نیاز ده‌رگه‌له‌یی ژی کوشتی هاتە دیتن
نیاز ده‌رگه‌له‌یی، ئه‌ندامێ به‌رێ یێ سەرکرداتیا یەکێتییا نشتیمانییا کوردستانێ د ناڤ باخچێ وی دا ل رانیه، رۆژا ٢٠٢٣/٨/١٨ێ، ب کوشتی هاته دیتن. دەرگەلەیی ب کەسەکێ سەر ب بالێ لاهۆر شێخ جەنگی ڤە دهاتە ناس کرن. ژ بەر هندێ شارازا و ئالیگرێن شێخ جەنگی ڤێ کریارێ ب کریارەکە تەرۆرێ ب ناڤ دکن.
خویایە ئه‌ڤە شه‌رێ ”تەسفیا حساباتایە” که‌فتیه د ناڤبه‌را هه‌ر دو بالێن یەکێتییا نشتیمانیێ کوردستانێ، بالێ لاهۆر شێخ جەنگی و بالێ بافل تالەبانی، دا ل سنورێ پارێزگه‌ها سلێمانیێ
کوشتنا نیاز ده‌رگه‌له‌یی نه ئێکه‌م کوشتن و کریارا تەرۆرێ یە ل سلێمانیێ، چونکی ژ به‌ر شه‌رێ ڤان هه‌ر دو بالا گه‌له‌ك هاتینه تەرۆرکرن وه‌ك (کاروان عه‌لی شامار، هاوکار جاف ٫ موراد کانی کورده‌یی و ئاکام عومه‌ری) کو پرانیا وان سەر ب بالێ شێخ جەنگی ڤە نە .
ئه‌ف سیناریویه دزڤریت سه‌رده‌مێ ل کۆنگرەیێ داویێ یێ یەکێتییا نشتیمانییا کوردستانێ کو د وێ کۆنگره‌یێ دا دو هەڤسه‌رۆك هاتبوون دیارکرن: پافل تاله‌بانی و لاهورێ شێخ جه‌نگی، لێ پشتی چه‌ند هه‌یڤه‌کا پافل تاله‌بانی شیا ئینقلابه‌کێ ل دژی لاهور شێخ چه‌نگی بکە و وی ژ پۆستێ هەڤسەرۆکیێ دوور بکه‌ت و هه‌تا د ناڤ رێزێن یەنەکێ دا ژی هاتیه دوورکرن.
