهکیتی به، دبه ژ ئالیهک دن به ئان ژی بێئالی به. گرینگ ئهوه کو ل سهر وی کهسی لههڤهاتنا کوردی ههبه و نوونهراتیا گهلێ کوردستانێ بکه ژ بۆ وهرگرتنا پۆستا سهرۆککۆمارێ ئیراقێ.
مهسعود بارزانی
٢٠٢٥\١٢\٢٩
