جێفری: رۆلا بارزانی د پێكانینا یەكێتیا كوردان دا گرنگە
وونه‌رێ تایبه‌تی یێ ئەمریکایێ ژ بۆ کارووبارێن سووریێ جێمس جێفری و شانده‌کا ئەنجومەنا نشتماتن یا كورد ل سوریێ (ئه‌نەکسە) ل سته‌نبۆلێ جڤیان و د جڤینێ دا جێفری ته‌که‌ز کری یه، کو دڤێ ئه‌نەکەسە د گه‌ل ھێزێن سووریا دەمۆكارتیك (هەسەدە) یه‌کرێزیا کوردان بپارێزن و د ناڤا ئۆپۆزیسیۆنا سووریێ ده ژی بمینه.
به‌ری کو ب جێفری را بجڤه، ئه‌نەکەسێ جڤینه‌کا به‌رفره ب ئیتیلافا سووریێ را پێک ئانی، د جڤینێ دا ئه‌نجومه‌نا کوردی ب به‌لگه به‌حسا کریارێن گرووپێن چه‌کدار ل سه‌رێ کانیێ و گرێسپی کر و خوه‌ست ئه‌و کریار راوه‌ستن و کۆمیته‌یه‌کا تایبه‌ت یا لێکۆلینان ژی هاته ئاڤاکرن. هه‌روه‌ها ئه‌نەکسێ، هه‌م د جڤینا ب جێفری و هه‌م ژی ب ئیتیلافێ را، ته‌که‌ز کریه، کو ئه‌و هیچ گوهه‌رتنا ده‌مۆگرافیا رۆژاڤایێ کوردستانێ قه‌بول ناکن.
ئه‌ندامێ ده‌سته‌یا سه‌رۆکایه‌تیا ئه‌نەکەسێ، سلێمان ئۆسۆ ل دۆر وێ جڤینێ دبێژە كو د جڤینێ دا نوونه‌رێ تایبه‌تی یێ ئەمریکایێ ژ بۆ کارووبارێن سووریێ جێمس جێفری ته‌که‌ز کریه، کو پێویسته یه‌کێتیا کوردان ل رۆژاڤایێ کوردستانێ پاراستی به و ئه‌نەکەسە ژی د ناڤا ئۆپۆزیسیۆنا سووریێ دا بمینه و د گه‌ل ئیتیلافێ ژی ل هه‌ڤ کرنه، گرووپێن چه‌کدار بنپێکرنێن خوه راوه‌ستینن و کۆمیته‌یه‌کا لێکۆلینێ ژی تێ ئاڤاکرن.
ئه‌نەکەسە ته‌که‌ز کریه، کو ئەو ب چ ئاوایه‌کی گوهه‌رتنا ده‌مۆگرافی قه‌بول ناکن.
ده‌ربارێ جڤینێ دا سلێمان ئۆسۆ وها گۆت: “جڤین ل سه‌ر داخوازا نوونه‌رێ تایبه‌تی یێ ئەمریکایێ بۆ کارووبارێن سووریێ جێمس جێفری چێبوو. ئه‌ڤ جڤین سه‌رکه‌ڤتی بوو و تێدا گه‌له‌ک خال هاتن گۆتووبێژکرن وه‌که؛ داهاتوویا سووریێ، هه‌ڤدیتنێن جنێڤ، هه‌لوه‌ستا سووریێ و ئیتلافا سووری و ڤه‌گه‌راندنا په‌نابه‌ران.”
سلێمان ئۆسۆ دیار کر کو جێفری یه‌کرێزیا کوردان خوه‌ستیه : “جێفری ل سه‌ر هه‌ڤپه‌یمانیا کوردی و کوردی ژی گۆت کو رۆلا سه‌رۆک بارزانی د یەکرێزیا کوردان هه‌یه و هه‌روها گۆت کو دڤێ په‌یوه‌ندیێن و هەسەدێ د گه‌ل هه‌رێما کوردستانێ باش بن.”
ئه‌نەکەسە ژی ئاماده یه و دبێژه، ئه‌و ل به‌ندا گاڤێن چێکرنا باوه‌ریێ نه و ئه‌و دخوازن یه‌کرێزیا كوردا چێ ببە
