نێچیرڤان بارزانی، سەرۆکێ هەرێما کوردستانێ، د پەیامەکێ دا خەمگینیا خوە بۆ کۆچا دوایی یا مەهدی زانا، سیاسەتمەدارێ دیارێ کورد دەربڕی و سەرەخوەشی ل خاتوو لەیلا زانا و مالباتا وان کرن.
نێچیرڤان بارزانی د پەیامەکێ دا ل سەر هەژمارا خوە یا فەرمی ل تۆڕا جڤاکی یا “ئێکس” سەرەخوەشی و خەمگینیا خوە یا كوور بۆ کۆچا دوایی یا تێکۆشەر و سیاسەتمەدارێ دیارێ کورد، خوالێخۆشبوو مەهدی زانا، ئاڕاستەی خاتوو لەیلا زانا و تەڤایا ئەندامێن مالبات و کەسۆکار و هەڤالێن وی کرن.
سەرۆکێ هەرێما کوردستانێ د پەیاما خوە دا ئاماژە ب وێ یەكێ كر كو مەهدی زانا ئێێک بوو ژ کەسایەتییێن دیارێن کاروانێ خەباتا سیاسی یا کوردی ل ترکیا. نێچیرڤان بارزانی تەکەیید ل سەر هندێ کر کە رەحمەتی سالێن درێژ ژ تەمەنێ خوە بۆ پاراستنا مافێن گەلێ کورد تەرخان کربوو و د ڤێ ڕێکێ دا قوربانیەکا مەزن دایە.
د دوماهیا پەیاما خوە دا، سەرۆکێ هەرێما کوردستانێ خوە ب هەڤپشکێ خەمێن مالباتێ و هەڤالێن کۆچکردووی زانی و ژ خودایێ مەزن خواست گیانێ خوالێخۆشبووی ب دلۆڤانی و میهرەبانیا خوە شاد بکەت و سەبر و هەدارێ ب هەموو ئالییان بدەت
