نێچیرڤان بارزانی: گۆتارا حه‌سه‌ن نه‌سروڵا ژ ئه‌خلاقێ سیاسی دوور بوو

سه‌رۆکێ هه‌رێما کوردستانێ نێچیرڤان بارزانی ده‌ربارێ گۆتنێن ئه‌میندارێ گشتی یێ حزبوڵاها لوبنانێ، حه‌سه‌ن نه‌سروڵا په‌یامه‌ک به‌لاڤ کر و تێ دا دبێژە کو جهێ مخابنیێ یه‌ کو که‌سه‌ک وه‌که‌ نه‌سروڵا بێیی به‌رچاڤگرتنا ڕۆلا دیرۆکی یا سه‌رۆک مه‌سعوود بارزانی، هه‌ستێن گه‌لێ کوردستانێ بریندار بکه‌.

نێچیرڤان بارزانی د په‌یاما خوه‌ ده‌ دبێژه‌: “حه‌سه‌ن نه‌سروڵا د گۆتاره‌کێ دا، دوور ژ شێواز و ئه‌خلاقێ سیاسی، ب شێوه‌یه‌کی نه‌هێژا ده‌رحه‌ق سه‌رۆک مه‌سعوود بارزانی، قوربانیدان و قه‌هره‌مانیا پێشمه‌رگه‌ دا د ئاخڤیه‌. جهێ مخابنیێ یه‌ کو که‌سه‌ک وه‌که‌ حه‌سه‌ن نه‌سروڵا بێیی به‌رچاڤگرتنا ڕۆلا دیرۆکی یا سه‌رۆک بارزانی د ڕووبرووبوونا ڕژیمێن دیکتاتۆر و ڕۆلا مه‌یدانی یا وی یا تێشکاندنا داعشێ دا، ب ڤی شێوازێ هه‌ستێن گه‌لێ کوردستانێ بریندار بکه‌.”

سه‌رۆکێ هه‌رێما کوردستانێ هه‌روها ده‌ستنیشان کر کو پێشمه‌رگه‌یێ كوردستانێ د بن سەرۆكاتیا سەرۆك بارزانی ڕۆله‌کا ب باندۆر هه‌بوو ژ بۆ بداویئانینا زۆلمێ و تێشکاندنا داعشێ.

نێچیرڤان بارزانی د به‌شه‌ک دن یا په‌یاما خوه‌ دیار کر کو ڕه‌وشا ناڤچه‌یێ وێ یه‌کێ دخوازه‌ کو هه‌موو ئالی کار ژ بۆ ئارامکرن و ڤه‌گه‌راندنا سه‌قامگیریێ وێ بکن.

نێچیرڤان بارزانی دبێژه‌ كو گه‌لێ کوردستانێ چ جاران ئالیکاریا دۆستان ژ بیر نه‌کریه‌ و سپاسیا دۆستێن خوه‌ ژی، یێن کو د شه‌رێ داشێ دا بوونه‌ ئالیکار، کریه‌، .