ھەدەپێ دۆزا رۆبۆسکیێ فرۆتیە ده‌وله‌تێ
ل گوندێ ڕۆبۆسکی یێ سه‌ر ب قلابانێ ڤه ل پارێزگه‌ها شرنه‌خێ، ڕۆژا 28ێ کانوونا 2011ێ خه‌لکێ گوند کو ژ بۆ دابینکرنا ده‌بارا ژیانا خوه ل سه‌ر سینۆرێ باکور و باشوورێ کوردستانێ کار دکرن بووبوون ئارمانجا ئێرشا فرۆکه‌یێن شه‌ر یێن دەولەتا ترکیێ.
د ئه‌نجامێ بۆمبه‌بارانا فرۆکه‌یێن ترکیێ دا 34 هه‌موه‌لاتیێن کورد شەھید بوون كو پرانیا وان زارۆک بوون.
مالباتێن قوربانیێن کۆمکوژیا رۆبۆسكیێ ژ بۆنا كو شەھیدێن خوه ب بیربینن سالانه ڕێورەسما ل دارتێخن.
د وێ ده‌مێ دا پەکەکێ/هەدەپێ پرسا ڕۆبۆسکیێ کرن وه‌ک بابه‌ته‌ک یا پرۆپاگانده‌یا خوه و هه‌تا وه‌ک ئیرۆ ژی ڤێ هه‌لوه‌ستا خوه به‌رده‌وام دکن. د مەراسما ئیسال پێکهاتی دا، جارا یه‌که‌م هه‌ڤسه‌رۆکا هەدەپێ په‌روین بولدان، ل خوه مکور هاته و دا خوویاکرن كو وان ب ئاوایەكێ پێوست گرنگی نه‌دایه دۆسیەیا کۆمکوژیا ڕۆبۆسکی و ژ بۆ ڤێ خه‌مساریا وان ژی هه‌تا وه‌ک ئیرۆ گلینامەیا خه‌لکێ ڕۆبۆسکیێ ل مەحكەمەیێ نه‌گەهەھشتیە ئارمانجا خوه.
په‌روین بولدان د ڤێ ده‌ربارێ دا بارۆیا شرنه‌خێ تاوانبار کر و دا خوویاکرن کو، ژ ئەگەرێ خه‌مساریا بارۆیا شرنه‌خ د ڤێ دۆزێ دا عەدەلاتێ جھێ خوە نەگرتیە .
لێ سه‌رۆکێ بارۆیا شرنه‌خێ، نووشێرڤان ئه‌لچی، د جھ دا به‌رسڤا بولدانێ دا و ده‌ره‌وا وێ ئا‌شکه‌ره کر. هه‌روه‌ها ئه‌لچی دبێژه کو، هەدەپێ دۆزا ڕۆبۆسکیێ نه‌شۆپاند و ئه‌و بوون ئەگەرێ ڕه‌دکرنا دۆسیەیا ڕۆبۆسکی ل دادگه‌ها مافێ مرۆڤان یا ئه‌ورۆپایێ دا.
ژ ئالیه‌ک دن ڤه ده‌ما باله‌فرخانه‌یا شه‌ره‌فه‌دین ئه‌لچی ل شرنه‌خێ هاتیە ڤه‌کرن، هه‌ڤسه‌رۆکێ هەدەپێ یێ وێ دەمێ، سەلاحەدین ده‌مرتاش، شاندەیەكا مالباتێن قوربانیێن ڕۆبۆسکی دبه دەڤ ئه‌ردۆگان و ل باله‌فرخانه‌یا شرنه‌خێ مالباتێن قوربانیان دگەل ده‌مرتاش جڤینه‌کێ د گه‌ل ئه‌ردۆگان دكن. ژ خوه پشتی ڤێ جڤینێ هەدەپێ پشتا خوه دا دۆزا ڕۆبۆسکییێ.
پشتی ڤێ هه‌ڤدیتنێ گه‌له‌ک که‌س ئیدیعا دکن کو ده‌مرتاش و هەدەپێ دۆزا ڕۆبۆسکیێ فرۆتیە ده‌وله‌تێ. ژ خوه هه‌تا وه‌ک ئیرۆ ژی د هه‌موو مەراسمان دا هەدەپێ و پەکەکێ دۆزا ڕۆبۆسکی کرن وه‌ک شۆڤه‌ک سیاسی.
د ڤێ یه‌کێ دا كێماسیا مالباتێن قوربانیێن ڕۆبۆسکیێ ژی هه‌نه . پێدڤی بوو وان دۆزا خوه ڕاده‌ستی هەدەپێ نەكربا و ڕێ نه‌دابان کو که‌سه‌ک ل سه‌ر خوینا زارۆکێن وان سیاسه‌تێ بکه.
