ب هه‌زاران جەکدارێن\ ملیسێن ئەفگانی و پاکستانی ژ لیوایێن فاتمیوون و زه‌ینه‌بیوون، پشتی ڕووخاندنا ڕ‌ژێما به‌شار ئه‌سه‌د، ژ سووریێ به‌ر ب ئیراقێ ڤه چوونه و هه‌بوونا وان ل پاشه‌رۆژێ ل سەر ناڤچەیێ دبه پرسگرێک مه‌زن.
ل گۆری ڕۆژنامه‌یا ئیستقلال، ئه‌ڤ کۆمێن چەکدار یئێن کو د سالا ۲۰۱۱ان دا ب به‌هانه‌یا پاراستنا مه‌زارێن شیعه‌یان و به‌ره‌ڤانیکرن ژ رژێما ئه‌سه‌د ل سووریێ هاتبوون بجهکرن، نها به‌ر ب ئاخا ئیراقێ ڤه چوونه.
چوینا وان چەکدارن بۆ ئیراقێ مەترسیەک مەزین چێکریه، کا گەلۆ چما ئه‌ڤ چەکدار ڤه‌نه‌گه‌ریانه ئیران یان وه‌لاتێن خوه، به‌ره‌ڤاژی ملیسێن حزبولا کو ب گرانی پاشده ڤه‌کشیانه لوبنانێ. نه‌بوونا هه‌لوه‌سته‌ک فه‌رمی یا ئیراقێ ل سه‌ر چاره‌نڤیسا ڤان چه‌کدارێن بیانی، نه‌زه‌لالیێ زێده‌تر کریه.
ڕاپۆره‌کا تۆرا سووریێ یا مافێن مرۆڤان دیار دکه کو، ۳٥ هه‌زار ملیسێن شیعه ل سووریێ مانه، کو پرانیا وان ئەفگانی و پاکستانی نه. ئاژانسا نووچه‌یان یا ئیراقی، به‌غداد تۆدەی، ژی ڕاگەهاند کو چه‌کدارێن لیوایێن زه‌ینه‌بیوون و فاتمیوون ل پارێزگه‌ها دیالا، کو هه‌رێمه‌ک سنۆری یا نێزیکی ئیرانێ یه، هاتنه دیتن.
ل گۆر، به‌غداد تۆدەی، ڤان چەکداران داخواز ژ ڕایه‌دارێن ئیراقی کرنه کو ڤه‌گه‌راندنا وان پاشبێخن؛ ئه‌ڤ ژی نیشان دده کو ل ئیراقێ چاره‌سه‌ریه‌که ده‌مدرێژ پێکانه. ژێده‌ره‌کی پایه‌بلند یێ سیاسی یێ ئیراقی، ب نه‌په‌نی ژ ئیستقلالێ را ئاخڤی، ته‌که‌ز کر کو ئه‌ڤ گرووپ لگه‌ل ملیسێن دن، پشتی ڕووخاندنا رژێما ئه‌سه‌د ل ئیراقێ چالاکن و به‌غدایێ ژی چو هه‌لوه‌سته‌که فه‌رمی یا زه‌لال ده‌ربارێ ڕه‌وشا وان نیشان نەدایە.
ترسەک زێده هەتە کو ئه‌ڤ ملیسێن ئەفگانی و پاکستانی ب ئاوایه‌کی دائیمی ل ئیراقێ ب جهببن؛ ڤێ سه‌ناریۆیێ دلگرانیا سیاسه‌تمه‌دارێن ئیراقی زێده کریه، ب تایبه‌تی د ده‌مه‌کێ دا کو ئامه‌ریکا فشارێن خوه ل سه‌ر ملیسێن ب پشته‌ڤانیا ئیرانێ زێده دکه. ڕێڤه‌بریا سه‌رۆکێ ئامه‌ریکایێ دۆنالد ترومپ کریارێن خوه یێن ل دژی کۆمێن وه‌کاله‌ت یێن ئیرانێ توندتر کریه، و ئه‌ڤ گومانا کو دبه کو ئه‌ڤ شه‌ر ببن ئرمانجا ئۆپه‌راسیۆنێن پاشه‌رۆژێ زێده بکه.
زێده‌بوونا هه‌بوونا ڤان ملیسێن بیانی ل ئیراقێ ژ بۆ به‌غدایێ کێشه‌یه‌ک ته‌ڤلهه‌ڤ ده‌ردخه هۆلێ؛ ژ به‌ر کو وه‌لات ب فشارێن ئه‌وله‌کاری و سیاسی هه‌م ژ ئالیێ ئاکتۆرێن ناڤخوه‌یی و هه‌م ژی یێن ناڤنه‌ته‌وه‌یی ڤه تێدکۆشه.
