ئه‌نداما کۆمته‌یا ڕێڤه‌به‌ر یا پەکەکێ، به‌سێ هۆزات، به‌حسا ڕه‌وشا ئۆجەلان دکه و به‌رسڤا گۆتنێن وه‌زیرێ عه‌داله‌تێ یێ ترکیێ دده.
به‌سێ هۆزات د به‌رنامه‌یه‌ک یا ته‌له‌ڤیزیۆنا مه‌دیا خەبه‌رێ دا داخویانی دا و گۆت: وه‌زیرێ عه‌داله‌تێ یێ ترکیێ دبێژه کو“پەیاما ڤیدیۆیی نه ل گۆری قانوونێ یه.” ب ڕاستی ژی ئه‌ڤ داخویانیه‌ک نه جدی یه. ئه‌م ڤێ هەلوەستێ ب توندی ڕه‌د دکن، ڕه‌خنه دکن و ب چو ئاوایی قه‌بوول ناکن.
به‌سێ هۆزات به‌رسڤا وه‌زاره‌تا عه‌داله‌تێ یا ترکیه ده دبێژه: “گه‌لۆ هوون لیستکێ دلیزن، هوون دخوازن چ بکن؟ هوون داخویانیێن خوه یێن ژ مه‌ها جۆتمه‌هێ و ڤر ڤه دکن ب چ ڕه‌نگی دنرخینن؟ دبێژن داخویانیا ب دیمه‌ن نه ل گۆری قانوونێ یە، گه‌لۆ داخویانیا نڤیسی ل گۆری قانوونێ یه؟ ئه‌ڤ چاوا دبه؟ گه‌لۆ ڕاسته کو ڕێبه‌ر ئاپۆ د ناڤا شه‌رت و مه‌رجێن ته‌جریدێ دا داخویانیێ بده؟ باندۆرا داخویانیا د ناڤا ته‌جریدێ دا بێ کرن وێ چ به؟ ئه‌ز ژ وه‌زیرێ عه‌داله‌تێ دپرسم. داخویانیا ڕێبه‌ر ئاپۆ یا د ناڤا شه‌رت و مه‌رجێن ته‌جریدێ دا ل گۆر قانوونێ و حقووقێ یە یان نا؟ بلا به‌رسڤێ بدن ڤێ یه‌کێ.”
“دڤێ شه‌رت و مه‌رجێن ڕێبه‌ر ئاپۆ د ناڤ دا تێ ڕاگرتن بێنه گوهه‌رتن، بێنه باشکرن. ته‌جرید دڤێ ب ته‌مامی ژ هۆلێ بێ ڕاکرن. ڕێبه‌ر ئاپۆ دڤێ ئازاد به، بێ به‌ردان. د ناڤا شه‌رت و مه‌رجێن ئازاد و گونجاو یێن کار دا به کو کاربه ب ڕۆلا خوه ڕابه، بخه‌بته، پێڤاژۆیا ڤه‌گوهه‌رینا ده‌مۆکراتیک ئاڤا بکه و ب ڕێڤه ببه. ئه‌گه‌ر ئه‌ڤ نه‌به وێ چاوا ببه؟”
به‌رده‌وامیا داخوویانۆیا خوه دا هۆزات دبێژه: نها ژی دبێژن، “بلا داخویانیێ بده لێ به‌لێ بلا داخویانی نه ب دیمه‌ن به ئانکو پەیاما ڤیدیۆیی نەبە. بلا ب نیڤیسکی به، بلا ب خوه ژی نه‌خوینه، بلا یه‌ک بستینه و بخوینه.” ئه‌م ب توندی ڤێ یه‌کێ ڕه‌د دکن. چو باوه‌ریا ڤێ نینە و چو باندۆرێن وێ ژی چێنابن. تشته‌که ب ڤی ڕه‌نگی نایێ قه‌بوولکرن. تو یێ ڕێبه‌ر ئاپۆ د بن شه‌رت و مه‌رجێن ته‌جرید و ئێشکه‌نجه‌یێ دا بگری، دێ هن ڕابن ل سه‌ر ناڤێ ڕێبه‌ر ئاپۆ به‌لگه‌یێ بخوینن و ل به‌ندێ بن کو ته‌ڤگه‌ر و گه‌ل ڤێ یه‌کێ قه‌بوول بکن. ئه‌ڤ خه‌یاله‌ک ڤالا یه. بلا چو که‌س ب خه‌یالێن ب ڤی ڕه‌نگی خوه نه‌خاپینه. ئه‌م ب جدی ناگرن.
