چما پەكەكە ئێرشی پارتیێ دكە
د ڤێ قۆناغا کو جیهان تێرا ده‌رباس دبه، دێ گه‌له‌ک گوهه‌رتنێن بنگه‌هین ل گه‌ل خوه په‌یدا بکه. ده‌ما ده‌رکه‌تن و به‌لاڤبوونا ڤیروسا کۆرۆنایێ و هه‌روه‌ها باندۆرا ل سه‌ر وه‌لاتان کری، گه‌له‌ک دیتن د ده‌ربارێ هنده‌ک وه‌لاتان دا هاتن گوهه‌رتن. ئێدی جیهان به‌هسا پێڤاژۆیا پشتی چاره‌سه‌ریا کۆرۆنایێ دکه.
مخابن وه‌ک ب ته‌ڤاهی کوردا چقاس سوود ژ ڤێ پێڤاژۆیێ وه‌رگرتن جهێ گۆتوبێژێ یه. ده‌ما وه‌ک حکومه‌ت و ده‌ستهلات مرۆڤ ل ڕه‌وش و هه‌لوه‌ستا ده‌ستهلاتا کوردستانا باشوور دنێره ڕاستیێ دا وه‌ک وه‌لاته‌ک مۆده‌رن ل هەمبه‌ر به‌لاڤبوونا ڤیرووسا کۆرۆنایێ ته‌دبیر ستاندن و کارین گه‌له‌ک باش ڤێ ته‌نگاڤیێ دا ئیراده‌یه‌ک باش بدن پێش و ژ بۆ ڤێ پێڤاژۆیێ ده‌رباس بکن تێشتێن هێژا کرن.
د ڤێ ده‌ما کو ڕۆژه‌ڤ ل جیهانێ و کوردستانێ ژی شه‌رێ ل دژێ ڤیروسا کۆرۆنایێ یه، هنده‌ک ئالیێن سیاسی هێشتا ل دووڤ ڤێ یه‌کێنه کو، سیاسه‌تا خوه یا قرێژ سه‌ربێخن و ناکۆکیان ل باشوورێ کوردستانێ زێ ده بکن. د مه‌دیا پارتیا كاركەرێن كوردستانێ (پەکەکە) دا جاردن ئێریشێ پارتیا دەمۆكراتا كوردستانێ (پەدەکە) دکن، ل دژی پەدەکێ نڤیسا به‌لاڤ دکن و بێبه‌ختیا ل کریارێن پەدەکێ دکن. هه‌ول ددن ناکۆکیان د ناڤا پەدەکێ و یەكێتیا نشتمانیا كوردستانێ (یەنەکە) دا گه‌ش بکن. ژ به‌ر کو ژیانا وان ڤێ یه‌کێڤه گرێدایی یه.
ئاقلمه‌ندێن پەکەکێ د پرسا مه‌خموور، شنگال و قه‌ندیلێ دا نووچەیێن نەراست و بیبەختیێ ل پەدەکێ دکن. لێ ده‌ما ڤان بێبەختیان دکن و پەدەکێ ب هنده‌ک تشتێن خراب ئیتهام دکن و ده‌روا دکن، ڕاستیا خوه نابینن. گه‌له‌ک ئالیێن کو د بنگه‌هێ خوه دا ل دژی پەدەکێ نه و ل دژی خه‌تا نه‌ته‌وەینە د بن دا پشتگریا ڤێ سیاسه‌تا دژمناهی یا پەکەکێ دکن. ئه‌و گه‌له‌ک دخوازن پەکەکە ئێریشێ پەدەکێ بکه.
پەکەکە ژ بۆ سیاسه‌تا پەدەکێ ل شنگال، مه‌خموور و قه‌ندیلێ ڕه‌خنەە دکه، ژ ڕه‌خنا وێده پەدەکێ تاوانبار دکه.
گه‌له‌ک ب كورتی؛ ل شنگالێ پەکەکێ د گه‌ل حه‌شدا شه‌عبی هه‌ڤکاری کر و هه‌ڤالبه‌ندیا حكومەتا عیراقێ کرن شه‌رێ پێشمه‌رگه کر. هه‌تا ڤێ گاڤێ ژی د گه‌ل حه‌شدا شه‌عبی هه‌ڤکارن و مه‌هانه معاشێن خوه ژ حکومه‌تا عیراقێ دگرن. هه‌ر کورده‌ک ب سیاسه‌تێ ڤه مژووله ڤێ یه‌کێ دزانه، لێ بێ ده‌نگ دمینن.
مه‌خموور وه‌ک قه‌ندیلا دویه‌مه، پرانیا کار و خه‌باتێن پەکەکێ ل مه‌خموور دھێنه بڕێڤه برن. لێ مه‌خموور ژی وه‌ک شنگالێ ب حکومه‌تا به‌غدایێ ڤه گردایییه. حکومه‌تا کوردستانێ ژ بۆ ژیانا نشته‌جیێن کامپا مه‌خموور باش بکه گه‌له‌ک تشت کرن. لێ وان ژ بۆ حكومەتا کوردستانێ بێخن ته‌نگاڤیێ دا، ل هه‌ولێر کارمه‌نده‌ک یێ کۆنسوخونەیا ترکیێ کوشتن و پراڤاکاسیۆنه‌ک مه‌زن کرن. حكومەتا کوردستانێ مه‌جبوور بوو هنده‌ک ته‌دبیرا ژ بۆ کامپا مه‌خموور بگرن. ئه‌گه‌ر نه ژ هه‌ولێرێ بیا مه‌خموور ژیانا جڤاکی ب ته‌مامی تێکدچویا.
مه‌سه‌لا قه‌ندیل ژی ئه‌وه کو ب سالان وه‌ک باره‌گه‌هێ بنگه‌هین یێ پەکەکێ تێ زانین. لێ پەکەکە قه‌ندیلێ ل دژی ده‌ستهلاتا کوردستانێ ب کار تینه و د نڤیسێن مه‌دیا خوه دا ل دژی حكومەتا كوردستانێ ژەھرێ درێژن، هه‌ول ددن کو ناکۆکۆکیان د ناڤا پەدەکێ و یەنەکێ دا په‌یدا بکن .
د ڤان ڕۆژێن ته‌نگاڤ و دژوار دا پێویسته ڕۆژه‌ڤا سه‌ره‌کی یا کوردا پاراستنا ژیانا خه‌لکی به ل دژی نه‌خوه‌شیا کۆرۆنایێ، لێ مخابن سیاسه‌تا کو ل سه‌ر ژیانا خه‌لکێ ژ بۆ هنده‌ک ده‌ستخستنێن ته‌نگ یێن ڕێخستنی، د هنده‌ک جهان دا ڕێ ل پاراستنا ژیانا هه‌موه‌لاتیان ژی دگره.
هه‌تا کو کورد وه‌ک مله‌ت ڕاستیا خوه نەبینە که‌سه‌ک نکاره کوردا ڕزگار بکه و دێ هه‌ر ده‌می مه‌حکومێ ئالیێن سیاسه‌تا نه کوردستانی و نه نه‌ته‌وەیی بن.
گەلەك جاران پرانیا سیاسەتمەدار و رەوشەنبیر ژ بۆنا ھندەك بەرژەوەندیێن بچووك ل ھەمبەر سیاسەتێن شاش بێ دەنگ دمینن.
