ب ڤێ رەوشێ یەنەكە بچە كۆنگرەیێ دێ ئەنجام چ بن
یەكێتییا نیشتمانییا کوردستانێ وه‌سا دایه دیارکرن كو دێ ل ٢٠٢٣/٩/٢٧ێ کۆنگرەیێ خوە یێ پێنجێ ئه‌نجام بدە.
وەك تێ زانین كۆنگرەیێ چوارێ یێ یەنەكێ ل روژا ٢٠١٩/١٢/٢٣ێ هاتبوو ئه‌نجام دان و د وێ كۆنگرەیێ دا دو هەڤسه‌رۆك; بافل تالەبانی و لاهۆر شێخ جەنگی، ژ بۆ یەنەكێ هاتبوون ده‌ستنیشانکرن.
لێ پشتی كۆنگرەیێ هەر زوو ململانێیه‌کا گەلەك دژوار كەتە د ناڤبه‌را هه‌ر دو بالێن یەنەكێ دا دروست بوو و ناڤخوەیا یەنەكێ ب ته‌مامی تێکچوو و هه‌تا گه‌هشته وی راده‌ی كو بافل تا‌له‌بانی خوە وەك سه‌رۆکی یەنەكێ راگەهاند و لاهۆر شێخ جەنگی ژ یەنەكێ دەرێخست. ئێدی تەسفیا حساباتا دەست پێ كر و و د ڤی شەرێ نەراگەهاندی یێ د ناڤبەرا جوتپسمامان دا هژمارەكا سەركردە و فەرماندارێن لەشكەری هاتن تەرۆر كرن و بكوژێن وان نەهاتنە دیتن و ئاشكەرا كرن.
هەموو چاڤدێرێن سیاسی د وێ باوریێ دا نە ئەگەر ب ڤێ رەوشا یەنەكە تێدا بچە كۆنگرەیێ دێ ئەنجامێن نەباش هەبن.
دبە كو گه‌له‌ك ژ ئەندام، کادر و به‌رپرسێن یەنەكێ ده‌ست ژ كار بكێشن
ده‌ستژكاركێشانا وان ڤەدگەرە ژ بۆ هندێ كو ئەو ژی دترسن رۆژه‌كێ وه‌کی: کاروان عه‌لی شامار، هاوکار جاف، موراد کانی کورده‌یی، ئاکام عومه‌ری و نیاز ده‌رگه‌له‌یی بهێنه تەرۆرکرن ژ بەر كو ئه‌ڤ دیارده‌یه یا به‌رده‌وامه ل سنورێ پارێزگەها سلیمانیێ.
