سهرۆکێ گشتی یێ مەهەپێ دهڤلهت باخچهلی ڕاگەهاند کو ڕێبهرێ پەکەکێ ئەبدولا ئۆجەلان بهڕکهک ب تایبهتی ژ بۆ وی دایه چێکرن و دیاری وی کریه.
سهرۆکێ گشتی یێ مەهەپێ دهڤلهت باخچهلی ل گهل وهرگرتنا دیاریێ ژ ئۆجەلان، د ههمان دهمێ دا گهف ل ڕۆژاڤایێ کوردستانێ خوارن و گۆت، “دڤێ هەسەدە و یەپەگە ب تهمامی ژ سووریهیێ بێن قهوتاندن و دهرخستن.”
دهڤلهت باخچهلی، د بهرنامهیهکێ تهلهڤیزیۆنا تی ڤی ۱۰۰ێ دا دهربارێ بوویەرێن داوی یێن ل ترکیهیێ و ههرێمێ دا ئاشکهره کر کو ۱۲ێ کانوونا پاشین ئا ۲۰۲٥ئان، شاندهیا دهم پارتییێ د سهردانا خوه دا بهڕکهک کو ڕێبهرێ پەکەکێ ئەبدولا ئۆجەلان ل ڕحایێ ب تایبهتی ژ بو وی دابوو چێکرن، وهک دیاری پێشکێشی وی کر و وی گۆت کو وی ئهڤ دیاری ب کێفخوهشی قهبوول کریه و گۆت: ئەز سپاسیا بیرووباوەریێن ئۆجەلان یێن د دهربارێ یهکیتیا ترک و کوردان دا دکم .
دهڤلهت باخچهلی گۆت: ئهز ناڤێ ڤێ بهڕکێ دکم بهرکا ئاشتی و دهمۆکراسیێ یا ۲۷ێ سباتا ۲۰۲٥ئان
