پەیاما سەرۆك نێچیرڤان بارزانی
نێچیرڤان بارزانی سەرۆكێ ھەرێما كوردستانێ د پەیامەكێ دا جەژنا ژدایكبوونا حەزرەتێ مەسیح كریسمسێ ل خووشك و برایێن كریستیان پیرۆز دكە و دبێژە:
ئەز، جەژنا ژدایكبوونا حەزرەتێ مەسیح كریسمسێ ل خووشك و برایێن كریستیان ل ھەرێما كوردستانێ، عیراق و ل ھەموو وان یێن ل ھەر دەرا جیھانێ ڤێ جەژنێ پیرۆز دكن، ب گەرمی پیرۆز دكەم. ئەز، ژ بۆ وان جەژن و بھێنڤەدانەكا خوەش و ئارام دخوازم و ئەز ھێڤیدارم ئەڤ جەژنە خێر،خوەشی، ئارامی و ئاشتیێ ژ بۆ ھەموویان ب خوە را بینە.
د ڤێ مناسبەتا پیرۆز دا، ئەم تەكید دكن كو ھەرێما كوردستانێ، وەكە ھەرتم، دێ ھشارا پێكڤەژیان، لێبورینێ، تەبایی و ئاشتیێ ژ بۆ ھەموو پێكھاتەیان بمینە ئو ژ بۆنا ئاشتی، ئارامی و تەناھیا دەڤەرێ ل سەر خەباتێن خوە بەردەوام دبە.
كریستیان ل ھەرێما كوردستانێ خوەدی و پێكھاتەیەكا رەسەن یا وەلاتن كو ھەرتم ب ھەڤ را دگەل پێكھاتەیێن دن ب لێبوردەیی، تەبایی و ب ئاشتی ژیانە و د پاراستن و بنیاتدانان و پێشخستنا ھەرێما كوردستانێ دا رۆل ھەیە. جەژن و یاد و مناسبەتێن وان یێن ھەموو پێكھاتەیێن كوردستنێ نە، جەژن ل ھەموویان پیرۆز بە.
نێچیرڤان بارزانی
سەرۆكێ ھەرێما كوردستانێ
2019.12.24
