ڕۆژاڤایێ کوردستانێ د بن گهفا ڕژێما شامێ و ئۆجەلان دا یه. ههتا ئهڤ ڕاستی نەهێتە دیتن و چهکدارێن پەکەکێ ل ڕۆژاڤایێ کوردستانێ فۆرما خوه یا چهکداریێ نهگوههرن و چهوه ل دژێ ڕژێما شامێ دسهکنن ههمان توندیێ ل دژێ ئۆجەلان نهدن نیشاندان دێ گاڤێن ڕاست نههێن ئاڤێتن.
ههتا ئارما هەسەدێ یا بهرێ و ئالایێن پەکەکێ ل سهر ملێ وان بن، ئهو نه چهکدارێن کوردستانێ نه ، چهکدارێن پەکەکێ نه. پێدڤیە گاڤا ئهول کوردستانیا خوه ل سهر سیاسهتهک خهتا نهتهوی ڕاگەهینن. ئارمێن ل سهر ملێن خوه ڕاکن و ئالا کوردستانێ دهینن، بانگی برایێن خوه! پێشمهرگهیێن ڕۆژ بکن و ژ نوو ڤه دکارن بهحسا یهکتیا کوردان بکن و هاوارا خوه بگەهینن کوردستانیان.
ئیرۆ ل ههر چار بهشێن کوردستانێ خهلکێ کورد پشتگریا ڕۆژاڤایێ کوردستانێ دکه، ئهڤ نایێ واتهیا پشتگریا پەکەکێ یان ژی سیاسهتا دیلگرتی یا پەکەکێ دکن. بهرێ خوه بدەنێ ل ئهورۆپا کورد ڕابوونه ل سهر پیا، باشوور ب ههموو داموودهزگههێن خوه ڕابوونه ل سهر پیان و سیاسی، جڤاکی ب ههموو ئاوایی پشتگریا ڕۆژاڤایێ کوردستانێ دکن.
مخابن ل باکور ههمان حهساسیهت ژ ئالیێ دهم پارتییێ ڤه ناهێت دیتن. گوه نهدن داخوویانیێن ددن. ههتا وهک ڤێ گاڤێ چالاکیێن ژ بۆ ئازادیا ئۆجەلان ژ وان را ژ پشتگریا ڕۆژاڤایێ کوردستانێ گرینگتره.
سیاسی و ئهخلاقی چو پەیوهندیا سیاسهتا پەکەکەیا ب بریارا ئۆجەلان هاتی هلوهشاندن ب کوردستانێ را نهمایه. ژ بۆ ڤێ گهرهک کورد ب هشیاری پشتگریا ڕۆژاڤایێ کوردستانێ بکن. گهرهک ههولدان ب ههموو ئاوایی ههبن کو، شهرهک ڤاله چێنهبه، دا جاردن سهدێ ههزاران کورد کۆچبهر نهبن، دا ب ههزاران کورد نهیێن قهتل کرن. مادهم ئهنجام کفشه ئهڤ قر قرا تێ کرن ژ ئالیێ چهکدارێن پەکەکێ ڤه چیه؟ هەسەدە فۆنکسیۆنا خوه وندا کر، سیاسهتا “براتیا گهلهن” ل سووریه و ڕۆژاڤایێ کوردستانێ ئیفلاس کر. نها ژ چهکدارێن پەکەکێ پێڤه کهسهک د ناڤ هەسەدێ دا نهمان..عهرهبان بهرێ خوه دان شامێ…
پێدڤیە، وهکە کو ب دههان جاران هاتی گۆتن، ب ههموو ئاوایی پشتگریا ڕۆژاڤایێ کوردستانێ بهێتە کرن، لێ ئهڤ پشتگری نه د کهسایهتا پەککەێ دا بێ کرن و نهبه هاریکاریەک ژ سیاسهتا وان یا قرێژ را.. مهسهله ههموو ئهڤەیە..
دهما ئهم بێژن ههر تشت ژ بۆ ڕۆژاڤایێ کوردستانێ، گهرهک ئهوێن کو ڕۆژاڤا کرین د ڤێ ڕهوشێ دا ژی بێنه ڕهجماندن…
٢٠٢٦\١\٢٧
نێرین/شرۆڤه
