پهیامهک ژ سهرۆک بارزانی
ب ناڤێ خوهدایێ مهزن و دلۆڤان
گوههرتنێن سیاسی یێن ل سووریێ دهرفهتهکا باش بوو ژ بۆ ڤەدیتنا چارهسهریهکا گونجاو کو مافێن ڕهوا یێن گهلێ کورد ل سووریێ بێن بهرچاڤگرتن و ههموو پرسگرێک ژی بێن چارهسهرکرن. ژ بۆ ڤێ ئارمانجێ، مه ب ههموو ئالیان را گهلهک ههول دا کو دڤێ ههموو پرسگرێک و ناکۆکی ب ڕێیا دیالۆگێ و ب ئاوایهکی ئاشتیانه بێن چارهسهرکرن.
لێ بهلێ ئهڤ ڕهوشا مهترسیدار و شهر و توندووتووژیا کو نها ل باژارێ حهلهبێ ههیه، جهێ گهلهک دلگرانیێ یه و مهترسی ل سهر ژیانا خهلکێ سیڤیل و وهلاتیێن بێتاوان چێکریه و گهفا قرکرنا ئهتنیکی ل دژی کوردان ل وێ دهڤهرێ ههیه.
داخواز ژ دهستهلاتدارێن سووریێ دکم کو ناکۆکیێن سیاسی نهکن ناکۆکیێن نهتهوهیی و رێ نەهێت دان کو وهلاتیێن کورد ژ بهر ڤان کێشه و پرسگرێکێن ل ههرێما حهلهبێ هەنە، ڕاستی زهخت و توندووتووژیێ، دهرخستنا ژ جی و وارێن باڤ و کالێن خوه و قرکرنا ئهتنیکی بێن. ههروها داخوازێ ژ ئالیێن کوردی و ب تایبهتی (قسد) دکم کو چ ژ دهستێ وان بێ بکن ژ بۆ ڕاوهستاندنا شهر و پهڤچوونان و ڕێگرتنا ل خوینرژیا زێدهتر، و ههردو ئالی ژی ژ بۆ چارهسهرکرنا پرسگرێکان، کار ژ بۆ گرتنا ڕێیا دیالۆگ و گۆتووبێژان بکن. نابە ههبوونا ناکۆکیێن سیاسی ببه سهدهما وێ یهکێ کو ژیانا خهلکێ سیڤیل بکهڤه بن مهترسیێ و قرکرنا ئهتنیکی ل دژی گهلێ کورد ڕوو بده، ئهڤ تاوانهک ل دژی مرۆڤاهیێ یه و ئهنجامێن مهترسیدار دێ ژ وێ دهرکهڤن.
مهسعوود بارزانی
٧\١\٢٠٢٦
