دهرکهت هۆلێ کو ههولدانێن دیپلۆماتیک ئێن دژوار ئێن فرانسایێ و دیپلۆماسیا پرئالی یا کو ژ هێلا سهرۆکێ ههرێما کوردستانێ نێچیرڤان بارزانیێ ڤه هاتی مهشاندن، د ڕێکهفتنا د ناڤبهرا ڕێڤهبهریا شامێ و هێزێن سووریهیێا دهمۆکراتیک (هسد) دا ڕۆلهکا گرنگ لیستنه. ل گۆری چاڤکانیێن دیپلۆماتیک، ههر چهند ئامریکایێ د پێڤاژۆیێ دا بێتر ل سهر مژارێن ئهولههیێ مژوول بوو ژی، فرانسایێ تەکەز کریه کو مافێن سیاسی و چاندی د تئکستا ڕێکهفتنێ دا جهبگرن.
ل گۆری ڕاپۆرێن ناڤنهتهوهیی و ئاگاهیێن ژ چاڤکانێن دهردۆرێن دیپلۆماتیک، پاریسێ ژ واشینگتۆنێ د گارانتیکرنا نوئنەراتییا سیاسی و مافێن چاندی یێن ئالیێ کورد دا ههلوهستهک چالاکتر هەبوو. د ڤێ چارچۆڤهیێ دا، تێ گۆتن کو تێکلیێن د ناڤبهرا سهرۆکێ فرانسایێ ئهمانوئل ماکرۆن و نئچیرڤان بارزانیێ دا د پێڤاژۆیا دانووستاندنان دا ب باندۆر بوون.
ل گۆری ئەل-مۆنیتۆر و چاڤکانیێن دیپلۆماتیک، د دهما دانووستاندنان دا دابهشکرنهک نهفهرمی یا کاری د ناڤبهرا ئامریکایێ و فرانسایێ دا دهرکهتیه هۆلێ.
ئالیێ ئامهریکی بال کشاند سهر خورتکرنا پۆزیسیۆنا سهرۆکاتیێ یا ئهحمهد شەرع، کۆنترۆلکرنا گرتیگههێن داعشێ و پرسگرێکێن ئهولههیێ، ب تایبهتی کامپا هۆل.
ژ ئالیێ دن ڤه، فرانسایێ چارچۆڤهیا سیاسی یا پهیمانێ دارشت، ب دهستپێشخهریێن پاریسێ مژارێن وهکی مافێن سڤیل ئێن کوردان، ناسکرنا زمانێ کوردی وهکی زمانێ پهروهردهیێ، دهستهلاتێن حکومهتێن ههرێمی و نوئنەرتییا کوردان د حکومهتا ناڤهندی دا هاتن ئانین سهر ماسهیا دانووستاندنان.
د ئهنجاما زهختا دیپلۆماتیک دا، گهلهک بهندێن کو د رەشنڤیسئن دهستپێکێ یێن پهیمانێ دا نههاتبوون زێدهکرن. ل گۆری ڤێ یهکێ:
زمانێ کوردی دێ وهکی زمانێ نهتهوهیی یێ پهروهردهیێ د دبستانان دا وهره ناسکرن. • مافێن سڤیل دێ ب دهستووری وهرن گارانتیکرن. • نوونهرێن کورد دێ ل پارێزگههێن وهکی حهسهکێ ژ بۆ پۆستێن بلند ئێن بورۆکراتیک، د ناڤ دا پارێزگار ژی، وهرن دامەزراندن. • ل سهر مسۆگهرکرنا نوئنەراییا کوردان د ئاستا وهزیران دا ل شامێ لههڤکرنهک هات کرن. • نوونهرێن کورد دێ د کۆمیسیۆنا کو دێ دهستوورا نوو بنڤیسه دا هەبن.
تێکلیێن بارزانی د قۆناخێن کو دانووستاندن ڕاوهستیا بوون، ئارستەیا پێڤاژۆیێ گوههراند. هاته گۆتن کو نێچیرڤان بارزانی ب ماکرۆن و فهرماندارێ گشتی یێ هسدێ مەزلوم ئهبدی را د تێکلیێ دا بوو، ڤئ یهکئ ژی ناکۆکیێن د ناڤبهرا ئالیان دا نهرم کرن.
ههر وها هات گۆتن کو نێچرڤان بارزانی ب سهناتۆرێ ب باندۆر فرانکلن گراهام را ل ئامهریکایێ تێکلی دانی و ئهڤ تێکلی ههلوهستا قهسرا سپی یا ل سهر پاراستنا کوردان زهلال کر. پشتی هشیاریێن گراهام، سهرۆکێ ئامهریکایێ دۆنالد ترەمپ پهیامهک “بریاردار” دا و گهفێن ئۆپهراسیۆنی یێن ل دژی کوردان ئاستهنگ کر.
ڕۆژنامهیا فرانسی، له مۆنده، د ئانالیزا خوه دا نڤیساند کو ئاشتیا کو پشتی سێ ههفتهیان شهر پێک هات نه تهسادوفی بوو. ڕۆژنامهیێ تهکهز کر کو ب سایا “ناڤبهینکاریا پلهیا یهکهم” ئا نێچیرڤان بارزانی ب ههڤرێزیا ب ئامریکا و فرانسایێ را، ئالی ژ بهر شهر هاتن ڕزگارکرن.
