ل ڕۆژاڤایێ کوردستانێ ئیرۆ کهتیە د ناوهندا ڕۆژهڤا جیهانێ و یا کوردان ب خوه دا ژی. ئهگهر ئانالیزهک باش نهیێ کرن و ڕاستیێن ههیین دهرنهکهڤن هۆلێ، دێ مرۆڤ نکاربه نرخاندنهک ڕاستهقێنە بکه.
سهرۆکێ پەکەکێ ئەبدوڵا ئۆجەلان د ههڤدیتانێن ل ئیمرالیێ دا گهلهک ڤهکری داخواز کر کو، بلا هێزێن سووریەیا دەمۆکرات، هەسەدە، ئهنتهگرهیێ دهستهلاتا شامێ ببه و شام چ بخوازێ بلا وێ بکه. ههروهها پێدڤیە نەهێتە ژ بیر کرن کو، ئۆجەلان د ههڤدیتنهکا یا خوه دا ڤهکری گۆتبوو: ”هەسەدە ژ ئالیێ ئامهرکایێ ڤه هاتیه دامهزراندن و وهک حهشدا شهعبی یا ئیسرالێ یه.
ژ ئالیهک دن ههرکهس دزانە کو،سهرۆک بارزانی د ڕۆژا ئهول دا ههولدا کو یهکتیهکێ د ناڤا کوردێن ڕۆژاڤایێ کوردستانێ دا ئاڤا بکه، دا کو ئهو بکاربن ببن خوهدی ستاتوویهکی و مافێن خوه یێن ڕهوا دهستڤه بینن. پهیمانا ههولێر ۱، ههولێر ۲ و ههری داوی ژی پهیمانا دهۆکێ د چاڤدهریا سهرۆک بارزانی دا هاتنه ئیمزاکرن. لێ پەکەکێ ئیمزاکرنا ڤان ههرسێ پهیمانا وهک تهکتیک ب کارانین پێنەک لێ دا و هلوهشاندن.
دهستهلاتا پەکەکێ ل ڕۆژاڤایێ کوردستانێ و ل هندهک دهڤهرێن سووریەیێ، ئەندامێن پارتی و ئالیێن دن یێن کوردان ئێشاندن، ئهندامێن وان گرتن هندهک کوشتن هندهک کرن زیندانان دا کو، ههتا وهک ڤێ گاڤێ ژی چارهنووسێ وان نه دیاره. ب دههان جاران ئۆفیسێن ئهنەکەسێ/پەدەکێ شهوتاندن، ڕێ نهددان خوهپێشاندانهک ژ دهرێ وان بێ کرن، گهلهک جارا ئالا کوردستانێ شهوتاندن و ل ههرێما خوه دا قهدهخهکرن. کۆمهک جوان د بن ناڤێ ”جوانێن شۆرهشگهر” دا کۆم کرن وان ل سهر کوردان تهرۆر ب کار دانینا.
فهرماندارێ هەسەدێ ب خوه نه خوهدیێ وێ کهسایهتتێ بوو کو، ل سهر گۆتنا خوه راوەستە و خوەدی بریار بە. کهسایهتیهک زهعیف ههبوو، ل گۆر سیاسهت و فهرمانا قهندیل تهڤدگهریا و ههموو بهرژهوهندیێن کوردان بهرتهرەف دکرن. ژ بۆ پێشمهرگهیێن ڕۆژ نهچن ڕۆژاڤایێ کوردستانێ ههرتشت دکرن و چو جارا نهخوهستن هەبوونا پێشمهرگهیێن ڕۆژ قهبوول بکن. پشتی دهمهکی کۆنگرهیهکا یهکتیێ هاته ل دارخستن، لێ چو جارا ژ بلی ههڤالێن خوه ڕێ نهدان ئهنەکەسە د ههڤدیتنان دا ئاماده ببه. ههتا وهک گاڤا داوی ههر وهک خوه کرن و ژ بۆ بهرژهوهندی و دهستکهفتیێن نهتهوی گاڤهک نهئاڤێتن.
ئهڤ سیاسهتا نه کوردهواری و فهرمانێن قهندیل ئیرۆ ڕۆژا کوردا بهرب کاراسهتهکی ڤه دبه.
ڕهوشا کو ئیرۆ هەسەدە/پەکەکە کهتیێ، ئهنجاما سیاسهتا پەکەکێ یا چهوت و نه کوردهواریه.
لێ جاردن ژی دهستهلاتا باشوورێ کوردستانێ، سهرۆک بارزانی و سهرۆکێ ههرێما کوردستانێ و سەرۆکوەزیرێ کوردستانێ ههموو ئیمکانێن خوه بکارانین دا کو کوردێن ڕۆژاڤایێ کوردستانێ ژ مالوێرانیهک دن خلاس بکن. ههموو ههول و پەیوهندیێن دپلۆماتیک یێن بارزانیان جاردن بوو سهدهمهک کو، کورد ب تهمامی ژ جهو وارێن خوه کۆچبهر نهبن و ڕاستی کۆمکوژییەک دن نەبن.
نه حهوجهیه مرۆڤ هوورگلی بکهڤه د ناڤا بوویهران دا. ژ بهر کو ههلوهست و سیاسهتا پەکەکێ و ههڤالبهندێن وان یێن باشوور ئهو ب زانهبوون و چاڤسۆری بهرب فهلاکهتێڤه دبران.
بێ گومان پێدڤیە چو جارا مرۆڤ ب چاڤێن پەکەکێ ل ڕۆژاڤایێ کوردستانێ تەماشە نەکە. گهرهکە ههموو ههولدان ژ بۆ پاراستنا ڕۆژاڤایێ کوردستانێ بێن کرن. ههر ههولدان ژ بۆ دهستخستنا مافێن کوردان و پاراستنا ههیینا کوردان ل ڕۆژاڤا به. گهرهکە ئالیێن سیاسی تایبهتی یێن ڕۆژاڤایێ کوردستانێ نههێلن پەکەکە ب پرۆپاگاندهیێن خوه یێن قرێژ تەمەنێ خوه ل ڕۆژاڤا درێژ بکه. پەکەکە و ههر دهزگه یان ژی ڕێخستنا ب وێڤه گرێدایی د نهزدێ کوردان و کوردستانیان دا هلوهشانه.
ئیرۆ دلێ ههموو کوردان ژ بۆ ڕۆژاڤێ کوردستانێ لێ دده. لێ باوهرکن هێژا پەکەکە ل دووڤ بهرژهوهندیێن کهسایهتی و پرۆپاگەندهیهک ڤالهنه.
نێرین/شرۆڤه
2026-01-24
