پرۆژه‌یا «براتییا گه‌لان» چی یه
پشتی کو ئۆجەلان سۆز ب ده‌وله‌تا ترکیێ دای خزمه‌تا وێ بکه‌ت، پرۆژه‌یا «براتییا گه‌لان» ل باکورێ کوردستانێ که‌فته د وارێ جێبه‌جێکرنێ دا، ئۆجەلان وه‌ختا ل کینیایێ خوه راده‌ست کری و هێشتا د باله‌فرێ دا بوو ده‌ما گۆتییه ئه‌فسه‌رێن ترک «ئه‌ز ژ بۆ خزمه‌تێ ئاماده‌مه»، ئۆجەلان ل وێرێ سۆزا ئاسمیله‌کرنا گه‌لێ کورد دا ده‌وله‌تا ترکیێ، سۆزا بێ چه‌ککرن و گوهه‌رینا ئاراستێ تێکۆشینا رێخستنا په‌که‌کێ دا، ب ئاوایه‌کی کو بکه‌ڤیته د به‌رژه‌وه‌ندییا ئه‌جێندایێن ده‌وله‌تا ترکیێ دا.
ئۆجەلان ل سالا ۲۰۱۳ێ پرۆژه‌یا «براتییا گه‌لان» قه‌بوول کر، ل گۆری وێ پرۆژه‌یێ پێویسته (ئاشتی ل ترکیێ بهێته چه‌سپاندن)، ئۆجەلان ژ په‌که‌کێ خوا‌ست چه‌کان دانن و ژ ترکیێ ده‌رکه‌ڤن، وی بانگ ل ۳۰ ملیۆن کوردێن باکور کر کو ده‌ست ژ مافێن خوه یێن نه‌ته‌وه‌یی به‌رده‌ن، ژ بۆ کو ل سه‌ر بنگه‌ها «براتییا گه‌لان» د ناڤا جڤاکێ ترکیێ دا ئاسمیله ببن.
یا راست ئه‌ڤ چه‌نده چێبوو، گه‌ریلا ژ باکور بۆ رۆژاڤا و باشوور هاتنه ڤه‌گوهاستن، ژ بۆ کو پشتگریێ ل رژێمێن ئیراقێ و سووریێ بکه‌ن کو پرۆژه‌یا «براتییا گه‌لان» ل ڤان هه‌ردوو پارچه‌یان ژی سه‌ربێخن.
پرسیار ل ڤێره ئه‌ڤه‌یه، گه‌لۆ پرۆژه‌یا «براتییا گه‌لان» چی یه؟
«براتییا گه‌لان» پرۆژه‌یه‌کا قرێژ یا ئیستخباراتی یه، ده‌زگه‌هێ ئیستخباراتا ترکیێ ب هاریکارییا هه‌ر یەک ژ رژێمێن سووریێ و ئیرانێ چێکر، پشتگریێ دده رژیمێن کوردستان ل هه‌ر ٤ پا‌رچه‌یێن داگیر کری، ئه‌ڤ پرۆژه ژ کوردان دخوازیت ده‌ست ژ مافێن خوه یێن نه‌ته‌وه‌یی به‌رده‌ن و د چارچۆڤه‌یا وان ده‌وله‌تان دا بمینن و د ناڤا گه‌لێن وێ دا ئاسمیله ببن.
یا راست ئه‌م هه‌موو دزانین کو رژێمێن ده‌وله‌تێن داگیرکه‌رێن کوردستانێ ئیدیعایا دیمۆکراتیزه‌بوونێ دکه‌ن، ب ئاوایه‌کێ کو ئه‌و جوداهیێ د ناڤبه‌را پێکهاته‌یێن گه‌لێن خوه دا ناکه‌ن، پرۆژه‌یا «براتییا گه‌لان» ژی ب ته‌مامی ئه‌و یەکە کو ئه‌ڤ ده‌وله‌ته دخوازن ل سه‌ر گه‌لێ کورد پێک بینن، ب گۆتنه‌کا دی ئه‌ڤ پرۆژه دبێژ کوردان: «ده‌ست ژ خه‌ونێن خوه به‌رده‌ن و ل گه‌ل گه‌لێن ده‌وله‌تێن داگیرکه‌ر بژین و د ناڤا وان دا ئاسمیله ببن».
پرۆژه‌یا «براتییا گه‌لان» کو په‌که‌که و رێخستنێن دووڤه‌لانکێن وێ یێن مینا په‌یه‌دێ و رێڤه‌به‌رییا خوه‌سه‌ر دخوازن ل سه‌ر گه‌لێ کورد ل رۆژاڤا ب دارێ زۆرێ و تەرۆرێ و پرۆباگەندایێ جێبه‌جێ بکه‌ن، ب مه‌زنترین دره‌و و خاپاندن دهێته حه‌ساب کرن کو ب درێژاهییا دیرۆکێ ل گه‌لێ کورد هاتییه کرن، ژ به‌رکو ئارمانجا ڤێ پرۆژه‌یا قرێژ ژ رێبرنه‌ده‌را دۆزا کوردی یه ل هه‌ر چار پا‌رچه‌یێن کوردستانێ، هه‌روه‌ها دخوازە کورد حه‌تا رۆژا قیامه‌تێ ل ژێر ده‌ستهلاتا داگیرکه‌ران بمینن، له‌وما پێویسته کورد هشیار ببن و بزانن کانێ ئه‌ڤه چ پیلانن ل دژی وان دهێنه مه‌شاندن، هه‌ڤده‌م ب هه‌موو هێز و شیانێن خوه ل دژی ڤێ پرۆژه‌یێ راوه‌ستن به‌ری کو ببیته ده‌ره‌نگ، ژ به‌ر کو ئارمانجا ڤێ پرۆژه‌یێ ئارمانچگرتنا کیان و نه‌ته‌وه‌یا کوردی یه، ئه‌و نه‌ته‌وه‌یا کو رهێن وێ د کووراهییا دیرۆک و جوگرافیایا ناڤچه‌یێ دا جهـ گرتی.
جه‌مال حه‌مێ
دارکامازی
