پەیاما پیرۆزباهیێ ب هەلکەفتا یەکگرتنا هێزێن پێشمەرگەیێ کوردستانێ
ئەڤرۆ ڕۆژەکا دیرۆكی و تژی شانازییە د دیرۆکا بەرخوەدانا گەلێ مە دا. یەکگرتنا هێزێن پێشمەرگەیێ کوردستانێ و دامەزراندنا هێزا پێشمەرگەیێ نیشتمانی، خەونا دیرۆکی یا هەموو کوردستانیان بوو و كوردستانێ بەرەڤ پاشەرۆژەکا ب هێزتر و ئارامتر دبەت.
ڤێ پێنگاڤا مەزن، نەک ب تنێ هیڤی و گەشبینی د دلێ هەموو وەلاتپارێز و كوردپەروەران دا چاند، لێ دلگەرمی و هیڤیا مە هەموویان یان بۆ پاشەرۆژێ زێدەتر و گەشتر کر. پێشمەرگە د هەموو رەوش و دەم و قۆناغان دا بڕبڕەیا پشتێ یا ئارامی و پاراستنا ئاخ و کەرامەتا كوردستانیان و کوردستانێ بوویە.
ب ڤێ هەلکەفتا بەرز و پیرۆز، گەرمترین پیرۆزباهییان ئاراستەی تەڤایا گەلێ کوردستانێ، سەرکردایەتییا سیاسی و ب تایبەتی ژی پێشمەرگێن قارەمان و مالباتێن سەربلندێن شەهیدان دکەین.
پێشمەرگە هێزا مەیا نیشتمانی یە،بەرەڤ سەرکەفتن و ئاڤادانییا بەردەوام.
ئالایا كوردستانێ دێ هەر بەرز و بلند ل سەر ئاخا كوردستانێ بهەژیت
