ئەڤڕۆ سپێدێ (٢٤\٣\٢٠٢٦) هێزێن پێشمەرگەی ل سنوورێ دەڤەرا سۆرانێ بوونە ئارمانجا هێرشەکا مووشەکی یا ئیرانێ. د ئەنجاما ڤێ هێرشێ دا، ٦ پێشمەرگە شەهید بوون و ٣٠ یێن دی ژی بریندار بوون
پهیاما سهرۆک بارزانی
ب ناڤێ خوهدایێ مهزن و دلۆڤان
ئهز ئێریشا مووشهکی یا ئیرانێ یا ئیرۆ سبێ (٢٤/٣/٢٠٢٦) ل سهر بارهگهها هێزێن پێشمهرگهیێن کوردستانێ ب توندی شهرمهزار دکم. گەلەك مخابن، د ئهنجامێ دا هژمارەک ژ پێشمهرگهیێن قههرهمان شههید بوون و هژمارەكا دن ژی بریندار بوون. ئهز سهرساخیێ ژ مالباتێن شههیدێن ڤێ ئێریشا نهحهق را دخوازم و خوە بەشدارێ خەما وان دزانم، و ژ برینداران را باشبوونهکا بلهز دخوازم.
ئەو ئێریش دژمنانه و نهحهقه و چو بەهانە ژ بۆ وێ نینن. ئهڤە گەلەك جارە کو ئێریشێن ب ڤی ڕهنگی ل دژی ههرێما کوردستانێ بێیی بهرچاڤگرتنا پرهنسیبێن جیرانتیێ و یاسایێن ناڤنهتهوهیی تێنه کرن. ئەڤ ئێرشە د رەوشەكێ دانە كو ههرێما کوردستانێ نه بهشهکە ژ ڤی شهرێ نها ل ههرێمێ هەیە و قهت ژ بۆ جیرانێن خوه نهبوویه گهف.
پێشمهرگه سهروهتا ههری دهلال و هێژا یا گهلێ مه یه.
مهسعود بارزانی
۲٤ێ ئادارێ،٢٠٢٦
