نێچیرڤان بارزانی سەرۆکێ هەرێما کوردستانێ د پەیامەکێ دا هاتنا سەرسالا نوو ل هەموو کوردستانییان و مالباتێن شەهیندان پیرۆز دکە و هێڤی دکە کو سالا نوو ببە سالا بداویهاتنا قەیرانان.
نێچیرڤان بارزانی د پەیاما خوە دا دبێژە، وەرن دا ئهم هاتنا سالا نوو بکن دهرفهتهک ژ بۆ ڤهکرنا ڕووپهلهک نوو کو تێ دا ئهم ناکۆکیان دهینن ئالیهکی و بلا جانێ تهبایی، لێبۆرین و یهکرێزیێ د ناڤبهرا ههموو هێز و ئالیێن سیاسی و پێکهاتهیان دا سهردهست به.
سەرۆکێ هەرێما کوردستانێ ب هێڤی و گهشبینی ل پاشهرۆژێ دنێرە و هەموو ئالیان پشتراست دکە کو دێ ههموو ههولێن خوه بدە دا کو سالا ۲۰۲٦ێ ببه سالا بجهکرنا ئارامیێ و باشترکرنا ژیان و دهبارا وهلاتیان.
ئەڤ ل ژێر تەکستا پەیاما سەرۆک نێچیرڤان بارزانی:
هاتنا سالا نوو یا زایینی (۲۰۲٦)ێ، ب گهرمی ل کوردستانیێن هێژا ب ههموو پێکهاتهیان ڤە، ل مالباتێن سهربلند یێن شههیدان، پێشمهرگهیێن قههرهمان، هێزێن ئهولههیێ و تهڤایا گهلێن ئیراق و جیهانێ پیرۆز دکم. هێڤیدارم سالا نوو ببه سالا پێکهاتنا هێڤیان، بداویهاتنا کریزان و ڤهکرنا دهریێ خێر و خوهشیێ بە ژی بۆ ههموویان.
بلا ئهم هاتنا سالا نوو بکن دهرفهتهک ژ بۆ ڤهکرنا ڕووپهلهک نوو کو تێ دا ئهم ناکۆکیان دهینن ئالیهکی و بلا جانێ تهبایی، لێبۆرین و یهکرێزیێ د ناڤبهرا ههموو هێز و ئالیێن سیاسی و پێکهاتهیان دا سهردهست به. هێزا مه د ههڤقهبوولکرن، بههڤرهژیان و بههڤرهکارکرنێ دا یه کو ئهڤ یهک تهکانه گارانتیا پاراستنا دهستکهفتیێن مه و مسۆگهرکرنا مافێن مه یێن دهستووری یه.
ل سهر ئاستا ئیراقێ ژی ئهم هێڤیدارن سالا نوو ببه سالا چارهسهرکرنا بنگههین یا پرسگرێکان ل سهر بنگهها دهستوورێ و ههڤبهشیا ڕاستەقینه. ههرێما کوردستانێ وهکی ههر تم دەستپێشخەر و ئاماده یه ژ بۆ دیالۆگ و لهەڤتێگەهشتنێ. هەرێما کوردستانێ وهکی ههر تم دێ ببه فاکتۆرا ئارامی و تهناهیێ ل ناڤچهیێ و ب ههموو ئاوایهکی پشتهڤانیا ئاشتیێ دکه ل ههر دهرا جیهانێ به.
کوردستانیێن هێژا
بلا ئهم ب هێڤی و گهشبینی ل پاشهرۆژێ بنێرن. ئهم وه پشتراست دکن کو ئهم دێ ههموو ههولێن خوه بدن دا کو سالا ۲۰۲٦ێ ببه سالا بجهکرنا ئارامیێ و باشترکرنا ژیان و دهبارا وهلاتیان. باوهریا مه ب شیان و ئهنهرژیا جوانان و دلسۆزیا گهلێ کوردستانێ ههیه ژ بۆ ئاڤاکرنا پاشهرۆژهکا گهشتر.
سالا نوو ل ههموویان پیرۆز به. ههر شاد و سهرفراز بن.
نێچیرڤان بارزانی
سهرۆکێ ههرێما کوردستانێ
۲۰۲٥/۱۲/۳۱
