تێ چاڤهرێکرن کو سبه، ب ناڤچتیا سهرۆکێ ههرێما کوردستانێ نێچیرڤان بارزانی، جڤینهک د ناڤبهرا فهرماندارێ گشتی یێ هێزێن سووریهیا دهمۆکراتیک (هسد) و نوونهرێ ئامهریکایێ یێ کار و بارێن سووریهیێ ل باژارێ ههولێرێ ب ڕێ ڤه دچه.
مالپهرا ئال-مۆنتۆر ئا ئامهریکایێ د نووچهیهکێ ده بهلاڤ کر، تێ پێشبینیکرن کو سبه نوونهرێ ئامهریکایێ یێ کاروو بارێن سووریهیێ تۆم باراجک ب فهرماندارێ گشتی یێ هێزێن سووریهیا دهمۆکراتیک (هسد) مهزلووم ئهبدی ل ههولێرێ بجڤه.
ل گۆری زانیاریێن وێ مالپهرێ، ئهڤ جڤین د چارچۆڤهیا ههولهکه ههڤاههنگکری یا ئامهریکایێ ده یه ب ئارمانجا ڕێلبهرگرتنا شهر و پهڤچوونێن بهرفرهه ئێن د ناڤبهرا هێزێن هکوومهتا سووریهیێ و هێزێن هسدیێ ده.
چاڤکانیێن ئاگاهدار ژ ئال-مۆنتۆرێ ڕه ڕاگهاندیه، سهرۆکێ ههرێما کوردستانێ نێچیرڤان بارزانی ڕۆلهکه سهرهکه د ڕێکخستنا ڤێ ههڤدیتنا چاڤهرێکری ده ههیه.
د داویا ڕاپۆرێ ده ئاماژه ب وێ یهکێ هاتیه کرن، ههر چقاس نووچه هاتبه بهلاڤکرن ژی لێ بهردهڤکێ ئۆفیسا تۆم باراجک ئاماده نهبوویه ت داخویانیهکێ دهربارێ بهرنامهیا کار و سهردانێن نوونهرێ ئامهریکایێ ده بده.
